¹ Nini , Dio imenaca Natan lriacarro David iderse. nitse lriaca lricaolre lricaitecarroni: lricaite lrirso "Apapiapia nini yamada ashianai apafe yacalree. lriaji apada ashia cananidalri nitse lriaji padaa kjenadalrisha. ² Nini lriaji ashia cananidalri lrirso jorre lripirra ovejas nitse njaji lrivacan, ³ misha lriaji kjenadalri ashia corrisha coca lrirso, icamisha apada oveja, lriventansha nanai, nini lritawiñacano mashia nitse keepe rotaviñacao. Nini roaji maficalri rotawiñaco lrinai nitse nainai njaji lrienipe. nini roaji lripirra roiñjaca lrinai nitseshaca roirrashaca lrirracarrodalrico, nitse lripeyocano caiji lrienepe sho. ⁴ Nitse apapia jalredaoca apada inaiki iocao lricaolre lriaji cananidalri ashia, misha lriaji ashia cananidalri corrin lrioma lrinoca njaji lripirra corrishaca njaji lrivacan lriacarro lriñjao lriaji iocacada lricaolre, Icamisha, lriacao lrino roaji lripirra lriaji ashia kjenadalri lritsaitacarro lriyanaca lriñjao lriaji iocacada lriderse. ⁵ Nitse kerroaca lriaji David lrimicadaco lrinaco lriaji ashia cananidalri, nini lriwana irroatsisho Natan irso: Nocaite ajadalri, lriaji Dio mashadalri caficashani, nini lriaji ashia inaitalri cayo lrirsosha mayamicani. ⁶ Lrirsosha lricaweñaca rocoada roaji lripirra oveja cuatro piapjaa lricoada lriaji lrinaitalri, ima corrica capaiman lrinaitaca lrirso lriaji kenadalri ashia. ⁷ Nitse Natan iaco David irso: ''¡lriaji ashia icasha pjiaca! Ima lriaji DIO, na DIOte njaji israelnai, lricaite pirso: 'Noniwanapjia tsalricanatsicarro pjia napia njaji Israelnai, nini njotaca pjiaa ima Saul piaca yajii pinaco. ⁸ Nini njoasha icadaa pirso njaji nonaikite, njoashacja icada njaji canirrinaipesha pininaiwa. Nitse njoashaca yaa piajicarro nanaco njaji nonaikite Israelnai nitse njaji Juda poco. Nini noenina pirso aima caiji pioma capisho. ⁹ Nini panaya, ¿pioma pimawadacaca naoya njaji lrinalri pinaitjaca lriaji Dio, nitse corrintja pinaitaca lriaji mashirri lricapa pinaitjaca? Ima pjiaca imenaca nacadarro naino lriaji Urias hetita njitedalri ajii nainoacalri nini, pjitacarro roaji lrinon pinoawa. nini pimenaca majicanasha caiji piwaopiakje iomacapisho nainocarro owirriconi njaji Amon isholrodaonai. ¹⁰ Nitse, panaya mayamicaosha caidalrisha njaji pinacoitseperri owirrico, ima pimawadacaca nooya nitse pjitaca roaji Urias hitita njitedalri inoon pinoawa.' ¹¹ Nini Dio icaiteca: 'Panaya, njorretawasha mashidalri picoetse napiya njaji pikishiñape, picapacarroasha, njotaosha rjoaji piino nitseosha noawashano picodapidalrisha irsono, nitse lrimawasha roinai rojaji piino nitse nacapaosha pjiomi lriaji nanaitjalri. ¹² Ima pinaitjaca dawacalrisha pimashicanawa, misha nonaitjawasha lriaji nitse pjiomi njaji Israelnai najiwasha lrinaco, pjiomi washa najica lriaji jiyapalrio.''' ¹³ Nitse David iaco Natan irso: Aja nonaitendecja nomashicanawa Dio irso.'' Nitse Natan jiepaca lriaji David: Misha lriaji Dio oopina lriatja pioya lriaji pimashicana pinaitjalripia, nini panaya corrishaosha mayanca pjiaa lricaotse lriaji pimashicana. ¹⁴ Misha wadeshaosha, lricaotse lriaji pinaitjalri pimacoadataca lriaji Dio, nini washa lriaji pienipe imotsolrioshao ajadalriosha lrirrapjitsaca.'' ¹⁵ Nitse Natan idiacawa lripanalricojlee. Nini lriaji Dio jirrapjitsetaca lriaji ienpetsi rorsodalri roaji Urias iinon David ienipe rorso, nini lriaji einpetsi lriyamipiaca. ¹⁶ Nitse David itsatjaca Dio inai cjaida lrinaco lriaji ienpetsi. Nini lriaji