¹ Petüpai kuijinai Acab. Moab wekua natsata Israel. ² Baja rá jjüa kuijinai Ocozías jopanukaya piaja boo unüta na denebeka ayeikueneta. Nejjata junata piaja jiwi itoroba peto yanijobinejjatsi Baal Zebub, Ecrón, tomara piaja dioso nü jawabelia itsa pe jjume jawa nejja. ³ Dioso piaja Ángelenü jumeitsi Elías el tisbita Jawabelia ponare: "Baja rá jotalia kaijitajarabiana mü piaja jiwi Ocazías Samaria tomara ewetsinü yani jobianame baja rá pomonae jawabelia: ¿Ajibi tsipaji Dioso Israel tomarata, panekayani jobi jitsia Baal Zebub, Ecrón tomara piaja diosonü jawabelia." ⁴ Baja rá jjüa pe ejjanai jjai Dioso jumeitsi mapa kuenia Ocozías yabara piaja jiwi jawabelia, apo jume tsane pawijjai jjaina biji rajane tüpaina. Baja rá jjüa pe jumeitsi kuuijinae Elías pona. ⁵ Ocozías yanijoba piaja jiwi jawabelia penawia bi jjai: ¿Derjjutsia panawiabamü bepijiayo? ⁶ Nejjata Ocozías tsipaibatsi piaja jiwi pane kajjitajaraba jiwitonü baja rá ponü pane jumeitsi panawiabaliamüre panija tujjanenü jawabelia pajumeitsimüre mapakujeniaje." Dioso jumeitsi mapakuenia ¿tsipaje ajibi Diosonü Israel tomarata papeka itorobi pane yani jobinejja Baal Zebub, Ecrón tomara piaja dioso nü jawabelia? Baja rá pekuenia ne ejjanaijjai apo jume mü tsane biji rajane tüpainamü jaitsi Ocozías piaja jiwi pakuenia Dioso jumeitsi najume kopatsiaya baja rá pamonai jawabelia. ⁷ Ocozías yane joba piaja jiwi jawabelia: "¿De pineta pitsinü paka kajjitajaraba?" tsipaiba baja rá pamonai jumeitsi. ⁸ ponü pineja najjatat ü penabokoto na epakuta pe epatualia dajjubi bokotota Ocozías jumeitsi. "Beitsi tsane kajena Elías el tisbita." ⁹ Nejjata Ocozias itoroba piaja capitán cincuenta (50) pawabitsai nübeje yajawa peya püjaitsi nejja Elías. Capitán kajjitajaraba Elías petsuto jawata pe ekaijawa. Jumeitsi capitán Elías jawabelia: "Jjamú Dioso piaja jiwitonümü: Jumeitsi mapakueniaje tomara ewetsinü runatrekamü meta. ¹⁰ Elías jume kanawata jumeitsi mapakuenia capitán jawabelia: "Itsa jjanü Dioso piaja jiwitonünü tsane rumainika isoto atübü jawa betsika jjamü niaja wajabitsaü yajawa paka werebiabiana." Baja rá jjüa pe jumeitsi kuijinai isoto runaika atübü jawabetsika. capitán piaja cincuenta (50) pawajabitsaü nü beje yajawa werebiabatsi isoto. ¹¹ Ikatsia Ocozías itoroba itsa capitán cincuenta (50) pá wajabitsaünübeje yajawa Elías jawabelia. Capitá nü jumeitsi Elías jawabelia "Jjanü Dioso piaja jiwitonümü jujmeitsi mapakuenia tomara ewetsinú runairekamü meta Be najjatsiayo jai. ¹² Elías jume kanawiata jumeitsi: "Itsa jjanü Dioso piaja jiwetonünü, isoto runainika atübü jawabetsika. Jjamü niaja wajabitsaü yajawa kawerebiabiana jai Elías capitánnü jawabelia. Nejjata runaika isoto atübü jawabetsika capitán piaja jawabitsaü yajawa werebiabatsi. ¹³ Ikatsia Ocozías itoroba itsa capitán cincuenta (50) pá waja bitsaünübeje yajawa. Capitán junaya itsa jotatsia eka Elías. Capitán nü itsa tane Elías jopa pemata baka büta najumebijiobitsiaya jumeitsi Elías jawabelia jjamü Dioso piaja jiwitonümü kawajutatsi jjanü taja jiwi yajawa pane ita jjuto tsoniataijitsiamü. ¹⁴ Kopiata baja pá capitán nü beje werebiabatsi isoto atübü jawabetsika pe runaijawa. Itsiata june pane ita jjüto tsoniataima jjanü taja jiwi yajawa. ¹⁵ Dioso piaja ángel nü jumeitsi Elías jawabelia: "Nejjatsia runaimika pütsa juna wamü baja rá ponü". Nejjata Elías runaika na pona capitán pepüta tomara ewetsinü jawabelias. ¹⁶ Nejjata Elías Ocozías jawabelia: "Dioso raja jumeitsi jjamü ne itoroba jjai peyanijobi nejja Baal Zebub, Ecrón tomara piaja dioso nü jawabelia. Ne jjume jawa nejja. ¿Nejjata tsipaji ajibi Dioso nü Israel tomarata apo neka yanijobi? Baja rá jjüa ne itsi jjai jjamu apo jumemü tsane bijirajane tüpainamü. ¹⁷ Baja rá jjua pe jumeitsi kuijinai Elias.Ocozías tüpa pakuenia Dioso jumeitsi Elías jawabelia. Joram juya tomara eweta piaja tajjünaimita Ocozías, anijja pa waibeje kuijinai Joram, pejjünato Josafat, Judá tomarata ewetsinü, tsipaje Ocozías apo jjainat pejji. ¹⁸ Itsa liwaisi anü Ocozías yabara rubena crónica jawata Israel tomara ewetsebe yabara.