¹ Ajenako nojjae, Atalia pena Ocozías, tane pejjünato pejjü panukaewu, baja rá powa nanatapuna, beyejeba pija monae rey. ² Bersi Jane Josaba, kaewa pejjünatoyo rey Joram pematapijiwa Ocozías, pita Joás, pejjünato Ocozías matayota jjuaba tajü wekua pejji itsa abajjü beyejebatsi, yaiawa pewetsiwa pejewajjü; baja rá powa buata pemaji tabiabijuwata. Baja rá pamonae wekua motoyata Atalia wekua bebeyajjuabi yaniwutsi. ³ Joás yajawa Josaba, namatayaba ponapona Dioso pija bota, seis (6) pa weibeje itsa abajjü Atalía reinaba bo rapo irata. ⁴ Baja rá pa séptimo (7) wei, Joiada nanujume itoroba capunanuu comandante decientos cariteos monae pija guardiü, bara pakuenia capona Dioso pijaba tutujubelia baja rá ponü itsi pacto baja rá pamonae jawabelia baja rá jumaitsi ejjanü pe jurabi nejja Dioso pija bota, nejjata baja rá ponü tsiteüjüta rey pejjünato. ⁵ Baja rá ponü itorobiaya jumaitsi: "marajjuaje pa itsü mutsane. Akueyabi, payajunuwiraiü pa pomuremena sabadota, paneya jiwi taenejja rey pijabó, akueyabi payajuno. ⁶ Wimü nubenaina tamoya bawu jawata, itsa akueyabi ewetsiana pe pumüboupa guardia pijabó. ⁷ Itsa anija bitseütobeje, pa nonae apoewetsi sabadota peyawitaenejjo Dioso pijabó yajawa rey. ⁸ Pajjaneura rey pamatajaronainame, kae pebi pija nae eobenaenubenaya itujjütemu ponü imojjoyota pabeya jjuabianame. Pajjamü rey payawa nakopare bianame, pakuinae baja rá ponü pitsapa, pakujinae itsa jonorena. ⁹ Nejjata capitanewi jumekonüta sacerdoto Joiada dajjita jjua itoroba. Kaejiwi kanekuijitsia kaefutu pija pebijiwi, pamonae pe ewetsinejja sabadota pamonae penakuena kopatsiwi pe ewetsi yaniwa sabadota baja rá pamona nawiabarena Joiada jawaberena sacerdote nü. ¹⁰ Baja rá jjua kujinae Joiada, sacerdotenü, rajuta comandante wi yawitonü escudo rey David pija yawanü, pejebijawanü Dioso pija bota. ¹¹ Guardia peewetsiwi nubena petajjükopiata, kaepebi pijunauunü cobena nubena, templo pekuaja yenepanareka, templo petsowenenia yenepanreka, rey matatoyo rotsia. ¹² Baja rá jjüu kuijinae Joiada kapona rey pe jjinato, Joás kepi natajjatuta, rajjuta decreto paetoyajawa, nejjata rey ejjanatsi yajawa baja rá pamonae nokope rakuta jumaitsi nua, prupia jumabukuene rey. ¹³ Itsa Atalia jumetane penamu tsijawa guardia monae tomara pijiwinua, baja rá powa rena jiwijawaberena Dioso pijubo jawabelia. ¹⁴ Baja rá powa itsa tane batso nabeje nü ka, rey nuka pilar peyene panata, pakuenia pija kuene capitanewi, trompetista wi nubena rey pemujunetu, dajjita ira pijiwi barüya tsanubenae, óbanubena trompetas, Nejjata Atalia titina jjuaba pija nawa wuwujei: "Traición, traición." ¹⁵ Baja rá jjua kuijinae Joiada, sacerdotenü, itoroba puciento comandantewi, peewetsiwi baja rá pa guardia baja rá ponü jumaitsi baja rá ponare: "Pakopitsa pare Dioso pijabawekua, dajjita baja rá powa püna pona, pobema espadadata." tsipaji sacerdote baja rá jumaitsi: "Putsa apeya jjuabane Dioso pijabota." ¹⁶ Nejjata baja rá pamonae to ejjuna namuto baja rá powa nejja, baja rá powa pona baja rá pawayo baupanamutua, rey pijabó jawabelia, bajajota beyajjuabatsi. ¹⁷ Baja rá jjua kuijinae, Joiada itsi kae pacto saekaya Dioso rey pijiniu seikayo seikaya pijiniu toma rá pijiwi nejja baja rá pamonae tsa Dioso pijutoma pijiwitsane, baja rá pijiniu itsi, seikaya pijinia rey nejja seukaya toma rá pijiwi nejja . ¹⁸ Nejjata dejjuto toma rá iru pijiwi pona Baal pijabó jawabelia, to bijiena Baal pijü estatua baja rá pamonae to tajjóbabia Baal pija altares, pija ídolo jumupianu, baja rá pamonae Matán, peyajjuaba, Baal piju sacerdote altar pitabarata, baja rá jjua kujinae wunü ruba guardia, pe ewetsi wi Dioso pijabó. ¹⁹ Joiada matakapona, dajjita capitanewi Dioso pija templo welia kuijinae joneya guardia pija baupawelia rey pijabó jawabelia. Nejjata eka trono jawata reyewi pijatronota. ²⁰ Nejjata dajjita ira pijiwi´ bitso baruya, moyanubena barapanakuapijiwi moya tsanubenae.Atalia yabara, baja rá pamonae beyajjuaba rey pija espada pija palacio jawata. ²¹ Joás jjeina siete (7) poweibeje itsa jujjü jjuaba pe remabijjiwa.