¹ Itaama vaudu mmuakia mmatavau mmua kuavai vauudu mmuakia gionna kiaapuya ii mmua kua iva tiravai. ² Iya suai rariroo pinnai viravai, iya vidada yoosinna Sinai iva honuuruvaki oro variravai. ³ Iya yoosinna ivaki varida kuayeena raukiada iya ataakua tuno, nnikiai ta sikau yoketa vooyauvai habatiaarave tirava. Itaakua kiaakiada iya mmata voovai sikau vaata nnoori korootaivata vareera mmataiva teerairavai. ⁴ Iya ataakua tuno, nnikiai ta yoosinna pina voovai iimakiada nnau hokoba voovai reemmi heekakio ngiauaapu kuanaravai. Itaama vaainai fai ta nnutu nnoonnaiva varaaravai. Hama ta ivaa iinda fai mmuakia mmata aavau vida raubiri kiaaravai. ⁵ Itaama vaudu Agini Anutuuqo tuno Ataama uru nnaakaraiya nnau hokobai vaatama teeravai. ⁶ Nnoonnaivo tuno, taate, aa gioonna kiaapu aaya mmua oyaiya varida mmua kuavai tida varida aa mmoori aava iikiano. Hama hokoba suai fai iyaata utidaa dee mminnavai iikiaare kia kiada fai ngiari iikiaravaive tiravai. ⁷ Itaama vainai nnikiai ta oto iya kuaiva rummua raubiri kiaarave tiravai. Taa itaama iikiai hama fai ngiari kua ngiari kuaiyauva rikiaravaive tiravai. ⁸ Itaama uudu nnoonnaivo iya rummua raubirma kioodu mmuakia mmata aavau vida kua rummua rauubirima kieeravai. Itaama i yoosinna iva nnutuuva tunoo Babeerave tiravai. ⁹ Itaama vauuvara nnoonnaivo iya kuaiva rummua raubirima kioodu mmuakia mmataavau vida raubiriiravai. ¹⁰ Inna iya Seema uru nnaakaraiyave. Seemo 100 nuanu taika kioodu Apaksaata mmateeravai. Taara nuanu taika kioodu nnoorivo mmuakia mmatavau rapodaama taaika kieeravai. ¹¹ Seemo Apaksaata mmata kioo 500 nuanu variravai. Nnaagiai ari raaunna mmaapu sai yaa mmateeravai. ¹² Apaksaato 35 nuanu taiika kioodu Seraanna mmateeravai. ¹³ Apaksaato Seraanna mmata kioo 403 nuanu variravai.Yapoo nnaagiai ari rauunna mmaapu sai yauvaatama mmateeravai. ¹⁴ Saraava 30 nuanu taiika kioodu Ebaara mmateeravai. ¹⁵ Saraava Ebaana mmata kioo 403 nuanu taiikakioo yapooma nnaagiai ari raunna mmaapu sai yauvaatama mmateeravai. ¹⁶ Suai Ebaano 34 nuanu taiika kioodu Pereeka mmateeravai. ¹⁷ Ebaava 430 nuanu taiika kioodu Pereeka mmata kioo nnaagiai ari rauunna mmaapu sai yauvaatama mmateeravai. ¹⁸ Pereeko 30 nuanu taiika kioodu Reuunna mmateeravai. ¹⁹ Pereeko 209 nuanu taiika kioodu Reuunna mmata kioo nnaagiai ari raunna mmaapu sai yauva mmateeravai. ²⁰ Reuuva 32 nuanu taiika kioodu Seruuka mmateeravai. ²¹ Reuuva 207 nuanu taiika kioodu Seruuka mmata kioo nnaagiai ari raunna mmaapu saiyauvatama mmateeravai. ²² Seruuko 30 nuanu taiika kioodu Nahoonna mmateeravai. ²³ Seruuko 200 nuanu taiika kioodu Nahoonna mmata kioo nnaagiai ari rauunna mmaapu sai yauva mmateeravai. ²⁴ Nahoova 29 nuanu taiika kioodu Teraanna mmateeravai. ²⁵ Nahoova 119 nuanu taika kioodu Teraanna mmata kioo nnaagiai rauunna mmaapu sai yauva mmateeravai. ²⁶ Teraava 70 nuanu taiika kioodu Aparahaamata, Nahoonnata, Haraana tama mmateeravai. ²⁷ Inna aanna Teraanna needi tunnaiyavee. Teraavano Aparahaamo, Nahuuva, Haraanainna mmateeravai. Mmata kioodu Haraanoono Roota mmateeravai. ²⁸ Haraano ari napoonna Teraanna avuuvauari kaana inna mmato yoosinnaiva nutuuvo Uura Karadia ivaki putiravai. ²⁹ Aparahaamaya Nahooya nnaata vareeravai. Aparahaama nnaataiva nnutuuvo Saraivavee, Nahooma nnaataiva nnutuvo Mirikaava, Haraana rauunnavai. Haraano inna Mirikaaya Isikaaya gioovave. ³⁰ Aparahaamo Saraiinna nnata varakioo hama nnaakara mmateeravai. ³¹ Teraava ari mmaapuuva Aparahaamata, Haraana mmaapuuva ari nneedi Roota tama ari mmaapuva Aparahaama nnaaatai vaatama vitada viravai. Iya yoosinnaUura Karadia ivakidiri pikiada Kenaanara viravai. Vidadaa oro yoosinna Haraana ivaki variravai. ³² Teraava yoosinna Haraana ivaki 205 nuanu vario ivaki putiravai.