¹ Jemata pakuijinae rey Ezequías naya liwaisi jumetane, navé juma titina jjuaba piaja camisa, najuma jjatarreka petoobia nojjo jaijava, nejjata baja rá pajuenia póna Jehová piaja boyábelia. ² Eliakin itorrobalia, carranata pitorrobinü, Sebna yajava peyakina pona biabinü, saceredote monae piaja ancianovi, dajjita ü penajjata bivi saco javanü, tajitsiatsi Isaías profetanü Amos pejjünato. ³ Nejjata baja rá ponü jumaitsi baja rá ponü jawabelia Ezequías bá jumaitsi: Ma pamakabi ü waja najanatabü jjainae mata kabianü, naka kensia taya itsi baja apo naka asivanua, tsipaji baja pejji penai tajütsi mata kabi pata, jane baitsi baja rá pamonae asaü jibi penai tajutsi nejja ⁴ Belia kajume taejitsipa Jehová nija Dioso dajjita pajumé beje kuai kuijai waja bitsaü pena matai torrobinü, Asiria piaja rey mata kaitorroba piatiabi nejja Dioso pitavanü, apo júme kanaviatsi tsane Jehová nija Dioso jjua jumetane, wekae barrü kuai kuai jamüre pabitsaüto yabara jota penube naebi. ⁵ Baja rá pakuenia Ezequías piaja piani jiwi pata Isaías jawaberrena. ⁶ Taema Isaías jumaitsi baja rá pamonaetai jumaitsi müre nija jjanenü: "Jehová ra jumaitsi": pútsa najuna wiakame pejumeta jjuata niatiaba peya wenonaevi jjanü bitsó nekentsia jumaitsi Asiria piaja reinü. ⁷ Taema, jjanü baja rá ponü espíritu tsijamatabü etsianajü, nejjata jume taena naya jume taena nejjata baja rá pakuenia ponaena piaja irrabelia. ⁸ Bejjüa pepo wajabitsaü pitorrobinü naita wenta kajji tájarraba Asiria piaja rey barrü nátsekena Libna, tsipaji baja rá ponü júmetane rey pepitsa paejava Laquis werrena. ⁹ Baja rá jjuá kuijinae Senaquerib jumetane pijinenia Tirhaca, reinü Etiopía jawata, Egipto pijiwi yajawa tsimajjü nakae tuatatsi petsekonae nejjatsi, baja rá pakuenia ikatsi itorroba petsi páebiwi nejja Ezequías tó najune itorrobatsi. ¹⁰ Jumaitsi müre Ezequías reinü Judá jawatai pütsa nija Dioso karranta peka yawenona biabinü kaya müjjü itójo roba jaitisi: Jerusalén ápo to kanaviatsi tsaneetsi rey Asiria pekaobeta. ¹¹ Taema, jjamü rabaja ná jume táneme rey Asiria pijinü jjuabeje itsi dajjita irranü jawá jjuayá najetarruka tojjobabé najetarruka dajjita kuene. ¿Jjamü meta kaná yaweno naejitisipa? ¹² ¿Piaja diosonüjji kobe kowü jjaneba piaja nakuanü, panakua beje tajjami tojjobaba: Gozán, Harán Reset pijinenia Edén tomara Telasar jawata? ¹³ ¿Dejota ponapona rey Hamat piijinü, rey pijinenia rey Arfar, rey tomarranü pejjai naenü Sefarvaim jawata, Hena, Iva pijinü yajawa? ¹⁴ Ezequías pita petó najume yakinae bájjuto wekobe pita petokapo naevitsi nejjata leba. Baja rá jjua kuijinae pona Dioso piaja bó yabetsia pevajünaé to yerreta buata. ¹⁵ Dejjua kuijinae Ezequías barrü kuai kuijai vajüta Jehovata jumaitsi: Dioso jjamü waja bitsaü nejjai naenü, Israelevi piaja Dioso nümü, jjamü nitorrobe kaenü querubín, kaenümü bája Dioso nümü dajjita irra nakuaya. Jjamü nejumeta ejjaname itabojjo irra yajawa. ¹⁶ Nena mujjunáe ewere, Dioso, nejume taema. Dioso asaiyata naükore taema, jumetaema jjua jumaitsi Senaquerib, pitórrobiwi kentsia kápokapo nejetsia Dioso pitawanü. ¹⁷ Jjaniavaetsia jjanü kajumai tsitsi, Jehovamü, Asiria piaja rey yanakua abejeya ejjana piaja irranü yajawa. ¹⁸ Baja rá pamonae tó tajuita piaja dioso nüjji, tsipaji apo dioso saya baja rá pamonae nakuenebeba piaja dioso nejja, naejavanü ibotonü. Baja rá jjuajitsia asirionü sarrababa tojobaba. ¹⁹ Abajjü, Jehová pataja Diosonü, páne kapanepare, apo pane itajjane panae atamü, patane werretsi yeniva, dajjita java jota irra kopiá ruka, yaputájisia kaenümü kuene, Diosonümü. ²⁰ Baja rá jané jjua kuijinae Isaías