Capítulo 22
1
Inkatama, toh aôrria ã pan apiniha akachituí ke bak tishkr, i´ka ti´kilerra Pascua.
2
Atah asã aâhta lerma parehke escribasrí aekape kapashkera inke akií amas kerpirí ekana Jesúsro, i´ka akati´rí pesh wriba rish.
3
Amaisarama tokí Judas Iscarioteña, ukua pak asirrí.
4
Judas neí kupashkí toh asã aâhta leryo parehleryo inke akií sukúk lerpiasrí Jesúsro.
5
Ekalerma araríh akes kartaôkí plato wishkrí.
6
Ekama tohke ishkí, i´ka prohí inke akií kawishpiro pesh wriha chilertuña.
7
Toh pan apiniha akachitu chẽhpe te´ki, i´ka á cordero aôrriachẽpé tohchẽ pak prishkerpirií.
8
Jesúsma katúnhí Pedro i´ka Juanrí, ti´kakií: "Nauwãwĩ kaupiruwa sirâh patastero i aôrriaraí, inkatah aâpiró."
9
Eka lerma arkapehrí: "¿Prâ kaapisa toh sirai?"
10
Ekama kakawarkí; weshkuwãwĩ, akashkua pawaí ke kahaña na takuwa, aewã as na paskupiwa ani tawisti as yó atukí asoró pakí. Bakuwa ã kaôke eka tokí.
11
Akashkua tahkaupiwa arwã kaô aíwaí: Áchawishta Ekaña ti´pikiwá: "¿Piá chiísa huéspede, piâ Tas â´pañá i aôrríachẽ ta tarbakta leryó?"
12
Eka kachawishoe toh kaô chuñá i´ka yas akachuña. Akes tohña ishkupiwa siraâ."
13
Akes ekalerma nerih, na paskri toh karihro eka ti´kakiíke a yâs í. Akashkua ekelerma ki´rí á aârriachě.
14
Akashkua ke aê´tishkí tohchẽ, Eka achihí ã
15
arhaktaleryo.Akaskua ti´kakií:"Tasma ta´rrarí en chaãwa a´parpií i aôrriachẽ payawá ata´túk ke ôhsi taki´lerpiraí.
16
I´ka ta´pikaâwãwí parowa, Yasma wartapehí a´tapá, i´ka aê´tishkuatani Patatishta â reinoña."
17
Akashkua Jesúsma tokí copa as i´ka kaparen kií ñehí: "Tokuwa, kawishkuwãwĩ papewa.
18
I´ka Tasña ta´pikaâwãwĩ pwaí, Tasma wartapehí tohtapa i chaâí, Patatishta a reino te´kua taniâ."
19
Akashkua Ekama pan sukuhí i´ka akaparenkií, titish kií, kawishkí ekalero, ñehí: "Ima ta peshí, i´ka kawishkaí parowa. Tohke kauwa pi´sâ maña yawa Tas rish."
20
I´ka Ekama tohke krí copa yowa ke ê´lerwaha, ñehí: "I copama wehkaí ta uriyowa, i´ka taâwarpiwa palerish.
21
I´ka wechen kauwãwĩ. Atah warkua taki´prima tawishkií tohma ña aâkí tasyo ĩ artesaña.
22
Akes tohkena ripe Arwã Aye´yomaâ i´ka tohkena ras. ¡I´ka âhsi ripe toh arwãma ã warkua takipií toh Ekaro!"
23
I´ka ekalerma akapehrí aêkape, tariekana toh ishpirií aké yas.
24
Akashkua ekape ti aki´lera toh ñehlero tariekana karesh a´ka.
25
Ekama ti´kakií: "Toh pe asã aâhta gentiles pecheâ kakachuâ pesh ñah a´karí ekalerña, atah autoridad kakachuí ekalerña, i´ka ti´kakilewa asã aâhta honorable lerá.
26
I´ka paperiñawĩma tohkena tanripé. Akua ripé, akes atah a´kama pi kerañama tahma aye´ kenaripé. I´ka taro a´karipima tohma pesh katán ishta ripe.
27
I´ke, ¿Taró a´kasá atah achihuaí artesaña? I´ka, Tasró aâkarí pikeraña pi katún ishtakewa.
28
Akes pariawĩ tabakerĩawî asken tasyo i yas ishkaña.
29
Tasma kawishpawa parowa reino as, ta Tuske reino as tenhí,
30
ãkena ras pawaí aupíruwa i´ka tokrí ta artesaña ima ta reinoña ripé. Pawaí achahupiwa ta puruña juzga ishkuwa ã ukua pok tribu leró toh Israelña.
31
Simón, Simón, amaisaraña takapehwa paró, ani pi prushpiro tiwiraké.
32
I´ka Tasma arñahawa parish, i´ka pi fe toshtipiró. Akashkua te´kima, atapún kawishku pi arkilerí."
33
Pedroma ti´kií Ekaro: " Jesús, tasma en aâkarí naparo payo, pata katishkerñarí i´ka õhnapiñarí."
34
Jesúsma ti´kií wartapehí: Tasma ta´pikaawa, Pedro, ã tatoni areshtipé inkatamaâ, i´ka ki´ripe kasaupií krih mai ta arihutuí."
35
Waripe Jesús ti´kakií chalera: "Akashkua tasña katúnhana i kakachito âraâ, âraã yas, ã ta´kaôrí ¿Iro pirchuwasa pawaí? " Ekalerma akawarkrí: "Irí."
