¹ Tiro ru̧hua̧ Hiram hue'inö u̧mu̧huäyotörö Salomónmä̧ ru̧hua̧ päi'önä cä'epö ttu̧huä̧nä̧cu̧ pä'ö ä̧ju̧cuo̧mȩnä̧ jä'o hueinö o'come pä'ö ä̧ju̧cuo̧mȩnä̧; Hiram'mä̧ 'cuäopönä̧tä̧ esecu ki̧nö̧ ji̧na̧'a̧ David'cu. ² Salomón i̧huȩnȩ hue'inö Hiramrö pa̧'a̧nö̧ pä'ö: ³ Ucumä huo̧jua̧jä̧ chä'o David isode Dios i̧mi̧nä̧ aditö juiyönä ji̧nä̧cu̧, curätä jä̧'cha̧'a̧ttö̧, ja̧hu̧anö̧ ja̧'a̧nä̧ abo'iyotörömä iyipococu pinö ö̧jä̧pö̧ dea'atä ttö̧jö̧nä̧ jȩi̧nä̧cu̧. ⁴ Ja̧hua̧nö̧ ja̧'a̧ttö̧ chö̧ä̧nä̧hua̧ Diostä eseunu kä̧cuä̧huä̧ iyäjäcusä; koro'i̧nä̧ yecuäcuähuä juiyönä, chabo'iyotö'i̧nä̧ toönä chö̧jö̧nä̧. ⁵ Ttötä aditösä Dios i̧mi̧nä̧ isode 'quiyode, chö̧ä̧nä̧hua̧ Dios päinö ta̧'a̧nö̧ chä'o David'rö pa̧'a̧nö̧ jö̧nä̧: Ucu cui̧tti̧ ruhuo ucu huecuhuä'ijome huea pä'ö chu̧ju̧nä̧cu̧tä̧ a̧di̧tä̧cua̧ isode röode ttö chi̧mi̧nä̧ pä'inö. ⁶ Ja̧hua̧nö̧ ja̧'a̧ttö̧ jitämä hue'i, Livano rȩjȩttö̧ cedros dauhuiyä ttö̧'co̧rä̧hua̧ pä'ö; Ttö chumuhuäyotö'i̧nä̧ ucu cu̧mu̧huäyotö'i̧nä̧ jö̧nä̧. Ttötä ttaditö jö̧ micuä chi̧mi̧tä̧cua̧sä̧ jahuätörö. Ja̧hua̧nö̧ ja̧'a̧nä̧ ucumä huo̧jua̧jä̧ ujututtumä toa'a dauhuiyä 'co̧rä̧cuä̧huä̧ ttö̧ja̧mä̧ Sidonios ttö̧ja̧ jö̧'a̧nö̧mä̧. ⁷ Hi̧ra̧m Salomón i̧huȩnȩ ä̧ju̧cuo̧mȩnä̧, rö̧ä̧nä̧ esehuächi'ö pa̧'a̧nö̧ pä'inö:"Diostä ppä'ädö iyö pi̧yȩ mo̧ro̧, David i̧tti̧rö̧ huo̧juȩcu̧nä̧ amocuädö ötahuiyä bäreu jähuä huea pä'ö." ⁸ Hiram i̧huȩnȩ hue'ö Salomónrö pa̧'a̧nö̧ pä'inö:"ä̧ju̧cuä̧ji̧sä̧ cui̧huȩnȩ huecuhuäjimä, ja̧hua̧nö̧ ja̧'a̧ttö̧ o'ca juiyönä jäcuepäjimä jȩchä̧cua̧sä̧ cedros dauhuiyättö'i̧nä̧, ciprés dauhuiyättö'i̧nä̧. ⁹ Ttö chu̧mu̧huäyotötä ttȩpä̧cuo̧tö̧ Lívanottö aje rö̧oto jobö, ja̧hua̧nö̧ ja̧'a̧ttö̧ huoibänä huȩdä̧cua̧sä̧ ucutä päcuhuome jobö, juhuorötä chi̧yi̧pä̧cua̧jä̧, juhua'a yabo cuȩpa̧ pä'ö; Ja̧hua̧nö̧ ja̧'a̧nä̧ ji̧yȩtȩtä̧ jädepäcujä cuäcuähuä cuiyiyattö pä'ö chahuaruhuärö" ¹⁰ Ja̧'hua̧nö̧ ja̧'a̧ttö̧ Hiram'mä iyinädo Salomónrö cedros dauhuiyä'i̧nä̧, ciprés dauhuiyä'i̧nä̧ ihueye ja̧u̧ru̧ pä̧huä̧rö̧ji̧nö̧'a̧nö̧. ¹¹ Salomón iyinödo Hiram'rö veinte mil trigo jo̧mȩnä̧ ahuaruhuä ttu̧cuä̧ pai'önä, juhua'a jö̧ ta̧'a̧nö̧ veintenö a̧dȩ acu oba'i̧nä̧; Pi̧yȩmä̧ a̧'ȩ jö̧ a̧'u̧cuä̧ iyinö Salomón'mä Hiram'rö. ¹² Uru̧hua̧ Diostä päinö'a̧nö̧ huo̧juȩcu̧nä̧ a̧mo̧cuädäcuähuä iyinödo Salomón'rö. Eseäcuähuätä ki̧na̧'a̧ Salomón'cu, Hiram'cu jo̧nä̧, ihueye jitötä pättähuinöta̧'a̧nö̧. ¹³ Ru̧hua̧ Salomón ca̧ca̧tö̧ hue'inö Israel ttö̧ja̧ttö̧ adicuä ttö̧ja̧rö̧. Jahuätö adicuä ttö̧ja̧mä̧ treinta mil'nö jo̧mȩnä̧ u̧mä̧tö̧ ji̧na̧'a̧. ¹⁴ Ja̧u̧mä̧ hue'inö Lívano rȩjȩra̧'a̧ diez mil'nö huotörö kä̧hua̧ jö̧ a̧'u̧cuä̧, korotö tti̧'cha̧'a̧nä̧, korotö tticha'anä jö̧nä̧. Ya̧tȩ kä̧hua̧ Lívano'ra̧'a̧ ttö̧ja̧'a̧, juhua'a jö̧ ta̧'a̧nö̧ ta̧ju̧ kä̧hua̧tö̧ jo̧mȩmä̧ ttoju'isodera̧'a̧ ttö̧ja̧'a̧ jö̧nä̧. Adoniram ji̧na̧'a̧ jahuätö adicuä ttö̧ja̧rö̧ to̧ä̧rä̧cuä̧huä̧ i̧sa̧ pinömä. ¹⁵ Salomón ku̧nä̧ri̧nö̧ umuhuäyotö sesenta mil'nö huotörö boecuä ttö̧ja̧rö̧, juhua'a jö̧ ta̧'a̧nö̧ ochenta mil'nö huotörö dauhuiyä 'co̧rä̧cuä̧huä̧ ttö̧ja̧rö̧. ¹⁶ Ja̧hua̧nö̧ ja̧'a̧ttö̧ Salomón u̧mu̧huäyotö jue'ipotömä ji̧na̧'a̧ tres mil tresciento'nö huotö, jahuätömä ja̧u̧ hueötä adicuä ttö̧ja̧ ji̧na̧'a̧. ¹⁷ Ruhua̧mä̧ tti'cächa pä'ö hue'inö inähuiyä bäreu'i̧nä̧, i̧nä̧ o'qui adiu juäi'i̧nä̧, juhua'amä isode röode dea'anä yi̧ȩcuä̧rö̧nä̧ ttu̧ju̧nä̧cua̧'a̧ pä'ö ji̧na̧'a̧. ¹⁸ Ja̧hua̧nö̧ ja̧'a̧ Salomón u̧mu̧huäyotö isode adicuä ttö̧ja̧'i̧nä̧, Hiram u̧mu̧huäyotö adicuä ttö̧ja̧'i̧nä̧, juhua'a jö̧ ta̧'a̧nö̧ Gebalitas ttö̧ja̧'i̧nä̧ jo̧mȩnö̧ jȩpö̧ ku̧ni̧nä̧tö̧ dauhuiyä'i̧nä̧, inähuiyä'i̧nä̧ isode röode ttaditäcua'a pä'ö.