Juan_HRomeroC-pay_mrk_text

Capítulo 14

¹ Imá irí án pokrií Akatikachẽ toh pon apiniha akachituwá. toh asãstá paré toh escribas ameshkaishkrí inkenká sukuprá tiká amaskapé ² Ekañá ñehrí, Akatikaché toh Pesh wrihá ishtakerá troçhelerti piró". ³ Akashkuá Jesúsmá toh Betanía ña akrí simón akaóñá bros akachuñá, toh sira a apishkaishkí, Korta as te'boní toh baten asyó, toh asa tis akachiamá aôwaruí, akenarií toh nardo eñarií. Toh batenmá kortañá wakí asañá aroçheí. ⁴ Akashkuá akualermá akaiwá tishkrí. Aekapeká kapashkerá ñélerurí, "¿Piaró yarsó i Tõhpirií? ⁵ Imá asó pro prokiwá, ima awá mai kií úçhabarishkí, kawishbrá toh oisleró". Ekaná ña tihkirí. ⁶ Akashkuá Jesús ñehí, "Ta'kútibá. ¿Irish tákiñawisá? Toh artaña eña ishkuá tasró. ⁷ Pamá atewatá oisilemá payo akupiwá, Ahí pañá eñishkupiwa aenkayowá. Tasmá ché atewatá takuãá kutipiwá. ⁸ Toh kamá kií eñaishkí: toh kortañá ta pesh kaoró arôkí tas kansokñá. ⁹ Yar tapikapawá. Parôhwá, piãh neumá toh evangelio ñahupiwá toh kuk kriró, toh wá ñahapiwá, toh kortá ishkiró toh kortá asãripiró. ¹⁰ Akashkuá Judas iscarotemá, toh ukua pakña as apaskí, Pahre pita sãtarí, inkenkií kawishpirisá toh Jesúsró, ¹¹ To´ pahré asã weihamá weshkriná, arari tishkriná plato wishkerpirí. Ekaná ña es prohí wishpirishkií a ekará. ¹² Ã as akatiká toh pan apinihá akamé akuchitú, ahí tehkerá Pesh wakua as amas kerurí toh eyeshkeñá ara baktamá ti´kií "¿Piañaáró sirá nakahprá, ná aupirí?" ¹³ Ekañá bakta pok katunhí ti´kakií. "Kaãuya nauwawí areãí as chaũwá serí asó mustí as papiwá arachahupiwá ¹⁴ Piãh kaó tokumá, asáañá tokuwá, kao iwá a ishkupiwá, kachúwishta ñehí, " Piõh okisá toh apañá, piãh âhpasá, to´Apará buktaró? ¹⁵ Ekaná kaó sañá a´ka ás kashiwishpé eña a piwá. Kaparwawĩ tõ´ñá taste ehró. ¹⁶ Apará baktamá kaãuyá apaskerá nacherí, Ekamá prohrií kríró inkentika kikena, ekaná siraró kihrí, pascua chẽ́. ¹⁷ Ké Ké aní tishneumá, Ekamá apara baktá ukua pokyo´nebaní, ¹⁸ Ikakẽsh achihlerá toh artesáná Jesús ñehí, yarta´kaka pawwí ás chií tasyo ẽ´wá tõ´ñá tarmaspé ¹⁹ Toh ekamá wrihámá ameshtawarkrpi, as as ñelerurí "Tasmá ratawá?" ²⁰ Jesús ti´kakií, ñehí, "To´ukua pak as chihí pan muhumá to akaña to ñaripé ²¹ Arwã́ a yerwamá ta´ñá nepé inken kakorsñewakená ekaé. I kakesh itãró arwâ as chíí sá. ²² Ikakes ke éhlermá, Jesús pan sukuhí, arñehí kapeí, krákií. Ekarú kawishkí ñehí" Tokuwá imá tapeshkaoí. ²³ Penwrá tokí (copa), kapar kapeí, a ekaró kawishkí, kriró toçherí. ²⁴ Ekaná ti´kakií, "Imá ta urií, yarí, to´urimá pitawarcheí pitas kriró. ²⁵ Yar tapikapawá, warkí to´tapawá ponwaí te´kataní weika warkí te´to´pawá piri patatista chuña. ²⁶ Tiká te´kerá eyeshka as eyeskrí, ekamá workirá apaskrí hoh chã́ wahañá, ²⁷ Jesús ti´kakií, "Pamá krirú tishteshkupiwá, imá kakirskor achihí, ´PATATISHTA KARCHIWIS KARTASPÁ, APARA ARACHA´TAMÁ NACHELERPE! ²⁸ Ikakés tiká te´ka taíshta´pawá Galilea naá tasmá kí napawá. ²⁹ Pedro ti´kií a eká "kriró tisteshchelerikí tasma ka´tapa ³⁰ Jesús ñehí a ekaró, 2Yar tapi kapá, i kakañá toloni arwã wa´tutewá, pañpa kri maí tarkasaupé. ³¹ "Akashkua Pedro ñehí: payá ampamá, pirkasatapá to´má kriró asken ñehrí. ³² Kuk Getsemaní neborí toh Jesús baktá tihkakií, arñahá, "pamá nauwá achauwawí". ³³ sukuhí toh Pedro, Santiago, toh Juan ameshkipé wé tawarkí. ³⁴ Ekaña tihkií, " Takuansamá we ameshkuá, i kakes ké omparuwá, ñá tacheuwá tawarkuwawí". ³⁵ Jesúsmá kí tishneí, kukñá arñehí akapé, Yar tishpimá, toh tukteshpirí a ekaró. ³⁶ Eká