¹ Ii mminna i yauva nnagia Udanga Anutuuqo ruvaatakina Abarahaamata kua tio tuno: "Sa aatu kiane na itasipaama variauno, fai a pina yooka yooketaiva vaaranaravai. ² Abarahaamo inna kua sai tuno: "Ni Udaanga Anutuuqo fai aani mminna vai nimiinaranne na uudiya suai hamaa ni nnaakaiaataikiai kaati variauvai, Damasakusa vaidii Eriesavanoo fai ni nnauva ³ varanaaravainne?" Hama nnaakara voovai ni miannnanoo fai ni mmoori vareeraivoono ni nnauva varaanaravai!" ⁴ Anutuuqo Abarahaama tuno, tirooma vaariane fai ii vaidii ivo hama i hauva varanaaravai, ai nnaakara tuanaivoono vaaranaravai. ⁵ Anutuuqo Abarahaaam viito mmaanai kiio inna tuno;" Ngiau aapuuvaki reeeritee akiapuai yauva yaaruane fai i nnaakara sidiinnaidiiya aakiapua iyauva rooosikiaravai." ⁶ Ivo Anutuuqaava kutaavaive tiivara Anutuuqo innaraa tuno safuuma variravove tiraavai. ⁷ Ivo inna tuno:" Na Udanga Anutuuqovee, neeno yoosinna Saadienasa vaidii Uurannasidiri i vitakiee a mmata aava i mmiauvai." ⁸ Ivo innaata kua tuo tuno," Udanga Anutuuqo fai dee aataruvai vainoo a mmata avoo niinivai vai narannee?" ⁹ Anutuuqo inna tuno: " Sipasiipa nnaakara taaravooma nuanu vaariayau vatama meme nnaata taaravooma nuanu vaarioyauvaatama doki taravoo nuanu vaariayauvaatama taaravooma nuanu vaa yia ngiamma miruunna taaravaitaanaatama vaare niisii ngiane. ¹⁰ Abarahamo iyauva vaaro numa kio haama ngiammai vaitaana hatokaivai. Sipisipai yauvaatama dokiiyau vaatama memeeyauvaa nnasu tammai yauvuunu hatokaivai. ¹¹ Ngiammaiyauva hatokaara vaaradaa ngiavo iyauva Abaraham vaarainna pikiaiivai. ¹² Suaivao heennaud Abarahaamo vuruu vaikio pinna heneruvo inna rummua apiravai. ¹³ Anutuuqo Abarahaama tunoo;" Ai nnaakaraiyata ai seenaiyaratama tuinnama teerikiane. Fai iya arivopinna gioonna kiaapuuya roosima raivoopinnaya mmaataivau vayaaravai. Iya fai haama irisai yooka vaareera mmooriiyauva kaayau 400 nuanu vaararaavai. ¹⁴ Abarahaama seenaiyaiva vaaya yoosinnaiva vaariraiva tee iya tasiipama mmoorii iinai nnaagia fai kauyau mminnaiyauvo iyasii suvuainaaravai. ¹⁵ Ausa nufaa taasipama ai koonnasi vie fai uudiiyaa suai mmaata aavau vayee putinai i hakuaraavai. ¹⁶ Amoritesaiya rapiiraivo haama taikaikiai ivaara gioonnakiapu taarama ( 4 ) atauvaki variaiya kavaa vararaanada ngiaravai. ¹⁷ Suaivo haatapaikioo heenaivo nnikioo, Aparahaamo taikio ikiaiva kioosuvo nnikioo hauruuvo teeravai. ¹⁸ Ii suai ivakai Anutuuqo Aparahaama Tasiipama kuaiva kiaa yeena rauu kioo tunoo, "Isipaiya nnoori kiisaivo pina nnoori vauura kuaivaatama yoosinna Yuferetiisaiva inna nnaakara mmata harannaiya mmiravai. ¹⁹ Kenaa vaatama, Kenevaatama, Kenisaavatama, Kadaamonavatama, ²⁰ Peresaavatama, Peresavaatama, Refavaata, ²¹ Amoono vaatama, Kenaano vaatama, Girgasaiita yaatama, Yebuusaita.