36
Akashkua Ekama ti´kakií:"Inkarama, i´ka toro âra akachuma, pakí i yas akachuma ã âraña achehí. Akes tare ispara akachituma úkchehi ã mantoâ ku´piro as.
37
I´ka Tasma ta´kakaâwa, toh kakoskaro aâkí ã Tasro ñehuâ tohma ake ti´takilerish akes tohke tishpé."
38
Akashkua ekalerma mehrí: "¡Jesús, cheiâ! iñama ispara pok chuwa." I´ka Ekama ti´kakií: "Eñaí."
39
Ke a´parwaha, Jesúsma neí, i´ka anike, ã waha olivo ti´kelerña, arbakwa arachihrí.
40
Akashkua na bolerma, Ekama ti´kakií:" Arñehuwãwĩ pawaí warkua kakanetipĩro."
41
Ekama tishteshkí sâ tunhaske, achanyope aâkí arñehí,
42
ñehí: "Ta Tus, pi voluntadma, tasña tukteshkí i copaí. I´ka ta voluntad tanrií, akes paperií."
43
Akashkua Ángel as te´ki piriña chií arapaskí atapún wishkí.
44
Chiirí ôpiruke, Ekama arñehí karesh wehrí i´ka Eka a ôntishma urike tishki bak bak kií enhí kukña.
45
Akashkua Ekama taishtakí arñehipe aâki, neí toh arbakta aâkriña na kachẽí ôka ishkrií anirish ameshkerá,
46
Akes karkapeí: "¿Irish âka ishkersa? Taishtakuwa arñahuwãwĩ, warkua kakanetipitó."
47
Akashkua Eka a tewata kapaskuarí, i´ka pesh wriha tis te´borí Judasyo, asrií ã ukua pok lerña, kachawishkí. Ekama Jesús abriña ti´kí ônnashkí,
48
i´ka Jesúsma ti´kií: "Judes,, ¿I ônnashkiyo kawishkií Arwã Aye´i."
49
Akashkua atah arwachinhí aâkrima Jesúska cherá ã ishkrí akes ñehrí: "Jesús, ¿Isparayo ñaskakaâpe?
50
"Akashkua asña neí apehí pareh akatún ishta asyó, I´ka asun aêñaro taskí.
51
Jesusma ti´kií:"Awãsta ishkií." I´ka Ekama penhí, asunro, akes eña kií.
52
Jesúsma ti´kakií tah aâsã aâhta parehlerií, toh capitanes kaô chata i´ka wãwãrí, te´kera aâña arte´kera Ekaña: "Pawas te´kĩawĩ, untrókta ke tachẽlerwa, i´ka isparayo akes penyorí?
53
Akashkua Tasma payo aâkarí kapan kapan ã kaôña, pawaí tukkertijí pi sawa Tasña. I´ka inkatama yarhí toh autoridad sukuayó."
54
Sukúklera, pakrí pareh â kaôke. Pedroma karahrí karachihí.
55
Karehma ekalerií ténwaro ki´rí akeraña i´ka achi´rí karihro asken, Pedro achihí eka pesh keraña.
56
Katú ishta asña chẽí atewata achi´tu tewa toh tenwa kamaskuaña chẽí ekaña ñehí: "I arwãwa Ekayo aâkrí."
57
I´ka Pedroma arkaseí, ñehí:"Korta, tasma ari´tawa taekana."
58
Akes wartapehí, akuaña cheí ñehí: "Pawa as riâ ekayó." I´ka Pedroma ñehí: "Arwã, tas tanrawá."
59
Ke bak tishkuahá wartapehí akuaña ñehí: " Yarma i arwãwa Ekayo aâkrí, i´ka ekama galíleoí."
60
Akes Pedroma ñehí: " Arwã, tosma ari´tawa iro ta´takií ekana." Waripe, eka kapaski aâkuarí, totoni os areshkí.
61
Atawachinhí, Jesúsma chẽí Pedroró. I´ka Pedroma artaâki toh Jesús ti´kiwa aakrí, akushkua Ekama ti´kií: "I´ka totoni aresh tutewa tartasaupe kri´mai inkata."
62
Apaski, Pedroma na aka´ni yorôh krií.
63
Akashkua ã arwã lerma chẽí aâkrí Jesúsra yas ti´kira arpishkera.
64
Wãpe awa arpestera, ekama arkapehrí, ti´kira: "¡Profetiza ishku! ¿Taña pir pishkuasa?"
65
Ekalerma ñehrí Jesúsro ti´kirá, blafema ishkera.
66
Waripe arahkiíraí, toh wãwã lerma á kaha chata atawéhlera, asken pareh asã aâhta inka escribarí. Akes pakrí pesh wriha tawehra aâkriña.
67
Akes ñehrí: "Paro Cristo rima, tahpatakau." I´ka Ekama ti´kakií: " Tasña tahkakaâma, pawaí taña ueskutupiwa,
68
I´ka Tasña karkapa âma, pawaí i tohtakautipiwa.
69
I´ka inkatama, Arwã Aye´ma achihpe aêñake a Tus Patatishtaña."
70
Karihro ekalerma ñehrí: ¿Akashkua Pariâ Patatishta Ayeâ?" I´ka Jesúsma ti´kakií: "Paña ñahiñaw̃ĩ Tas raí."
71
Ekama ñehrí: "¿I´ka chana as kapahpará? I´ka untasña weshpara un ta sunta pakyo Ekaña ñehwa asapayó."