¹ Anija weibeje kuijinai Joás, pejjünato Joacaz Israel pija rey, Amasías Joás pejjünato Judá pija rey, tajjujjuaba pe reinabijawa. ² Baja rá ponü jjenü veinticinco (25) paweibeje itsata jjujjuaba pe reinabijawa, baja rá ponü reinaba veintinueve (29) pa weibeje Jerusalén Jawata. Pena pewunü raja Joadán, Jerusalén pijiwa. Baja rá ponü itsijjanepanaya Dioso pitabünejawa, itsiata apobe pajja David. ³ Baja rá ponü itsi dajjita Joás pajja, jjua itsi. ⁴ Itsiata jane apowukua notsi, itsa jota abajjü nabiabaejja sacrificio petajuitsi, nejja, Baja rá toma rá pijiwi ejjanabiaba Dioso pewünüta tajuitabiaba petujjujüjawa, tajjünaeta. ⁵ Itsabaja pepijieyo pija gobierno pejjaniakuenia tajjüaba, baja rá ponü beyejeba pija pianiwi pamonae pajja tabeyo jjuabatsi reynü. ⁶ Itsiata ápo nubi pejji penamüjjuane tsiwi; pe bewi beitsi jane, baja rá ponü itsi pakuenia rubena peya ley itanetonüta, Moisés pija librota, pakuenia Dioso itobaratsi jumaitsi: "Pajjajiwi apokuene kaujüpoetsi pebejawatsi pejji pija nekoni, pejjiaba apokuene kaüjipaitsi bejeyanejatsi: "Pajja jiwi pija nekoni baitsi jane, kaejijwi kanakuijitsia be tüpa pija nekonita." ⁷ Baja rá ponü beyejeba wajabitsaü Edom jawata diez mil (10.000) pa waja bitsaünü beje baja rá Yajo wuayofota; baja rá ponü waitaba Sela pena bé jawata, wunü ruta Joctel, abajjü wunü tsiteka ajena pa matakabi. ⁸ Baja jjüa kuijinae, Amasías itoroba liwaitsi peka ponaiwi Joás nejja pejjünato Joacaz pejjünato Jehú Israel pija rey, jumaitsi: najatsia, namata jjünatsi beje naitabarü taya wujü nu bé jawata beje." ⁹ Nejjata Joás, Israel pija rey itoroba peliweitsi caponaiwi kaewua Amasías nejja Judá pija rey: "Kae cardo pe bokaejawa Líbano jawata najüme itoroba cedro naeta Líbano jawata, jumaitsi: "Rajure nejjünatoyo, ta jjünata pijawa, nejja, betsi jane kae piyeinü unu pijiwi Líbano jawata najetaruka nejjata cardo mata künübatsi. ¹⁰ Jjanü raja kaejena amoneyabeme Edom pijiwi jjamüne jamatabü utjuto kajamatabü kuene yota. Pire ayeijamatabu kuene ne amoneya bi jawata, pitsa poname nija bo wekua tsipajira ¿Dejuatsia liwaitsi jjamü natsijeitsi pame jopaejjitsi pame pakuenia jjamü Judá yajawa? ¹¹ Baitsijane Amasías ápo jumatae. Nejjata Joás, pija rey Israel pija rey, barinabia, baja rá ponü Amasías beje Judá pija rey na namatajjüna beje naitabura tanebeje Bet Semes jawata Judá pija tomará. ¹² Israel amoneyaba Judá piijiwi, kae pebi kanakuijitsia rükipeka pijabo jjiya. ¹³ Joás, Israel pija rey, waitaba Amasías, Judá pija rey Joás pejjünato, pejjünatonua Ocozías, Betsemes jawata, baja rá ponü patajopa Jerusalén jawabelia tó bijiena pija muro Jerusalén, Efraín pija baupa welia pemuju neneupi jawata cuatrocientos (400) codos paepato beje. ¹⁴ Baja rá ponü nota tajjita oro y palata yajawa, dajjita