nehí, "Abba, Padre, payomá yar tishpé. Tishpeshkú ií pen wrá toká. Akashkua tasté tishtií, pañaró tishpé". ³⁷ Ekamá warkí te´kumá kacheuma okaishkriná, Pedro ró ti´kií, "simón, ¿okaishkia? ¿akináchaní Wah as apishkutuwa? ³⁸ Arñehuwá, kapauwá pirkasatama te´tipiró. " Toh akuansamá eñatishpe, pitá yukú mai mainaí. ³⁹ Ekamá warkí nerá arñedí, añá aspes ñehí. ⁴⁰ Ekamá warkí te´kí, kacheí okaishkrí, awãshtã Peshawaró oishkakiwarurí, Ekamá in ñelertií ⁴¹ Maí kiwá te´ki ti´kakií ¿atewatá okáishkiña wí karakpikiwawi atewata? ¡Íchẽripe! Tachmá te´bona. ¡Chauwawí! Toh arwá ayerwamá Toh asawá warkuá ishta kawishkrí. ⁴² Ishstakuwá nabarwawí. chauwá. To´tarkaseumá ke erña akí. ⁴³ Waripé tehkí, akashkuá ekamá atewata kapashkuamá, isparayo penrí, toh pẽsáta pahrerí, escribarí, wãwarí. ⁴⁴ Toh ñá arkasehiná chõpiwá kawishkí, "Tasña ohnashkari, tõhñaí. chaenkauwá sukuhú pakuwawí" ⁴⁵ Judas te'bonamá, waripé tehkií Jesúsná Tehkiski imá tihkií "¡Rabí!" Tañá ohnaskarí. ⁴⁶ Akashkuá ekañá asawá su kurá Jesúsro akastokrí ⁴⁷ Akáshkuá as akí ispará as paskí, pahre baktá as asunró atẽsh as taskí. ⁴⁸ Jesús ti´kakií a ekaró, "¿Pamá apaskuwá, inkén tarte´kíawi isparayó penyorí, tehkuwá tasukuhupiwá? ⁴⁹ Tasmá tohña akamá payowá. Kapán kapán chapawá tasmá kashwishkaiskarí irish tasukulírtirísá achuish kaoña, imá tohkaró Yar tishpe toh kakorskará. ⁵⁰ Taró Jesús yo akrimá akasteshkerá trokrí. ⁵¹ Ye erwá as aekaró sukulerá, ⁵² Ekamá akaowamá tukneí, apeshpé neí. ⁵³ Jesúsmá pareñá pakrí tohñá tauwãcherí asã; ta a´kaperó, wãwãrí toékayó. toh escriba toh wãwãrí ton ekayó. ⁵⁴ Toh Pedromá ke kãrá aráchiwarurí, toh pehré akaó abriché. Ekamá abriñá kachẽi chrechihí, toh tenwã abriná akermá triskerpirá ⁵⁵ Inkatamá toh pahré asãhtá kriró, añawarkiró prolerpiriskrí toh Jesúsró pakerá amaskerpiró, toh ekamá i arpaskertií. ⁵⁶ Akẽsh akiná ná kasa akaperkeií toh Jesúsró toh akesmá aché ñeuma. Tohkenatarí, ⁵⁷ Toh akuamá ishtakerá ñá warkíperó arsuk ñelerurí a Ekaró: ⁵⁸ "antasñá weshpri iró´ñehí kená: Tasñá ã maiyo kapá arwã asawayó taripé asawayó taripé". ⁵⁹ Toh wrechepa ikaopi toh arwã aswayó taripé asawayo taripe". Toh ñewãmá toh kenatarií. ⁶⁰ Pahrema eka Pesh kera achihí ishtakí akapeí to Jesúsró " Irish kapashkutusá? ¿Í arwã wrish pirsukapashkerwá?" ⁶¹ Ekamá katirá tawarki ínéhtií. Toh Pahremá warki arkapeí ti´kií toh Jesúsró "¿Pariyá Cristo. Patatishta ayerwarí?" ⁶² Jesús ti´ka kií:" Tasrawá. Pañá chãupiwá arwã́ ayerwá ikakesh asawá enñañá achipé piri wanapýó tapunyó te´pé ⁶³ Toh Pahremá akaówamá yaskí, ñehí, "¿Atewatá chanaró chitowã? ⁶⁴ Pamá arkawarta weshkiñawí, ¿Paí tãisá?" Kri´kaña aña aspesñehrí anpirirá. ⁶⁵ Akuamá arta´tukerá archunirí awatapak mukerá arpishkrí ti´kirí. "¡Ñahú!" (ñáñahú). ãsãatañá pakera arpishkrí. ⁶⁶ Pedro awakñá awakí paré arwuarta as te´boní a ekañá. ⁶⁷ Toh Pedro kortañá cheí,tenwã́ tenwã́ tis abriñá akuaruri, tistekí chẽi. Akẽs ekaná nehí "pawã Jesús nazareno yo teshkirurí ̃ ⁶⁸ Ekamá arkaseí, tishkií, tasmá "ehẽ ari´tãwã iró ñe hí ekana" Akashkuá ekamá akaró apaskí. ⁶⁹ Toh arwartamá tihkakií toh aâkeró, "¡Toh arwartamá!" ⁷⁰ Ekamá warkí arkaseí. Akaskuá akinatis akerá as tehkí toh akermá Pedro ti´kirí. "Yartimá pawarorí Galileariya". ⁷¹ Ekamá arñá warkí tiákií: "Tasmá ĩ arwãmá arihtawã́ tahró ta' añawisa pawai". ⁷² Akashkuá toh totoni (Kapus) arwã, a krih pok wãní. "Akashkuá Pedro artaâkí Jesús iró tihkikena:" Toh kapús wahtutewá pamá krih Mai tar kasaupé", Ekamá Meh, meh kií aka'ní,