¹ Pakuijinae jjaina siete (7) pá waibeje Jehú, Joás tajju jjüaba pitó robijawa, Joaz itó roba cujaarenta (40) páway beje Jerusalén jawáta. Péna pijiwámi pewünü Sibia, Beerseba pijiwa. ² Joás tó nakué neba petsita jjáne ponae jawátsi jámatabü jjanepona Dioso, dajjita mátakabi tsipáji Joiada Sacerdote küja ruba baja rá ponü. ³ Itsiata áta ápo copabi baja rá patsutonü tsiteka baja rá pamónae ápo kopatsi pekáponae jawa tsakiapa baja rá patsuto jumáta. ⁴ Joás jumaitsi sacerdotewi jawabelia: "Dajjita pá palata beje kapóna (ofrenda) Dioso nejja pejamabü ná, kaponáe jawa Dioso piaja boyababelia, kaenü kana kuijitsia pena nekoni matamotsi palata, pakuenia nawünü yakina póna dé belia poná jitsia baja rá pá palata o pá palata páka rajüta pená júme kowunütsi jjáe kaenü kana kuijitsia piji nenia pá paláta rajuta Dioso piaja bó nejja dajjita jiwi pekóbe paláta pena mujjüná barrüya jjáe Dioso pewúnüta ná jamatabü rajúta. ⁵ sacerdotewi tsiteka ü pewé kóbe pitsi nejja palata pekáe tuátsiwi pejjánebi nejja Dioso bó tutúajü jawália. ⁶ Baitsi jané veintitres (23) waita pakuijinae rey Joás sacerdote monae itsa jawayó áta ápo tó jjanébi itsa jawaya áta Dioso piaja bé. ⁷ Baja rá jjüa kuijináe rey Joás júnata Joiada sacerdotenü itsa sacerdotewi yájawa; baja rá ponü jumaitsi baja rá pamonae jawábelia: "¿Dé jjüá jitsiá ápo pánija jjanebi abájjü Dioso piaja bó? Nejjata baja: Pütsa bája pawajükamé palata pá péka rajúta biabiwi jawábelia, payá jiwüne pirre páne kaetuatsi palata pane jjanebi nejja Dioso piajabó pá rajürre ponü yapütane pé jjanebi jáwa." ⁸ Nejjata sacerdotewi wékua asíwa baja ápo rajúta ponáe jitsipáe itsa jiwi áta pé jjanebiwi Dioso piajabó baja rá ponü wekua asibajiwi tomarra pijiwi pékobe pijiniü baja siwá afáe tabi pekatsa náejowa Dioso piaja bó. ⁹ Juya, Joiada sacerdotewi pitó robinü píta káe (cofre) canalito jiarru jáwa palata yawü kakjuitotsi jawa, yawü jorta pemá tatuta baja rá jjüa kuijinae éta peka juá nenia itsa jóta núka biaba sacerdote Biblia pé lebinü (altar) pakuenia wajjai bá ná joneyatsi Dioso piaja bó yábelia. Baupa péwe tánube naewi sacerdotewi pejoné biabi jáwa welia étabiaba jóta dajjita palata pátabiaba péka ponaejawa Dioso piajabo yábelia. ¹⁰ Pakuijinae baja rá pamónae taebiaba palata peyá wünü kaéjawa jiarrü kanalito, nejjata rey petó peyakina ponaénü rey beje reye mónae pitó robinü rajúta ponatsi jébapona balsata nama tájüta pónabeje, pá palata beje páta Dioso piaja boyá berrena. ¹¹ Baja rá pamonae pematámo kaüjüpáe kuenia rajúta péka tsanaewi, aurribia peya éwetsiwi Dioso piajabó; baja rá pamonae matámota carpinteros, y maestros pekatsánaewi Dioso piajabó. ¹² Albañiles mónae peyá sukuetsiwi pé úbi jawánü pijinenia, komuako naé jawanü ibo pejebi jawánü peka tsanae nejja péna sarta rubenaejawa Dioso , piajabó áta ü pé werré werré kaejabelia peka tsanáeta. ¹³ Má pá palata pekáe tuatsi jawa Dioso piajabó nejja, ápo nakuenebi palata wájji nüjji pé káukubi nejja, pita yótsi nejja, pe rakátsi jáwa pé óbbijáwa (trompeta) itsa áta orojáwa palata jáwa. ¹⁴ Baja rá pamonae má pá palatata táje jjaneba Dioso piajabó. ¹⁵ Baja rá pamónae ápo júme jjania táe pé matámota biábiwi jjania waetsia pekaetuata biábi palátata, baja rá pamonae, pematamota biábiwi nejja pejjaneba biábiwi tsipaji baja rá pamonae jjaniawaetsia matámota. ¹⁶ Pa palata matámota pena nekonitsi matamo,pá palata penajúme nekonitsi matamo (culpa) baja rá palata ápo pejjanebi nejja Dioso piajabó; tsipaji baja rá pá palata sacerdotewi nejja. ¹⁷ Nejjata Hazael rey Aram pijinü kaetuata piajiwi werretijitsia Gat monae, yaküita. Hazael ikatsiá siwá naita wenta, barrü tséko nájitsia Jerusalén. ¹⁸ Joás rey Judá pijinü tó pita dajjita Josafat, Joram, Ocozías bána piaja mónae, reyemónae tó tsáteta, nejjata baja rá ponü éta Sai kaya baja rá ponüta áta petó tsatetsi jáwa, dajjita oro áta kájji tajarrabeta bó tutúja pé jébabibi jawata Dioso piaja bó tutúju jawáta piji nenia rey piaja bé jawáta baja rá ponü tó itó roba Hazael rey Aram pijinü jawabelia. Nejjata Hazael póna Jerusalén wékua. ¹⁹ Itsajáwa pekóyene kuene Joás dajjita pena kuenebijáwa ¿Ápo yákinae ma pá peyá kinae bajjüto taje ápo liwaisi páebitsi reyes mónae Judá pijiwi jawábelia. ²⁰ Piajíwi siwá najúme tanetsi atiábatsi dajjita, baja rá pamónae béya jjüaba Joás Beth Millo, jawáta, pakuijinae póna Sila jawábelia. ²¹ Josacar pejjünato Simeat, Jozabad béje pejjünato Somer, baja ponübeje pewitsatsíwi máta titibaba beyajjüaba. Baja rá pamónae nákobe kowü mütüta Joás itsa jota piaja monáemi mutükatsi David piaja tomarra jawáta juya Amasías pejjünato beje rey pékowüta.