penamatamotsi jawanü rey pija palacio jawata, pena matatsi jawanü, rehenes beje naviata Samaria jawabelia. ¹⁵ Ma pijinia itsa kuene yabara Jaás ta dajjita jjüa baja ponü itsi, kuene, pukuenia baja rá ponü barynabia Amasías, Judá pija rey, "¿apo wunü yaquinaitsi baja rá pamonae baja rá pa librota peitsi jawanü Israel pija reyeswi? ¹⁶ Baja rá jjüa kuinae Joás tüpa pija salineiwi yajawa mütjütatsi Samaria jawata itsa jota piaja reivi bóbena, Jeroboan, pejjünato, naejjana rey pekowüta. ¹⁷ Amasías, Joás pejjünato, Judá pija rey, asüa tsa po na ponae quince (15) pa weibeje petüpae kuijinae Joás, Joacaz pejjünato Israel pija rey. ¹⁸ Ma pijinia itsa kuene yabara Amasías ¿apo wunü rubenac itsa jawanü apo tó yaquinaetsi pitsi jawa Judá piaja librota? ¹⁹ Baja rá pamona sivá najamatabü jjaina pebeya jjübinejja Amasías Jerusalén jawata, baja rá ponü najetabijiriba Laquis jawabelia. Pona bajitsa jane baja rá pamonaetsipü itoroba pebijiwi, baja rá punü barrá ponatsi Laquis jawabelia baja rá jotalia beyajjuabatsi. ²⁰ Baja rá pamonae kapo narretantsi caballota baja rá ponü mutjútatsi pija monae jawata David pija nakuata ²¹ Dajjita Judá tomará itapetsi Azarías, pejjai naenü dieciseis (16) pawai beje, rey ejjanatsi pajja pewüta. ²² Azarías raja ya jjaneba Elat, Judá yajjanía waeta baja rá jjüa kuijinae rey Amasías tüpa piaja monae jawata. ²³ Baja rá pa quince (15) waita pakuijinaé Amasías, pejjünato Joás, Judá pija rey, Jeroboam, Joás pejjünato Israel pija rey, tajjü jjuaba pe reina bijawa Samaria jawata; baja rá ponü itorroba cuarenta y uno (41) pawai beje. ²⁴ Baja rá ponü itsi pebisia kuene Dioso bitabü nejeva baja rá ponü a powekua natsatsi kaejawa ata pebisia kuene jjüa Jeroboam itsinabat pejjünato, pebisia kuene ejjanaya ejjana Israel. ²⁵ Baja rá ponü jjane waita Israel piaja mujjünene Lebo Hamat kuijinae, pemüjjü nene Arabá pija manuamene, pünaponaya, pa jumé Dioso pija liwetsi, Israel pija Dioso pakuenia baja rá ponü pija pianinüta Jonás, Amitai pejjünato, profetanü raja Gat Hefer pijinü. ²⁶ Tsipaji jane Dioso pena bijiobitsijawa Israel monae, tsipaji raja bitsó atsajja dajjita nejja esclavowi apo esclavowi tsipaji ajibi peka pane paenü Israel nejja. ²⁷ Nejja baja rá ponü Dioso jumaitisi apowunü ikinaenci tsane pewunü Israel, pebüjjüna itabojjo: pekowuta, baja rá ponü nakakaponepa pekobé wekua Jeroboam Joás pejjünato. ²⁸ Mapijinia peitsi jawanü yabara Jeroboam pija piji jamatabukuene, pakuenia baja rá ponü matakapono pena wajübitseü tsijawa, kenawiata Damasco, Hamat tomara beje tsipaji Judá piajawami, Israel nejja, ¿baja rá pamonae apo wunü rúbenae baja rá pa librota dajjita jjuanü itsi, Israel pija reyes. ²⁹ Jeroboam tupa pija monae miwita, yajawa Israel pija reyes, Zacarías, pejjünato, rey naejjana pekowuta.