Juan_HRomeroC-pay_1co_text

Capítulo 7

¹ Inkitama, to' respecto ñehlerí pawâ kakorskuriwa: "Chuwâ tiempo piah eñaih abstenerse akapii juntos matrimonioya". ² To'karo to' ti'pitakilerí, wê' actos inmorales, arwã askrí akawã ekaêâ akachipé inka korta askrí ekae â aarwã akachipé. ³ Eka arwã wishpé akawaro to' akachuih conyugales, to' ké akawawâ aarwãya. ⁴ Akawâtanhí akachrih autoridad to' apesh eka e'ya, eka aarwa ya i'. Inka to'kenama aarwã akachituwâ autoridad to' apesh eka e'ya, akawâ e'yaí'. ⁵ Ahkatishkutiwâ asrí, excepto to' kapashkri mutuo inka periodo as eñaraih to' kuiya. Pawâ kauwâ ĩro to'perishkuwâ kapashya. Ãkashkua wartapehuwá ataũwêhuwãwĩ, inka inké amaysará warkuapiki tipiwâ pawâ to' warkua auto control. ⁶ Tas ta'pikaawãwĩ ĩ yas pawâ concesión aské inka mandato aské. ⁷ Tasma desearía taske tishkutí piwaro. To'karo askrí as kakachuwâ pechea Patatishta don. As achawish pitakuwâ to' don, inka akuama, achawĩsh akuaro. ⁸ To' aspelerí inka arwãkakachito, tas ta'kakaawâ eñaih to' ké tawarkapiro, taské. ⁹ Inka ki'retupra to' auto control, ekama asawasukulerpé. To'karo eñaih ekapesa sukuhlerpé que atu'maha. ¹⁰ Inkitama, asawasuku'hrí kawishkawâ ĩ mandato, tasma ho, to' eka Señorya: "AKAWAMA TESHTIPÉ AAWÃÑA". ¹¹ Inka ekama teshkua aarwãña, asawasukuh tan tawarkí ihka ãkashkua akapeshkera ekayo. Inka, "AARWAMA AKATESHKERTIPÉ AKAWAYO". ¹² Inka to' tis tas ta'kakaawâ, Señoryomaha, taarki korta as akachu warkua inka eka ahraenaawa chi'ih ekayo, ekama aakasteshkertí ekayo. ¹³ Inka korta asakachuwa arwã as ñaweshtũih, inka eka aakí ahra en ekayo chipiro, ekama aakashteskertipe ekayo. ¹⁴ To'karo aarwã ñah weshtú akawa enkaai'. Inka korta as ñaweshtú enka a í' aarwãya. To' akuama peshyeerwâ kriwrilerpé, ankaro kaama eñalera. ¹⁵ Ãkashkua ekaarwarta cristiano tanma newâ, tunhiwaneih. To'lerpra kaa' ekaarkí inka apa'cha' tikaro aa'tiih to'votos. Patatishta pitarwahí cha apiro en paz. ¹⁶ Inke, ¿eirisa pa, korta' sukuhupiĩh piarwaã? O ¿inke eirisa pa, arwã, sukuhupiíh pikawâ? ¹⁷ Tu'kuwa askri peshchirepiro eka Señor to' kawishki, pia Patatishta karwahní. To' ke kahchawishki iglesias krihrro. ¹⁸ ¿Arwanari as circuncidado arwani âkashkua eiri ih? Ekama tishtĩ hi to'ké incircunciso. ¿As ãkashkua arwanarí incircunciso en la fe? Ekama tish'tĩ hi circuncidado. ¹⁹ To' ya nanhi circuncisión inka to' incircuncisión ĩ tanhi. Ñahweshka ro to' Patatishta ñehwâ. ²⁰ Askri aakerpé karwahni to' aakriña Patatishta ãkashkua karwahni eirichẽ. ²¹ ¿Ãkashkua katũĩshtaro' ricua Patatishta pirwanichẽ' wa? Ãmeshkutiwa ĩro. To'karo eña tishkupiwâ, sukuhhuwa