¹ Ikaakes to' Sábado ache'rií. maria Magdalenari to' Maríama Santiago a Salóme akakíwa, pe'krií to' especies aromáticasro, a eka pe'krũ to' Jesús apesh muhlerií pa õshkerpiro. ² Tishkarrí to' semana ki'riche, eka nerií a kaãso'ña to' ãn apaskuaya. ³ To' corta ekaya ñehlera nerí ekari a akuawa "¿Taya wartu'pisa to' saí a ki kaaso'newãí to' untasro?" ⁴ Akashkua ekaya kacherí, ekaya cherí to' saro wartukriwaakrí, ama a'karí. ⁵ To' kortaro tokrí a kaasokí cherí arwã as akaowama kamasari, a chiri to' abriña a derecho, a kortama akati'rí. ⁶ Eka ti'kakí to' kortaro: "Akatiutiíwá. Pawahí prohñawĩ a Jesús, el Nazareno, a taro amaskrí. ¡Ekama warkuatishkí! Ekama ñama aa'tií chauwá to' eka tukriña. ⁷ Ihkakes nauwá, ta'kakauwa to' discipulosro a Pedrowa Eka newá awakiña to' Galileaña. Aña pawahí chelerpe, Eka ti'kakiike. ⁸ Kortama ohlera apaskrí a kaaso'ña, kortama aakrí akati'yo maravilladas. Kortama iñehlertirí a ekama aka'ti'ri we'ri. ⁹ Tiskarrí to' semana ki'rí, akashkua a Eka taishtakí, Eka ki' arpaskí to' María Magdalenaro, akaro Eka akaspaskuakrí tawak demonio. ¹⁰ Ekama neí a ti'kakí to' a akriwakriro ekayo, aakrí ñehlera akahniakrí. ¹¹ Ekama weshkrí to' Eka wakuarí a Eka cheriwakrí to' korta ya akashkua to' Ekama cree ishkerií. ¹² Waripe to' yaslerí Eka apesh akriña apaskí akuake. A Ekaro tarteshki nerí arahnake to' campoya. ¹³ Ekama nelera ti'kaki'rí to' discipulos tis chirii, akes ekama añah weshkertiri. ¹⁴ Jesúsma apaski anipe 11 akashkua ekama aakrí to' mesaya, a ti'ka'kií a incredulolerish to' aturusa kuehnilerirish, akes ekama ñah weshker tirí a ekaya cherií akes Eka ne ta ishtakí to' onriya. ¹⁵ Eka ti'kakií to' ekaro: "Nauwa to' ku' krihro añahñahuwa to' evangelioro a eka kakiiro. ¹⁶ Ataro ñah weshkuama ta muhpe ne sukuhpé, y taro ñah weshtuma condenahki'pe. ¹⁷ Ña señalesma nelerpe ataro yar weshkerma. A ta piyo to' walash arahnaya a chehlerpe. Ekama añah we'ka kapashkerpe. ¹⁸ Ekama pesh sawaya sukuhlerpe to' ebisro, to' yas onnawa sukuhlerma in kaki'tipe. Ekama peshsawa tukerpe to' pesh chanawayas, itah tishkerpe". ¹⁹ Akashkua to' Señor ñehí a ekaro, Eka neí sukuhrí to' piriña chreí achihí asawa derechaya a Patatishtayo. ²⁰ To' discipulosma piya piyah ñah ñehrí. Awakí a Señorma katun ishkí to' ekayo y ñehí a añahro to' señalesrí a milagroma akaro arachihlerurí.