¹ Inkatamá án as de reposorí, Jesús tahás newachiri katún as tishkariña y asu'natamá uwehí nerí espigas peshsawaña tunra i awá e'rá. ² Ankariké Fariseo tismá ye'ri: "¿Irish inke ishkiawisa ishpashtin toh reposo aeché?" ³ Jesús, kakawárpiáshki, ti'kaki. "¿Pamá atewatá aweshkutu'iñawi toh David. Inshkií toh uwaki'iché, eká toh arwa'leriri taró ekayo aakri? ⁴ Eká Patatishta acaoñá toki i pan suku'i de la presencia é'i akuawa i toh arwá akua tisrí toh ekayo aakriri e'repiró, inkarike toh pare'pero e'repiririkeá." ⁵ Akashki eka ti'kakiki: "Toh arwa aye'erwamá toh Señor reposohí ." ⁶ Tu'teshki toh sabado as, eka toki toh sinagogaña i kachiwishki toh peshró to'ña. To'ña arwa as aakiri asawamá arsí. ⁷ Toh escribas i fariseosmá chaáishkri kisrí cheremiro toh eka Pesh chana karpeshkuakená sabadocheé, toh ake cherá pro'repiro inken ki'repikená warkua. ⁸ Inkariké ekama ari'i iró ameshka ishkrimá i ti'kií toh arwá asawa ars riró "Inshtakú aaku toh kri'peshkerañá." I'ka toh arwama ishta aaki tishki aakí. ⁹ Jesús ti'kakí ekaro: "Tas kakapa'awá eñati toh sabadoche eña ishki o warkuá ishka, i'ka toh pesh vida karmiska o warkákaá?" ¹⁰ I krí abriña aakrií wa'kachacheí ti'ki toh arwaró: "Pisawá ishpaku." Eka kií, i asawamá entishkí. ¹¹ I ekamá akaña ishkri ekape ña'neí aakri iró ki'repikená Jesusró. ¹² I tu'teshki to'che eka apasneí wá'ake arña'ña. eka arñe'i tu'teshki Patatishtaro kri'kakañanas. ¹³ I'ka ara'kiwamá, eka kar wani toh asu'nataró akamanaski úkua pok ekareñá, taró karwani tohwá apóstoles. ¹⁴ Toh apóstoles peshpinmá inrí Simón (taroh arwani Pedro) I toh aarki Andres, Jacobo (Santiago), Juan, Felipe, Bartolomé, ¹⁵ Mateo, Tomas, Jacobo (Santiago) alfeo aye'erwá, Simón taró ti'kileruri Zelote, ¹⁶ Judas Jacobo aye'erwá, ( Santiago i Judas Iscariote, taroh warkua tishta tishkií. ¹⁷ Akashki Jesús wa'añachi chreí ekareyo i akashkí teshkiakí, toh asu'nata we'tisyo i pesh wria'katishí de Judea, Jerusalen i toh také abrí chatá tiro i Sidón. ¹⁸ I ekama te'kerwa'akirí weshña i pesh chaná karpeshpiró peshma tis warkua wetri peshkuasá akuayó tohwá entishkrí. ¹⁹ Toh pesh kri'ro pe'repirishkrí toh poder apaskuarurí ekaña i toh pesh chaná karpeshkuarurí kri'ro. ²⁰ Akashki eka asu'nataró wa'kacheí ti'kí: "Bienaventurado riñawí pawaí oísi riñawí i'ka pamawá papi'iwawi toh Patatishta hi'i. ²¹ Bienaventurado rerá taroh uwakaka'wai inkatama, pama e'repé. Bienaventurado rerá pawaí akanrerí, pamá akakonhú'piwá. ²² Bienaventurado rerá pawaí toh pesh te'kra chaishtan kaki'wamá i te'kra ña'warki ñe'remá toh arwá aye'erwá rishkrá. ²³ Ararí tishkua to'che i nastua arrari'rí, inka pamawá in eíramá kakachipé recompensa a'kaas piriñá, inka ki'rima toh profetá, to'ké ki'repirishkri. ²⁴ Akashkua ¡Ay pawaí non reriñawi!, pamá ki eña chi'í chañawi. ¡Ay pawawí taró paró piyaen aakiawí! Pamá waripé uwakaki'piwá. ²⁵ ¡Ay pawaí taró akakonñawí i'katá!, toh ñe'ipé unrá