¹ Ña' awá ari'hupiwaró, ta arkiwá, toh untatus lerimá wana'awa'ña aakra chrí toh kri'ro take sañá tu'teshkri. ² Toh kri'ro tamu'cherí Moisesyó wana'ña take ñarí. ³ I toh kri'ro sirá arikeñaperó e'rí espiritual. ⁴ Kri'ro tokrí to'ña espiritual askeña peró inka ekamá tokriras toh sãas espirutualñá toh karachi'i, i toh samá Cristohí. ⁵ Inkakiké Patatishtamá en aa'tiri toh kri eka reriyó, ikakes toh apesh onrimá to'ña tawarkri aku'sennaña. ⁶ Inkatamá into'kri tu'teshkimá untas chaamiró ishkri, untasró, toh warkua aske ishkatipiró eka ishkriké. ⁷ Idólatras rautihíwawí, toh eka as reriké. Inma toh kakoska aakikenaí: "TOH PESHMA CHRECHI'RI E'REPIRÓ I TOKERPIRÓ, I ISHTAKI ANUSHKERPIRÓ". ⁸ Artobatihíwawí inmoralida sexual, toh eka wé ishkriké, ã as peshtis 23 mil onrí eka ishkra. ⁹ Akes Cristo chaní tu'bati a prueba, toh eka wé ishkriké y akes warkaka'cherí por serpientes. ¹⁰ Akes ña'ñahuti'iwawí, toh eka wé ishkriké, i warkaka'cheí toh akuasa ontañá. ¹¹ Inkatamá inró kartu'teshki eka reriró toh chaamiro untasró to'ke kakoskri tohke ishkapiró untás toh taró pesh ẽ te'bonaí. ¹² To'karo, toh atá ameshkuaí aakikencheí tis eiró piwá ta'entipiró. ¹³ Tentación as chani pikate'tuwawí paya'wá warkuatanké pesh kri'ña, akes akua ña'parrimá, Patatishtamá fielhí, ekamá pikasteshtua tenta pikilertipiró toh tish ates pi habilidad, toh tentaciónyó, ekawa tis pirwarpé en apaskupiró, toh pa'ake tapunnupiró. ¹⁴ To'akaroi ta arki, trokuwa de la idolatria. ¹⁵ Tasmá ta'pika'awawi peshameshta kenwá, to'aké juzga ishkupiwaró inñahaí. ¹⁶ Toh copa de bendición untas ña'barrí, Toh ato'na kawishkeri i untas napra ka'barí, ¿Cristo aurimá tistista'hí? toh pan pinpok ka'bari ¿Cristo apeshkaoma tististaí? ¹⁷ Toh ogasa as aakirishki de pan toh untas wãnsta wria'ka rabarí, apesh aspé rabaráh, untasmá kri'ro to'bara toh de la hogaza de pan askén. ¹⁸ Chauwá toh pesh do Israel: ¿Toh eka lertuwá atá e'leri toh sacrificio i nakapashkeri altarñá? ¹⁹ ¿Iró ña'hasa akes? ¿Toh idolomá inchamaí? ¿O toh sirá idolo sacrificadamá inchama'i? ²⁰ Ankarike tasmá ta'kakaawá toh in yas gentiles paganos sacrifica ishkeri, toh ekamá demonioró wishkeri Patatishta mahó. ¿Tas ma tarratahi toh walashyo nato kutihiwawá? ²¹ Pamawá tokatáwãwí toh copa de Señor i akes walash acopawá. Pamawá pi'wá kakachahataí to' Señor amesa ña i walash amesa ñarí. ²² ¿Toh Señor untasña karpar artekuá celos? ¿Tu' eka atapun akachui untasró kresh untakachuá? ²³ Kri'ro en chaawá, ankarike kri'roma eñatahí kri'ro en chaawá ankarke kri'roma en untawatuwã peshlerró. ²⁴ Asnani pro'tipe eka en akanepiperó, tu'iskutina, as aspro'í eñaró toh abri chatá. ²⁵ Pamawá aũ riñawí yasrí u'cheleri mercadoñá, karkapau túh en kauwá. ²⁶ Akes "KU'MA TOH SEÑOR HI'I I TOH KRI'CHUI EKAÑA". ²⁷ Incrédulo as ña pakuamá a'ña, i pa naish kakiwamá, ãuwá kri'yas kakatukemá piwakiña kakapautú eña ishkuá. ²⁸ Inkarike asña ti'pikiwa: "Insirama akuañá ki'rá paski pe'kri ñe'rema", autihiwá, toh tite'pika'tamá, arrá eña rishki. ²⁹ Tasmá inkemá ña'tawá papirra eñaró, toh ata pesh akua arraró ña'awá. Akes ¿eña aakaromá arra akuaña te'kra juzga takaarera? ³⁰ Akes toh sirañahá taswá na akama ta gratitud yó, ¿akes irish tas ñá ti'taki'resá toh ata tas eña akaparkeña kaariperó? ³¹ I akesmá, auwá to'kuwá, o toh yas ishkiawimá, ka'uwa kri'ro Patatishta en kachewaña. ³² Ñá ta'kakauti toh judios ni griegos chani, Patatishta akaochaní. ³³ Tasmá inke en kaarike toh kri'yas, tasma tasti i enperó pro'tawá, tis wé en ishkawá. In ishkama toh eka en kakanepiró.