¹ Aykonojjae, Eliseo barukueykuey jei powa pejjunato nakueto toasou ejjana. Arpuna jumeitsi arpowajawabelia:" Nantopunare, liamure nijata boo jawabelia, ekare jota kapanepame, itsa irajawata, tsipaje waja tujjanenu jumeitsi jniboo matakabinejja pairata pñatsiana siete (7) paweibeje jáwata. ² Nejjata arupowa nantabapuna ijume kobunuta Dioso piaja juwitonü piaja liwaitsi. Arpowa lia piaja boo jawabelia ipona filisteo piaja irata siete (7) paweibeje pona pona. ³ Siete (7) paweibeje lia pekopia rutae kuijinae arpowa nabiata filisteo piaja ira jawabelia, arpowa lia petujjanenü jawabelia piaja boo kanawiatijitsia ipiaja ira. ⁴ Aykonojjae petujjanenu kuykuyjei Giezi beje, Dioso piaja pebi jiwitonu jumeitsi jjanewaitsiane: "Nejumeitsimure tajjita jjuanu Eliseo itsi." ⁵ Pakuijinae abajju jota jumeitsi petujjanenü pakueneta Eliseo petupaenu neikotsi ejjana peujjinü ponuyo tupa arpowa kaiwa; ponuyo to asau ejjana, nabijiawiejjana petujjanenü jawaberena piaija ira nejja ipiaja boo nejja, Giezi jumeitsi petujjanenu jawabelia tajanu. Powa rebaja maje pejjünato nuyo Eliseo to asau ejjena. ⁶ Pakujinae petujjanenu yajanioba arpowa jawabelia pejjunato nuyo nejja arpowa tsipaiba arponu jawabelia. Nejjata petu jjanenü jumeitsi wajabitsaununu jawabelia arpowa nejja jumeitsi: Pato canawiare tajjita arpowa piaja jawanu itajjita peubi pabi, ipeponae matacabi cujinae. ⁷ Eliseo rena Damasco jawaberena, Ben Hadad, jawata petujjanenü Aram jawata romaibatsi jumeitsi petu jjanenu jawabelia: "Dioso piaja jiwitonu rena berenaje." ⁸ Petujjanenü jumeitsi Hazael: Jawabelia pire nekobeta peca rajutsi jawa, Dioso piaja jiwitonu taiponaliama, ipayajaniibare petu jjanenü jawabelia arponu jawabelia juneitsi: "¿Jaanutane romaibi jawa jumatejemanu tsane?" ⁹ Nejjata, Hazael taeponalia, ikapona pena rajutsinejja arponu nejja tajjita Damasco jawata pekobekobu pejjeinaejawa. Ayijawa pekaponaejawa cuarenta (40) camellos njubeje. Nejjata Hazael rena nuca Eliseo peitabarata ijumeitsi: Nejjunato Ben Hadad petujjanenü Aram tomarata neitoroba jjamu jawabelia jumeitsi: ¿Jjanu tane romaibi jawa juma tejemano tsane?"" ¹⁰ Eliseo jumeitsi arponu jawabelia: "Liamure jumeitsimure a Ben Hadad, tsipaji jjamu jumateje mamutsane, itsiata wanaka ewetsinu netsitajuta arpuno netsitajuta. ¹¹ Arujjuawijina tane Eliseo Hazael, nejjata arponu ourá, nejjata Dioso piaja jiwitonu nua. ¹² Hazael yajanioba: "¿Dejjueitsia nuame, taja tujjanenü?" Arponu yajanioba: "Janu yaputaneju pabisiakuene neitsinejja Israel monae. Jjamu totajuitsianame piaja boonu, piaja pewujwabi tobename, to ukubiabianame niaja espadata, to tsikibabename tsikirinujji, to tupa titibawename penakojjitsiwanu. ¹³ Hazael jumeitsi: "¿Tapatsaraja niaja jibitonu, pejjania kuene tsijitsia? Arponu raja seikaya awiri." Eliseo jumeitsi: "Taja tujanenü netsijitauta jjamu raja petujjanenü mutsane Aram." nakua, ¹⁴ Arujjua kuijinae Hazael kopata a Eliseo rena piaja tujjanenü jawaberena, ponu jumeitsitsi: "¿Dekajumeitsi Eliseo jjamu?" Arponu jumeitsi: "Jjamu namata kotsianame nejuma tejemanu." ¹⁵ Itsa mata cabi kujijinae, Hazel pita piaja pana suweta aru jjuacuijinae yereta Ben Adad pitabarata arujjuacuijinae tupa. Arujjua wijinae Hazael, naitojotiana pekowuta petujjanenu nejjana pecowuta. ¹⁶ Quinto (5) paweibeje Yoram, Acab pejjunato Israel tujjanenu, jaramtajju jjuaba pemata canu caijawa. Aruponu rapicani Josafat pejjünato. Judá tujjanenu Arponu tajju jjuaba pemata canucaijawa pawijinae Josafat picani Judá toma ra tujjanenu. ¹⁷ Joram jjeina picani treinta y dos (32) paweibeje pakuijinae petujjanenü naejjana ipetujjanenü na ejjana ocho (8) paweibeje Jerusalén tomarata. ¹⁸ Joram pona petujjanenunü Israel tomara monae, Acab; Bepiaja boo naweneba picani jjeina Acab pejjunatoyo be piawaja jjünatsi waja tujanenü peita jjutota pawi siakuene itso. ¹⁹ Isiata picani petsijawa David piaja jiwitonu wajatujjanenu apo jitsipae Judá pebijia naejawa, aruponu picani jumeitsi itsiata raabajjü jjanu carajutsianatsi niajamonae. ²⁰ Pawijinae Joram piaja matacabita Edom monae anaipana Judá pemata canucainu inuta pemata canucainutsi arpamonae nejja. ²¹ Arujjuakuijinae, Joram lia piaja petujjane nubeje itajjita piaja monü. Nanta puna merawi ibia najuma eta tajjitayo edomitas monae pamonae mata toyoronatsi Arponu ipiaja petujjanenü ipiaja monunua nejjata, Joram piaja wajabitsau naitabe jirúba piaja boo jawabelia. ²² Nejjata Edon anaipana pona pona pemata canubenaiwitsi Judá toma ra abajju pamata cabitaje. Arpamatacabi libna mona nua anaepana. ²³ Itsa libeisi perajutsi Joram, tajjita peitsijawa, ¿Apo yakinae tajjita bajjuto jawata petujjanenü Judá petujjanenü? ²⁴ Joram pajjabeje tupojopabeje imutujutatsi pajjabeje David piaja tomarata. Arujjua kuijinae Ocozías, arponu pejjunato petujanenü naejjana pecowuta. ²⁵ Doce (12) paweibeje Joram, Acab pejjunato Israel tujjanenü, Ocozías Joram pejjunato Judá tujjanenü tajju jjuaba pemata canucaijawa. ²⁶ Ocozías jjeina veintidos (22) paweibeje pena itajutsimata cabita pawjinae petujjanenu nauejjena arponu mata canuca caiweita (1) Jerusalén tomara pena pewunu Atalia; arpowa raja pena Omri Israel tujjanenu. ²⁷ Ocozías pona Acab piaja boo namuto jawabelia; arponu itsi pabisiawene waja tujjanenu peitajjutota, tsipaji Acab piaja boo naweneba tsipaji Ocozías, piopajja Acab piaja boonu monae. ²⁸ Ocozías lia Joram beje, Acab pejjunato beje, Hazael barunabe ponaliabeje Aram tujjanenü Ramot de Galaad Jawata arameos monae Joram ipajjuabatsi. ²⁹ Joram tujjanenu nabiarena pewaúbinejja tsi Jezreel jota arameo monae ipajjuabatsi Ramot jawata pawijinae barunawia Hazael, Aram tujjanenü. Nejjata Ocozías, Joram pejjunato, Judá tujjanenü Jezreel taiponalia Joram Acab pejjunato tsipaji Joram ipajjuabatsi.