8 ¹ Tok bilong God Yawe i gat bikpela strong kam long mi na i tok, ² "God Yawe i gat bikpela strong i tok olsem, mi gat stronpela tingting long Saion wantaim bikpela amamas na mi bai tingting long em wantaim bikpela belhat. ³ God Yawe i gat olgeta strong i tok olsem, Mi bai go bek long Saion na bai stap insait namel long Jerusalem, Bilong women ol bai i kolim Jerusalem olsem Biktaun bilong toktru na maunten bilong God Yawe, i gat olgeta strong bai ol i kolim olsem Holi Maunten. ⁴ God Yawe i gat bikpela strong i tok olsem, Lapun man na ol lapun meri bai wanpela taim gen stap insait ol rot bilong Jerusalem,na olgeta manmeri bai holim stik long han bilong ol long wanem em i kamap lapun pinis. ⁵ Ol pikinini bai i pulap na pilaipilai insait long rot bilong biktaun. ⁶ God Yawe i gat bikpela strong i tok olsem, taim sampela samting i hat long ai bilong Ol dispela liklik hap manmeri bilong dispela taim, orait em bai i no inap hat tumas long ai bilong mi?, dispela em tok Klia bilong God Yawe. ⁷ God Yawe i tok olsem, Lukim, Mi laik kisim bek ol manmeri bilong mi long graun bilong san kamap na long graun bilong sun i go daun. ⁸ Bilong wanem mi bai kisim ol i kam bek gen na ol bai i stap insait namel long Jerusalem, na ol bai kamap ol manmeri bilong mi na Mi bai i kamap God bilong ol insait long stretpela na trupela pasin. ⁹ God Yawe i gat olgeta strong i tok olsem, yupela husait nau i wok long harim ol wankain tok i kam long maus bilong profet taim ol i stat long wokim haus bilong, dispela haus bilong mi, God Yawe i gat olgeta strong bai i strongim yu long wokim haus lotu. ¹⁰ Bilong wanem pastaim ol manmeri i no bin bugim ol kaikai, olsem na ol i no bin i gat hap kaikai bilong man wantaim ol wel abus na i no bin i gat bel isi wantaim ol birua husait i go o i kam. Mi kamapim wanwan manmeri bai i kamap wantaim ol lain i stap klostu ¹¹ Tasol nau bai i no inap stap olsem pastaim ol stap, Mi bai stap wantaim ol dispela liklik hap manmeri, dispela em stronpela tok bilong God Yawe i gat olgeta strong. ¹² Em bai i planim pasin bilong bel isi na wain bai i karim prut bilong en na graun bai i givim kaikai em i kamapim, liklik ren bai i pundaun long skai, Mi yet bai mekim ol liklik lain manmeri i kisim ol dispela samting. ¹³ Yupela i stap olsem piksa i go long ol narapela kantri i stap insait long bikpela bagarap, ol lain bilong Juda na lain bilong Israel. Mi bai kisim bek yupela na yupela bai i gat olsem blesin. Yupela i noken pret, Larim han bilong yupela i ken stap strong. ¹⁴ God Yawe i gat olgeta strong i tok olsem, Olsem tasol Mi i gat bikpela tingting long bararapim yupela taim ol lain tubuna bilong yupela i mekim mi belat, God Yawe i gat olgeta strong i tok na i no hariap long mekim wanpela samting, ¹⁵ na tu bai mi gat plen long ol dispela de long mekim gut gen long Jerusalem na ol lain bilong Juda Yu noken pret, ¹⁶ Dispela em ol samting olsem yu mas mekim, wanwan man meri wantaim ol lain i stap klostu long yu i mas tok tru tasol. Skel wantaim trupela tingting, na tok tru na kamapim bel isi long haus dua bilong yu. ¹⁷ Yu noken i gat tingting nogut long bagarapim narapela manmeri i stap klostu long yu na noken lakim giaman tok promis bilong wanem em ol dispela samting mi no save lakim, dispela em God Yawe i tok aut." ¹⁸ Nau tok bilong God Yawe i gat olgeta strong i kam long mi na i tok, ¹⁹ "God Yawe i gat olgeta strong i tok olsem, Yupela i bin lusim kaikai long 4 mun, 5 mun, 7 mun na namba 10 mun bai i kamap taim bilong sing sing na amamas, long ol lain bilong Juda, Olsem na lakim tok tru na stretpela pasin. ²⁰ God Yawe i gat olgeta strong i tok olsem, ol manmeri bai i kam bek gen, na tu ol manmeri husait i stap long ol kainkain biktaun. ²¹ Ol lain bilong wanpela biktua bai i go long narapela biktaun na i tok, "Kam yumi i go hariap long askim samting long God Yawe na painim God Yawe i gat olgeta strong, Yumi yet tu bai i go." ²² Planti manmeri na ol stronpela bai ol i kam long painim God Yawe i gat olgeta strong insait long Jerusalem na ol bai i askim God Yawe long marimari long ol. ²³ God Yawe i gat olgeta strong i tok olsem, insait long ol dispela dei, 10 pela man bilong wanwan tokples na kantri bai holim hap klos bilong yu na tok, " Larim mipela i go wantaim yu, bilong wanem mipela i harim olsem God i stap wantaim yu."