¹ Jesús wahá alivoke nei. ² Tiskra kaponi ekamá warki te'ki;Ekamá pesh wrihama a ekaperó te'kri;Ekamá chrechi korchiwishki. ³ To' escribama i fariseori korta as pekri iska ishki akuayo ejama araki tukri. ⁴ Akashkuá ekamawá jesusra ti'kiri:"achiwishta,ima kortama ishkaishki ukuayó. ⁵ Inkatapra,Moisés a leyyomá pitatunhi sayó kartukapiró pesh talerkena;¿Inkéñ ameshkisa ta' kortaroó?" ⁶ Ekama ñe'ri ima ña pasker pirishkri akashkuá Jesusmá we'ni kukña asawayo kakorski. ⁷ Ahi arkapeipakerma ekarma aaki ti'takii:"Tãro ñarwarki akachituma paro'wa,ki tishkú sa as sukuhu aratunhú to' kortaró. ⁸ warki te'ki chrei kakorski to' kukñá asawa achunayó. ⁹ Eká weshkerma ii as as tishkerá neri ki tishkri mu'tiró apistichema,Jesús asperó tu'neri to' kortayo peró araña chii. ¹⁰ Jesús aaki ti'kii:korta ¿piá akrisa to' ti'pilerchi?¿Asnini pirma kertiti? ¹¹ korta ñehi:"Asnnai,señor" Jesús ti'kii "Tas chani pirmastapa nau warki ishjuró." ¹² Jesús warki karkapaski ti'kakii: "Tasma kamasrawá:tãro tarachiuma sukuayama wetipé, tõ'karó kamasmá akachipé. ¹³ Fariseo ti'kakiri: "Papeká ñehi:pañehimá yartai. ¹⁴ Jesuñá karkawarki ti'kakii to'karó taspeká ñahamá,Ta ñahama yari ariawá pia chi te'kakena tõ'karo pamawá arihútuwawi piate'kakena piãnaakena. ¹⁵ Panawá pipesh ameshkuwa ñañawĩ tasma asnani ña'takakatawã ¹⁶ Akriki ñanaramá,tas apisti nahuma yari tasma aspema atawã tasma ta tus yo akari ta tunhiraska. ¹⁷ pitaste awikawã kakarskai pitañama arwãmá yari. ¹⁸ tasrawá to'ñeleró tañaha taste'erái tastuñá tatunhi ekaña ñe'wá." ¹⁹ Ekaña ñe'ri:¿piachuza pituska? Jesús karka warki:pamawá tarihutuñowĩ ta tus chanii pamawá tarihiñawiyaska,to'ke ta tuské. ²⁰ Ekamá ikashkama ñehi platurishki karschiwiski ti'kukii siki kaoñá.asnani sukulertiri atewata a ema te'ba'tiri. ²¹ Ekama warki ti'kakii:"Tasma naawá troprohupiwá, ñarwarkiña onnupiwá.tas piá na ama panawá te'kutipiwá." ²² To' Judiasma ñe'ri: Ekapé armaskerpé?¿Ima irishki ti'ka kii tas piaña naama pamawá te'kutipiwá'?" ²³ Jesús ti'kakii panawá awa'chitariñawi:tasma tã'wã chatarawá,pamawá i kukña chiiñawi,tasma ña in chatarawá. ²⁴ Akriki,tasma ta'kakawá ñawarkiyo onnupiwá akashkuá pamawa ameshkuwa ñahupiwa ke tasrawá pamawa ñawarkiyo annupiwá." ²⁵ akaskuá,ekama ti'kakiri:¿tarisa pai? Jesús ti'kaki:"Iró ti'kakiisa ki'chẽ. ²⁶ tasma yas ñaparishkawa parishki akashkuá to'tatunhima yari:yas weshkama ekaró i yásma kuk chaparó ta'kakawá." ²⁷ Ekma chẽ ari'ritiril irá ñe'wãkena kapashkiti'kakii a tusró. ²⁸ Jesús ti'kakii:"pamawá arwã ayerwá ishpakima akashkuá arihupiwa ke tasrawá, i'ka akesh tospekama in ishtawã.to'ke ta tus tarchiwishkike tasma iro ñohawã. to'ke ta tus tarchiwishkike tasma iro ñohawá. ²⁹ To'tatunhima tasyo akua,ekama tas aspe tatu'teshkuá tõ'karó tasma ishkua in enishkaró ³⁰ Jesús i yas ñeyma wé yar ñe'ri a ekaró. ³¹ Jesus tos Judios ró ti'kakii yar ñe'ri "oõ ñahuma pamawá tañaha aakupiwá,akaró pamawa ta arabu'ta ñawi. ³² pamawa yar arihiñawĩ,to'ma yarma arari'tishkupé. " ³³ Ekama ti'kakiri"pitasmá abraham chi te'prá i asnani esclavarapartiri inken ñaupiwasa: pumawa araritishkupiwá'?" ³⁴ Jesús karkawarki: "Yar tishki yar tishki ta'pika pawá.tãró ña warki ishkuma: ñar warki esclavoi. ³⁵ I esclavoma in kaoñama chẽ aátuwã ³⁶ I aa'riaké ayerwãña enkakiuma yar tishki eñatishkerpé. ³⁷ Tasma ari hawá abraham chi te'kiñawĩ,akaró tarmaskupiró taprohiñawĩ tõkaro tañama paskutuwãwĩ pamawá. ³⁸ Tasmá kakapashkawá tas cha ariró ta'tusró pamawa wesh kiñawĩ patatusrá." ³⁹ Ekama karkawarkri ti'kiri:"pitatus ekama ekama abrahamrii"Jesús ti'kakii: Abraham pesh yerwãrima abraham katún ishkiró pamawá askén ishkuriski. ⁴⁰ Akaskuá,inkatama tarmaskupiró taprahíñacuĩ arwã as ña yar ró ti'kakii,tõkaró patatishtaro weshkari abraham ima in ishtii ⁴¹ Pamawá patatishta katún ishkiró pamawá askén ishkuriski. ⁴² Jesús ti'kakii patatishta pitatusriprá pamawá entakauriski akaró tasma patatista chii paskari tõ'karo ña akari:taspekama te'tawã ekaña ta tunhi. ⁴³ Inkén chẽ lueshkutuñawisa? tõ'karo taña weshkutuñawĩ ⁴⁴ pamawá pitusmawá amaisarai ichishpikiwãwĩ pitatus ara'kiwaró ekama amastiril ki'chẽ, ima yar aa'tuwã tõ'karó yarma in chituwã eka akasewamá ekamá aekapa pe kapashkuá ekamá arkaseni pesh tusmá karkasewá. ⁴⁵ Akaishkuá tõ'karó tusma yar kapashkawá pamawá yar ;ahutu wãwĩ ⁴⁶ ¿taña ñe'wasa ñawarki takachuwá? tas yar ñahama ¿Inkén yar ti'takilertusá? ⁴⁷ tãró patatishta e'ma patatishta kapashkaró weshkuá tõ'karó pamawá weshkutuwã,patatista e'tariñawĩ." ⁴⁸ Judiosma karkawarkri ñe'ri:¿pitasma in ña,batuwã samaritano ta'pikabatuwã walak as ró pikachuwá? ⁴⁹ Jesús karkawarki:"Tasma walak as takachituwã:akẽs ta tusró ankaawá pamawá antakautuwãwĩ. ⁵⁰ Taspeka gloria pro'tawã: as chui kaproba ña ti'kakiwa ⁵¹ Yar yar ta'kaka awá,asna tañá enkiumá ima onima chẽnime. ⁵² Judiosma ñe'ri"Inkatama ke aribarwá pama walak as pikachuwá abraham i profetari anchẽri:pama inke ñehiña: As chuumá taña enkiuma ima chẽ a enkitipe onnachema. ⁵³ Pama a'katariyá pitatus abraham keriké ke aniraska ¿o yarni? profetaswá oncheri¿papeká taya pikiwasá?" ⁵⁴ Jesús ñehi taspeká araritishkama ta gloria inkaripé:ta tusma arari tishkuañai.paña nahiñawĩ to patatishtai. ⁵⁵ panawá atewatá arihutuwãwĩ,akaro tasma a ekamá arihawá; tasma pakenarapawá arkaawá ⁵⁶ pitus pape'má abraham ara'tishki; ã asró chẽi,ararinatiski. ⁵⁷ Judios ñe'ri:pamor atewata ukuara onki kui pikachituwã,¿abraham chautuwã? ⁵⁸ Jesús ti'kakii yar yar ta'kakaawá:ki'ri abraham cheriché,TASRAWÁ ⁵⁹ Akaskuá sá tish suku'lerá karakasneri,I'ka akẽs Jesúsma sikikaoña aqui tapaski nei.