¹ Eyruwãwi tas ta uwayo kapaskawa arwãyó ángeles ri. Amor takachitupra, tas ma to' metalké tishkawa arantui to' simbolo ishkuaké. ² Eyruwãwi tasma don profecía as takachuwá tasma krihró eyrawá ã yarhí eyruriké auhwá, tasma to' fe krihro takachuwá wanah minihparó. Akaro amor takachituma ĩ toh rawá. ³ Arihhuwãwi tas krihró kawishkai kaai e'lerpiró to' ĩ kakachituró, tas ta peshró kawishkawá taseh piró. Akãró amor takachituma, ĩ sukuhtawã. ⁴ To' amor ma kresh eñai. To' amor ma warkua ishtuwã ama a'ka tishtuwã, ama uhú nehtuwã. ⁵ Ama wesh chani. Ama prohtuwa ishkua ekapé. To' ma akaituwã a oh tishtuwã, ama en kituwã to' warkua ki'wá. ⁶ E'kama ararí tishtuwã ã warkuayá, ã chiwayá, ama ari tishkua to' yar ña. ⁷ To' amor ma ta puh tishkuá yas krih roi, eyruwã to' yas krihroí, ke arihwá er yas krihrowá, ama aysi tishkua to' yas krihroi. ⁸ To' amor ma tisnani netuwá. Profecia chuma, ekama ĩ tah tishkerpé. Uwa chilerma, ekai hars tish kerpé. Ké arihleró chilerma, ima ĩ tah tishpé. ⁹ Ankró arihbawá tisma ñahparwá. ¹⁰ Akariké inchẽ te'kuama to' eñai, to' en aa'tihiña tu'teshpé. ¹¹ Akaro tas ye'rariché, ñe'ke ñaharurií, ye'ké ameshkarurii. Ye'ke ishkarurii akens a'ka tishka akua tishkarí, tas ma akuayá tukariri to' ye' yas ró. ¹² Ankro untas inkatama chãmarwá ayar achihiké awatapah achona as yó, ã karo tikama awatapah awatapahyó. Inkitama tis arihawá, akariké tikahma arihpa to' chẽ' achihi, tas ishkaké arihowa ã chẽ' achihiró. ¹³ Inkatama men yas si chilerwá: fe yó esperanza amor wá. Ankró ĩ a'kama ĩ hí to'ma amor hí.