32 nintatsa likuyuletakatsa, makadalipautsa liaji lipeyukjeti. 33 kuritsa limatsiketenka nite lifietenka naji nenipe jaledaurikuperi. 34 Lipatuetakaru liipa yapjite piumi naji naitanipe iikau jaledaukariku, 35 kurikaru fanaita matsidali lisru liaji aape atsia liekjuete liaji waminali yenunitedali, 36 kurikaru fanaita matsidali aape naiki isru,¡ liaji waminali kurinta lipeyukakai! 37 ¿kuaka kaakuli nite iimenakali kurikadan jlia iimenaka liaji waminali? 38 ¿kapja linumarikuiteka liaji waminali, limutuetaka yakuti matsidali nite yakuti matsiadali? 39 ¿kuada liaji naiki kafidali lipeyutua kakupekani? ¿kuada liaji naiki lipeyu kakupekan limatsikana iima? 40 Pikada waumaka wapuwau wanikasru, wadiakau waminali iikaujle. 41 Pikada faretaka wakaule nite wakapi waminali iisru. 42 "Fanaitaka matsi pisru nite kakupefa, nite pjia kurim pinaitaka matsi wasru. 43 Piñanpakakau piruatsu pjia fapjudam, piinuka naiki nite kurim pinaitaka matsi wasru. 44 Piñanpakakau iiyadaukatsu kurikaru pjimi jnatatjaka piinai. 45 Pikadaka wafau kamukuperitsu nite nadupetsu naji paana yakale. 46 kalaimi naji wakjuema nakuitaka waakuna, 47 iifiukjeti nite iitsati inuka wanakule, kenakjeti nite mayankali. 48 Jnutiafia tsekua likapakapua liwayakakau liaji nuyakale. 49 kaidalitsa katiafiakanua; kurim metakani, 50 likapakaruatsa tewakale liaji numinali liuwakarudete. 51 Kaika liaji jnuti jlitunaipe iima liaji nuyakajle. 52 Nainupjia jnua kaiji wipiarutsu, jnapia naji nukuema; nainupia jnua kurinuanika kuamtsupaka. 53 Napeku jnua iririku nite nakada nunaku jipada, 54 nite uuni jiyapa nuwidanaku. Nukaiteka: " ¡ uupi liukau liaji jnunana!" 55 Jnuwana pipitana, numinali, iririkuite. 56 Pimika nuakuami nukaitekadanaku." Maitatsa pinakuriku nuiyakadanaku nutatakadanaku pinai." 57 Pitsumitaka jnua nuwanakadanaku pjia; Pikaiteka jnua: "Mafiutsau." 58 ¡Numinali, pinuaka numatsikana iima, pimanakuta nua! 59 Numinali, pikapenina nanaitali nusru matsi; kakupjia numatsikananaku. 60 Pikapa kuanka nakuitaka jnua, kalaimi jnakaitepeka nunaku, 61 Pjiminina kaunka kakuna nunaku , numinali, nite kuanka nawaupiake nunaku. 62 Naji ikaitekape nunaku, nakuitaka, jaledaukakuam nukuemakana. 63 Pikapa kuanka naufakau nite nenkukau; nakanika nuikau nakantakadanaku. 64 Pidiata nasru, numinali, nakuada naji nanaitanipe. 65 ¡Pikada kapaimankana nakaulerikuite! ¡ pimatsikana jiiwa nanaku! 66 ¡Piaka napudan piruariku pinukana jaledaukariku, numinali!