David maiñjacaca icamisha lriewa lriorsoawa jipaorrico padaa deepi. ¹⁷ Nitse njaji pekipenai cajikjeperri aperriji lripanalrico nacafiawa nitse nanema lricodapi, njerretacarroni jipai ioya, misha corrin lrioma lrincocao. Nitse corrishaca lrioma lriñjao nainai. ¹⁸ Apadaa semana sha lrimotsoca lricapa jalredaoca lriaji ienpetsi mayamishenacjan. Nitse njaji David irsoperri nafio nacaiteca lrirso oopikena mayami lriaji lrienipe, nini nacaiteca narsowaca: ''Icapaa, caficadanaco tsoa lriaji lrienipe cacotjafa lriapiya, nitse corrin lrimi warso. ¿¡Coaji wanaitaca panaya wacaitecarro oopica mayami lriaji lrienipe?! ¹⁹ Misha David icapacadanaco njaji lrirsoperri nacaitepeca napiyawaca mjemasha, nini David iajicasha oopica mayamica lriaji ienpetsi. Nitse lriaco narso njaji lrirsoperri: ''¿Capjaa oopica mayami lriaca ienpetsi?'' nini njepacani: ''Ajaa oopi mayamini.'' ²⁰ Nitse, David jincocao jipairricoitse nitse lriaa lripitaa, nitse lrietenacja apada lrishaña maopjitsadalri lripomenitacawa mashia. lriacarro Dio ipanalrico nini lriaca mashiadalri, nitse lriapodan lriacayami mashiadalri lridiawa lripanalricojlee, nini lritsataca lriñjao, nitse nadeca iñjaodatsi lrirso, nitse lriñjaca. ²¹ Nitse, njaji lrirsoperri nacaite lrirso: ''¿Coadaa pinaitja cayo? mañjaca pjiaa nitse piyaa jorre caficadanacotsoa lriaji ienpetsi, nitse mayancadanaco lriaji ienpetsi, oopinacja piemao nitse piñja.'' ²² Nitse David jiepacana: ''Misha caficadanaco tsoa lriaji ienpetsi maiñjaca noa nitse noiya jorre. Nini nocaite: Corri coca iaji kenacantja Dio icapa norso, nitsentja lricadaatsontja cafii lriaji ienpetsi? ²³ Misha panaya oopina mayamini, ¿corrisha coada maiñjaca noa? ¿Corrisha nocafietacarron? nini panaya njoawasha iawa lriapodan, ima corrikecha lridiacarro noicjaojlee.''' ²⁴ Nitse lriaji David lriaa lrikishindata roaji Betsabe, lrino, nini lriaca lrima roinai. Nitse kenepeshenacja lrirso noo, lriaji ienpetsi nacada lripitanawa Salomon. Lriacasha Dio ipeyondacani ²⁵ nini lrimenaca Natan lriacarro lricaite lrirso, nini lriaji inoparrotacaita icasha ikepitanatalricani Jedidias padaa lripitana, ima Dio ipeyondacan. ²⁶ Misha, lriaji Joab nitse njaji lrisholrodaonai nainoacaca Raba icoema , aji nayacalree rico njaji Amonitanai, nini lripaca lriaji yacalree. ²⁷ Caishopa Joab imenaca iacaoda icaite David irso: ''Oopina noinoacao Raba icoema, nitse oopishacja noaji lrinaco lriaji ooni iofacawa ajii nayacalree rico. ²⁸ Nini panaya, caicatsoan, piwaketa njacarra sholrodaonai piino picorarata noinai lriaji yacalree pijicarro lrinaco, ima njoacasha jipa lriaji yacalree, mashadalrii nocadacaosha noipitana, ²⁹ Nini lriaji David lriwaketa pjiomi njaji lriowite nitse nacawa Raba icaolree; nini nainoacacao nacoema njaji yacalree iminanai nitse njepaca lriaji yacalree. ³⁰ Nitse lriaji David nacada lrifidanaco lriaji corona natsalricana, lrijamiñacapia lriaji corona 34 kilogramos apada talento pida owirro, nitse lridepia jipada mashiaperri lrinaco. Nini lriaji corona nacadacan David jiwidanaco, nitse njaji lrisholrodaonai njeta aima cacoadaperri lriyapen lriaji yacalree. ³¹ Nitse lrita njaji inaiki aperripiaji yacalree rico nini lrinaca nadejica cjaidaa lrirsho lriaji lriserroshon, shipalraadalri jitaco nitse yocasho shaca; lricadasha nadejicalreo namjaitaca ladrillo. Nitse David ioma pjiomi njaji inaiki Amonlricoitseperri nadejicarro. Nini David idiacao napiya pjiomi njaji lriowite Jerusalen-rico.