¹ Aaginii Anutuuqo mmuakia fayaiyakidiri ari vookarai vai yapaiva imakeeravai. Voosuai voovaki yapaivo numa gionnaiva tunoo mo dee yatarivainno Anutuuqo saa ngia nnaate tiivainnee. ² Tuduu rikioo gioonaivo inna sai tunoo, mo mmuakia mmoorivaki vai yatari yauva nnaate tiivai. ³ Mmua yatari vai mmoori vuutaivau dii yatariva sa nnaate tiivai. Fai taa iva nneeda ta putuaaravai, Anutuuqo itakua tiivai. ⁴ Itakua tuduu rikioo yapaiivoo inna sai tunoo fai hama ngia putuaravaivee. ⁵ Fai ngia iva nneekioo ngii yaata tinniyauvo hatuanai maisaivata yoketaivatama teeda rikiaaravai. ⁶ Duduu rikioo gioonnaivo yatari iiraiva rakusukioo saivai nnoo Ataamani saivai yapakieeravai. Ataamo nnuannonno nnuduu Evaava yatari iira nnoo kioova mmuduu rikioo nneeravai. ⁷ Taarama nnaakiada iya yaata tinniiyauvo hatuoduu ngiari toduu taguaadaya varida nnaammoya apuu yauva ratooma kiada funnu ngiari ootitai yauvuunu raukiada Anutuuqara atuuda oro mmoori tooyaivaki hatauuma kiada variravai. ⁸ Suaivo hannauudu rikioo Anutuuqo nnuvaa rikiada yari ooyai vaki hatauuma harakiada variravai. ⁹ Udaanga Anutuuqo aayanna roo tunoo, Ataamo a deevaki variannannee? ¹⁰ Tuduu rikioo Ataamo inna sai tunoo, na taaguada variee a ngiannani na aiyara aatunna hatauuma kiee vayauno. ¹¹ Tuduu rikioo Anutuuqo inna sai tunoo, gioono itaikiai a taguaada variannannee? ¹² Tuduu rikioo Ataamo inna sai tunoo, moo ii gioonna nimianna ivoono yatari iira oqo oqo kiannaiva nimikiai nna nnaakiee taguada variaunoo. ¹³ Anutuuqo Evaanna yaparai tunoo, gioono tikiai a yatari na ii oqo oqo kiauva nnaannavainnee.Tuduu rikioo Evaava inna sai tunoo, moo yapaivoono nitikiai naa nnauvaivee. ¹⁴ Aagini Anutuuqo yapaiiva tinoo, aa iikiannaiva irisaaiva fai aavaudiri ausaiva mmataqavau kiee ausaya nuainna variee mmummuva rupi nnaanaravaivee tiravai. ¹⁵ Naa nnammutua ataruva yapaivatama Evaannata vuutana ataama kiaunoo. Evaanna nnaakaraiya yuku yauvuunu yapaivoo gutinai fai iya iikieetaiva yuku nnaadiri ramusisi kiaravaive tiravai. ¹⁶ Itaakua kia tunoo, suai aa nnaakara mmataanna suaivaki fai pinaama mmamma nnitareeraiva tasipama mmataanaravai. Fai itaama mmatee nnaata mmanna mmanna homo aii vatiivara mmuduuya ruanaravaivee.Fai vaidiivono ii variraiva kieetavai varinaravaivee tiravai. ¹⁷ Ataama Anutuuqo tunoo, ee gioonnaiva kuaiva rikee aa yatari iiraiva nnaannai vaara pina mmuararaivo mmata avau vaivoo ataama vainoo, fai aa varaanara vaivee tiravai. ¹⁸ Fai oovi annaannai yauvootama yaaguea annaannai yauvo i mmoori yauvaki urinai fai aa yagueeama mmooriva varakiee yennaiva fai aa varana vaivee tiravai. ¹⁹ Ii kauusa raakinai yeennaiva fai nnaakiee, fai vara hanigiee mmataivaki kuanaravai. ²⁰ Vaidiivo gioonnaiva nnutuuva Evaa oqo tiiva oyaivoo ataakua tinoo, mmuakia gioonna kiaapuyakaanovee tiivai. ²¹ Udanga Anutuuqo puara sipisipaiva ruputu kioo nnabai vaadiri taarama uyira rairaiva iima kioo iya mmammai yauvuunu uyiravai. ²² Udaanga Anutuuqo tinoo, aanna make vaidiivo tiirosi vai varino, fai ivoo yoketai vaatama maisai vaatama taanara vaivee.Itaama vaiinoto fai ivoo kava ngioo tupatupa varivooreno. ²³ Itaama vaikioo Udaanga Anutuuqo inna titaa kioodu rikioo mmooriva mmaanai viravai. ²⁴ Anutuuqo vaidiiva vita hanikiaiva mmaanai yapa kieeravai. Kioo Angieerai vaa kioduu rikioo Iteena mmoorivara suai nnirai pinnainni gioovairavai. Angieraivo aataruuvaki gioovainno paipa aavaikaraiva sainai sainai too varuuva utukioo gioo vairavai.