ventaja ĩyo'. ²² To' eka tariza arwahri to' Señoryo katũish ta as ké, arwã eñai del Señor. Inka to'karo tariza eñarí ãkashkua arwanarí weshpiro katúishtaké de Cristo. ²³ Pawâ kuhari'yawĩ precio as yo, to'karo tishkutiwâ katũishta arwãpeché. ²⁴ Tarkiwâ, ĩpitapesh untas asya aa'bari ã kashkua pitarwahnariwâ eirapiro, aa'baro to'ké. ²⁵ Inkitama, inkapish talerza to'lerí pesawasukuler tirí, tasma takachitũwã to' Señor katunwa íh. Inka tasma kawishkawa ta'kapash to' as tak, to' misericordia del Señor, ari'barí. ²⁶ Akashkua, tas ameshkama, to' uwãraí inminente, eñaí to' arwa eka aakiké, ²⁷ ¿Pa dakurí tika korta aské? Prohutiwa eña tawar ekaké. ¿Eña aakurí pikawa asyo? Prohutí pikawa as. ²⁸ Pisawa sukuhima, pama warkurishkutirí as. Inka korta as ĩ akachi tu sawasukuhwama, warkuaro' ĩshtũwã. Ãkashkua, to' lerí talerza pesawakuhlerí anu'ka' we' kakachipé chireña', tah rarí pé ekaro kakaeña. ²⁹ Inka ñaro' ñahhawâ taarkiwa: To' kuima wrikaí. Inkitama akiwãké, tukuwa to'lerí peshkawa kakachuwah chauwâ as nanih kakachituké. ³⁰ To'rerí tarezá akanrerí, tishkera aakerâ akanretuké; to'lerí talerza aakonlerí aakanretuké; inka tarleza to' yas kuhriih, ĩtan tukertuké. ³¹ Inka talerza to'yaki'lerí wrikriya, ki'lertí ki'ra aakerké eka to' chẽ to' sistema ĩĩh wrikrí te'boneishkua peshkin. ³² Tasma tahrarií' eñatishkuwâ to' ameshkiawĩ. Arwã asawasukuhtanhi ameshki aakua yas del Señor, wishpiĩ Ekaró. ³³ Inka arwã asawasu kuh aakí ameshkí kriwríh yasrô, inka wishpiĩh akawarô. ³⁴ Ekama aaki dividido. Korta asawasukuhtan aakí inka arwãarihtũĩ ameshki aakí yas del Señor, enkari'ih apeshkô inka akũasãyo. Inka korta asawâsuki ekama ameshka kriwri yasra, inka wishpiro aarwã. ³⁵ Tasma ña'ro nahhawá ekae'tishpiraíh, tukertiíro asnanih restricción payawâ. Tasma ña'ro ñahhawa eñaraih, to'ke tishkerpiro devotas del Señor asnani distracción. ³⁶ Ãkashkua arwã as ameshkua aakua eka e'tanya tishpi ih to'karo ekama akateshka ishkua, inka to' ke tishpipra, tukuwa eka tishpiro, ekama warkuaishtipé. Eka asawasuku wa. ³⁷ To' ataih aakua aturuzã eña, awa' aa tu asnani restricción, akachuwa a autoridad ekae'ya decidiakii aturuza eka e'ya, kuẽih aa'piih ayakorta ari'hto' arwã, ekama ki'pé eña. ³⁸ Ãkashkua po'kro, to' ata' wishkuaih ayekorta arwari'tũ ĩ asawa sukuhwaña eñaki'wa inka ata wishta ih asawa suku ya eña ki'pé. ³⁹ Korta as aakí ataũweh aarwa chuchẽ. Inka aarwã, onnapra, ekama ĩ a kachituwã asawasukuh ekama ahraih asawasukuh, en el Señor yopé. ⁴⁰ Ãkashkua, ta juicio eka eñatishpiro tawarki aspé aakiké. Tasma eirawa Patatishta akũãsa takachuih