Capítulo 16
1
Jesusma ti'kaki toh dicipularó: "Chiirí arwã ás nonrí akachiriirí a katu ishta ãs, nei ti'kiri toh katuishtama ka untroka kií.
2
Ama ki'ki toh arwã nonhí arwahni ti'kí ekaro: ¿Iro weshkurisa pai? Ñah has ta'ta kaú ta' kueña kirish, akesma pa' katuish pika chituwã.
3
Toh katuishtama ekape ti akií: ¿Inkas pasa, tasa ama tartesuama tar ka tunro toh kaishtai? Tarta puntuwa toh ka'pai, tis ishtaki'wa kapai wetarish.
4
Tas eirawa iro ishpa ekana, tarpeshpiro toh katun í, pesh tis tah sukuhlerma peshkaoña.
5
Inkakes toh kaishta karwahní as as taro kawishpichi pe saã, eka kahka peí toh ki: ¿Pish wish pichusa toh pi sa'tai?
6
Eka ti'kií: Ukuá ukuá pehí toh aceite ã olivai. Eka ti'kakií ekaro: Sukuhú pa' ñahú, kra acha huwá waripé, ka korskú onki ukuá
7
Inkakes toh katuishtaí ti'ki toh akuaí: ã pish pa' wishkupi chuwá? Eka ti'kakií: Ukuá tapehwa toh arinaí. Eka ti'kií: sukuhú, kakorskí owá tawa.
8
Toh asa'tamá eña ñehí ã katuishtaro luarkua ishkí ama inke ishkuakiri con perspicacia. Toh ku' aye'leri kresh lerwa perspicaces i toh papei peshka ã ye' kamaskualera.
9
Ti'kakií ka uñawĩsa ta'wa toh ahraki a ohyo warkuaí akaskua toshkuaña, ka wishkerpe toh kaó asña.
10
Taró fielmá ã akinatis, akes we' fiel í, akes injustomá akinatis í, akes toh injustama we'í.
11
Akes pawahí fieles tarañawĩ a ohyó warkuarí, ¿taya tah wishpiwasa yar ti ã akachuwá?
12
Pawahi fiel tariñawĩ úkañawi a ohró pesh akua pesh e'ro, ¿taya kawispisa a ohró papewaí?
13
Toh katuishtama arwã po'yo katuishtipe, akesma asmá chendipe akes aspes chembe akaskuama aspes yo tawarpe. Pawahi as chani patatishtahí a ohyorí.
14
Toh inkitama fariseo má, ekama en cherí a ohró, weshkri krihro ã yas, ekama ñah ñahtalerí.
15
Ekama ti'kakií toh ekaro: Pariñawĩ arwã awayo, Patatishtama ka arihwa pesh turusa, tuyaí toh a'ka tishkua ã arwãlerí Patatishta awayó warkua kachewã.
16
Toh ley má ã profetama a akrií toh Juan te'boniche ã cheri a kiri, toh evangelioma añahma Patatishta ñehlerwã, krihro teshkera tapura toh tahña ekayo.
17
Akesma waripe tu'teshkepe ã perima toh ku'rí ã tilde kakoshka toh ley i warkí wehka tishkuá.
18
Toh krihro a'kasteshkerma akawayo akuayo asawa sukuhlerí, toh adulterio ishkuama eka asawa sukuhwama akuama ã akasyeshkiyo toh a arwãrí, ama adulterio.
19
Inkakesma arwã ás chiirí nónrí kaowa eña anuhwarurí eñapé ahrari achiwarurí a as asrí.
20
Arwã ás chiwaruri ôhsí apema lazaro rí, achiwaruri toh akosapaña ahchanama wehrí,
21
sirá aish kiwarurí ta ehwarurí toh arwa a mesa ña, akesma, paku te'kera arasulerurí ah chanaro.
22
Akesma toh medigomá omni toh angeles atu kineri ã Abraham a chihiña. Toh arwã non ma omni oshkrií.
23
Toh tewãña a aki apahnuki, awá tohwãke wakí cheí toh Abraham karahña akí chẽí a Lázaro apeshyo.
24
Akaskua eka wahni ñehí: ta' pika awá, ta tus Abraham, tasma ôhsirawá Lázaro tuhú, te'kí ta muhpiró asawá anu'yo asayo te'kií tamuhpiro ta uwá, akaro tasma apahnayo a akarí ã tewa sewaya.
25
Akẽs toh Abraham má ti'kií taye' éiriya pa pi pesh sukuhuri ã yas eñai toh Lázaro ma askẽí, ayas i warkuaro, akaro inkitamá ekama ameshkiaki pama onní pirishkiyá.
26
Inkitama toh akrihro, kacharahá a'kai yeisti a akri tohñá, ã toh tu' teshkerpirishkeri ñahá toh pañaró toh nebolerti, tisnani tu' teshketipe to'ña untaswa.
27
Toh arwã nón ñehí: tasma ta'pika awá ta tus Abraham ro, tuhupiro ta tus akao ña.
28
Akaro tasma ta arki onki taka chuwa, toh eka ti'kaki'piro, akaro toh ekawa te'kepiro a iñahá toh a tewa seh waña.
29
Akashkua Abraham ti'kií: Ekama Moisés rí, profetari, kakachuwá tu'naú a weshkerpiró a ekaró.
30
Toh arwã nón awarhumañehí: akena tahí, ta tus Abraham ka, akaro as chuma arahniya ekayo toh onriyo, ekama amesh ki pekepe.
31
Toh Abraham má ti'kií: eka wesh kertuma a Moisésró toh profetari, toh as chani ta ishtake ma toh onriyo".