¹ Udaangaivoono, Aabaraama tunoo, aii mmataivatamo aii seenaiyaatama aii kaano kooya pikiee, naa i vitaa kiau mmataivau kuanee. ² Fai naa i iinai i sidinnai diiya kaayauma mmuaakia mmatai yauvunu vidaa mmataa harakioo i nnatuuvoo pinnavai vaino nii yoketairaivoo i rummua apinaravai. ³ Deeya iiyaraa yooketakiaiyara fai naa yoketainna, deeya hamma aiyaraa tuqiinnaiya fainaa iyaraa nnanna taanaravai. Aiyarootioo fai niyoketai raivoo aikinaadiri mmuakiaa mmatavau ii sidinnaidiiyaki kuanaravai. ⁴ Itaama vauduu Aparaamo Udaangaivaa kuaiva vatoo. ⁵ Vuduu, Rooto innaa vataroo viravai. Aparaamo 25 nuanu variravoonoo ari yoosinnaa Haraana pikioo viravai. Aparaamo arii nnaataiva Sarainnataa vitoo, arii hoonaiyauvaa varoo, mmuakia gioonnna kiaapu Haraana varuuyata vitoo Kenaana mmata karaasaivakira viravai. ⁶ Aparaamo vioo yaataroo ngieerama Sekeema Yatari ookaiva nnatuuvoo Moreaa variravai. Ii suai i vaki vaa Kennanaiya ngiari ii mmata ivau variravai. ⁷ Varuuduu Udaangaivoo aparaama avuuvau dioovainnoo tinoo. Aa mmata aava fai naa eeyaara ii sidinnaidiiyaa mminaravaivee. Tuduu Aparaamo nnikiarainno Udaangaivoo dioovai mmataivau katii Anutuuqara puaraa hudeera tapiivaa hanuu hareeravai. ⁸ Ivaudiri ditoo mmanna mmanna taapivaura viravai. Yoosinnai vaitana nnutuu vaaitano Beteeera saai kua vaikioo Aivaa suai kuaini vaivai. Ivaitana vuutaivaki Aparaamo Udanga Anutuuqaara hanu haraivai. ⁹ Aparaamo kava ivaki pikioo vioo vioo Negavi kuaiivai. ¹⁰ Ii suai ivaki pina yeennarairai voo mmuakia mmata vau vaikioo, Aparaamo Isiipa oro variravai. ¹¹ Aparaamo Isiipa yoosinna aakiai vaki kuanara ari nnataiva Saraanna tinoo aavakinnaaya fai iteeda kiiara yama gioonna vaaive kiaaravai. ¹² Fai Iyiipaaya iteekioo aayama gioonna kua iinai kiaara inna nnaatavaivee kiakiada fai ni ruputuaaravai. ¹³ Itaama vaiinai kiane, na inna mmannaata vaaive tinai fai hamaa ni ruputuara vai. ¹⁴ Aparaamo Iyiipa kuaikiai Saraana taavo yoketa gioonna vai. ¹⁵ Feroonna mmoori vareera kieetaiya Saraanna taavo yama gioonna vai iikiai vitaada Feroonna nnauki ngiavai. ¹⁶ Saraanna kioo Feroova kaayau vasingiai yauuva Aparaama mmioo mmoori vareera gioonna kiaapuuyata mmiivai. ¹⁷ Udaanga Anutuuqo pina mmuaraiva iikio Faroonnaya vaivai. ¹⁸ Faroova kuaiva iikioo Aparaamo nnasi kuaikioo, tinoo aani vaara ni unnakua kiannavai. ¹⁹ Aanira ani kiannano ni mmannaatavai. ²⁰ Itaama vaikioo Faroova ari mmoori vareera vaiidiya tikiai Aparaama titaavo ari nniida, ari nnaataivoo, ari mmoori vareerai yaata vitoo kuaivai.