akanrepé wapé. ²⁶ ¡Ay pawaí tonkri arwá eña ne'remá paróh, inka to'ke kaki'rí patata'wari toh falsos profetaska. ²⁷ I'ka ta'kakaawá pawaí taroh weshki aakerí, eña chauwawi to'warkua pika'ta i en pakua toh warkua ta'pika'tayo. ²⁸ Uña'u taroh warkua pika'taí arña'uwa toh warkua pichewaí. ²⁹ Toroh pirkate'wamá akatesh wishku pawá akuaró taróh pirtesukuamá su capa. ³⁰ Wishkua taroh pikape'wamá. Taroh as pape'ero pirtesukuamá, akapautí penpiró warkia. ³¹ Toh pesh to'ke ameskemá to'ka kauwá asken ekayó. ³² Toró pamawá eña cheimá toh eña pichewaperó. ¿eñati to'í pawaí? akashki pecadores charí en kachererá taró en kacheremá. ³³ Toró pawaí eña kraki'imawa to'pesh eñapiki'wapero, ¿eñati toí pawaí? i'ka toh pecadores recharí to'kenta ishkerá. ³⁴ Pawaí to'pero presta'kíimá tóh taroh wartapehí pe'piperó, ¿eñati toí pawaí? toh pecadores rechari prestaishkerá pecadoresró i awakerá wartapeí kawishkepiró toh ari'ké. ³⁵ Akes enchauwá warkua pika'tá eña kauwá. Presta'kauwá, akes awakuti wartape'í pe'pií i toh iña eña wishkechemá a'karipé, i pama Altísimo aye'erwá reropiwá, inka ekama eña patachemá toh warkua ishtareyó i toh pressa'toshkiyorí. ³⁶ Misericordioso raowá, toh pitus misericordiosoké. ³⁷ Artu'kuytíiwawí pawaí pirtu'ketipiró. Perdonakau toh akua i perdona' piki'repé. ³⁸ Kawishkuwá i pawá kawishkepé. Toh wé a'ka eñarí, akri'há toh toroh ishkuake to'ke kirepé ekawa wishkra toh ko'riyowá pawá tohyó piki'repé." ³⁹ Akashki ekawá ti'kaki parábola as. "¿Awáchenua as pakatí akua awachenuró? to'ke kiwamá pokró asken táenrepiprá asken atapa'ña, ¿tohkena tahí? ⁴⁰ Toh asu'nata asmá a'kataí toh achiwishtayomá, inkarike toh kri'ro, eña ashiwishkrima, tohmá achiwishtá kenalerpé. ⁴¹ ¿I'ka irish pawaí chañawisa toh pi arkí awasu'á, i'ka chautuwá piwá su'ká? ⁴² ¿Inken ta'kaupisa toh pi arkía: "Ta arki ¿pikaspaska toh piwá su'ña aaki," pawá achaunumá toh piwá su'ña aaki? ¿pawaí hipokritas piwá su'ta akaspaskuwá, i akes acha en ishkitaní aña'ma akaspaskupé toh pi arkí awásu'ka. ⁴³ Inka penwá eña chitowá penwá warkua ache'piró inka pen warkua chani penwá eña ache'piro. ⁴⁴ Inka penwamá ari'bará apenwaache'waña, akes peshrema uwe'retua awa sikisaña, inka uva chani uwe'retua zarza akero. ⁴⁵ Arwá eñamá, toh aturusaña akaspaskua eñaró, i arwa warkimá, toh aturusaña warkuapero akaspaskua. Inka toh aturusaña akachuró tohró ñe'wa asapa. ⁴⁶ ¿Irish pawaí tarwa'niñawisa "Señor, Señor" , i akashki, ¿weshkutuwawí tasta'kaka awawí? ⁴⁷ Taro pesh as te'kuamá tasña te'ki weshkuama taña'ha i en kiwamá, tasma ta'kaka'pa inkenasa. ⁴⁸ Ekamá arwa as kenaí kao as ki'ií. Toh ku'asaña i kií fundamento as toh kao sá aaña akes asó corpaas pekuama toh aso uyama pe'artuki toh kaoña, ankarike wreshtií tohma kaen ki'rewáaakirí. ⁴⁹ Akes toh pesh taña'taweshkemá i westumá, tohmá arwa as kenaí kao as ki'ií ku'aañapé saki. Akes toh asó pe'kuamá toh kaoña, inka inkaoma, wreshki arka'cheí."