pejjünato Amos najume itorroba petsi paebiwitsi nejja Ezequías tsipaeba: ná jumaitisi Diosoje, Israelewi piaja Dioso: tsipaji jjua nevajütame jjanü jawaberrena Senaquerib reinü yabara Asiria pijinü kajúme tanetsi. ²¹ Ma ra pajumé Dioso kuai kuijai baja rá pamonae yabara: pájanawa Sión pijivá apo kaita jjanepanae tsane ká kapokapona apo pekaji tsipae yabarra. Pejjünatoyó Jerusalén namata nenoba nepü welia. ²² ¿De pajiwi natsi atiabame o natsi biaja tanemé? ¿De pajiwi natsi matajúntame o natsi áebame? ¡Dé jjuájitsia natsi jamatabü itóntame káe jiwiyó áta apo pekapane paenütsi Santonü Israélewi jawata. ²³ Nenatsi itorroba biabijjae peka jume kaponaevita natsi atiabame Diosonü, jumaitsimü: Taja carro monaeta patajü petsuto matatü yabetsia, pepo waja kujunavi matatú nasaünae yabetsia patsiajü Líbano pejjainae tsuto. Jjanü ukúbabe naju piapiá cedros naenü itapetsia najü ciprés naenü baja rá jotatsia. Jonenajü únu tutujuyá bélia, jótalia bitsó únu najjaniaba. ²⁴ Jjanü irra takuenü mütü pijira tapaenü itsa nakuaya. Jjanü tatsevia ejjanaenü dajjita Egipto menianü tatajjuta. ²⁵ ¿Apo nájume taemü kaejena tató rutsijawa bajayatámi, tasiva najamatabü jjainae jawa bajayatami? Jjanü rá baja nakuijiru itajütajü. Jjamü rá baja jota pónaponame peyei tae tomarranü ajibia ejjanae jitsiamü ü petoferratonü kakobejjae enaena. ²⁶ Piajiwi, apo pená kapane paewi, bitsó natsi nuá bitso aurra. Baja rá pamonae saya bepeubi naejjitsi bé reünae wayafo, bé pona bó mata tsünü welsika o bé wayafota, tsakena nejjata ayeijawa néjeva. ²⁷ Jané jjanü kayapútanetsi nenajamatbü jjaina eekaejava, pitsaparremena, jonemeya, nía taejitsi bimü. ²⁸ Bitsó saya nia taejitsi bimü: Nia beje kuene nemüjjü atania ejjaname, jjanü kapumu jorronaenaatsi taja kutupabota, kapumü kütsianatsi, ká kanavia tsia ejjanae liatsi penamua renamü. ²⁹ Marrajjuaje kató rutsia natsi yapüta jitsiamü ma pavaitaje jjae pónaponamejjüa katsita jjanepana eneojjae werrena pavai jjaename jjua yajivinü jjaneme akueyabi waita ubianame kaetua tsianamenüa, nevajjüsi namitsa ubianame pakuijinae nawerta nakobekowü jjaename. ³⁰ Peyajivinü werretsivitsi pajivi yobeje nakopata Judá jawata ikatsia jinavana paena ayei bitsaüto tsane. ³¹ Tsipaji itsa bitsaütoyo Jerusalén javave rena pitsapaena, Sión unu werrena penakopatsi nüjji patenaena. Wajanaka asivajjae Dioso majjua naka itsáneje. ³² Baja rá paepatoyó Dioso jumaitsi Asiria piaja rey yabara: mata wüjüa rabaja apo patsitsane patomara berrenaje apo namajjü wanitojopae tsane, penaka rantsi java apobé pekaponaenü tsane apobé penavajjünae jjaneba biabinü baja tsane pakuijinae tsimajjü ponabiaba. ³³ Panamutuá rena tsane baja rá pamutuá naviá tsialia; patomará berrena rabajamaje baja rá ponü apo joné tsaneje. Kapane paya baja Dioso jumaitsi. ³⁴ Tsipaji jjanü pakayá matamo tsianatsi mapatorraje paka kapane paénatsi pataka asivajjae tásivajja taja pianinü Davie. ³⁵ Baja rá pamerravi Dioso pitorroba biabinü pitsapalia asiriosmonae piaja waja bitsaüto jotalila núbena werrebaba beyajjuaba ciento ochenta y cinco mil (185.000) pawaja bitsaü nübeje.Pakuijina baja rá pamonae nonobapúna bajaya kanua penakopatsi núyobeje itsabitsaüto ü petüpaevi yananina ³⁶ Baja rá pakuenia Senaquerib Asiria piaja reinü yabarrá jjuaba Israelevi naita venelia piaja bóyabelia pónapona Nínive jawata. ³⁷ Pepua bejjüa, pakuijinae ná navajü kanuka boyalia Nisroc piaja diosonüyo jawabelia, nejjata pejjünato beje Adramelec Sarezer beje beyajjuabatsi.Baja rá jjüa kuijinae wemajjü najeta bijirrava beje Ararat. irrabelia Esar Hadon pajja pekowüta rey tsanukae.