7 ¹ Taim King Darius i stap king long 4-pela krismas long namba 4-dei bilong Kislev em long 9-mun, tok bilong God Yawe i kam long Sekaraia. ² Ol manmeri bilong Betel i salim Saresa na Regem Melek na ol man long brukim skru long ai bilong God Yawe. ³ Ol i toktok wantaim ol pris husait i stap long haus bilong God Yawe bilong ol manmeri na long ol profet, ol i tok, "Inap mipela sori na krai long namba 5-mun long pasin bilong lusim kaikai olsem mi mekim pinis long planti krismas i go pinis? ⁴ long dispela rot tok bilong God Yawe bilong olgeta manmeri i kam long mi na i tok, ⁵ "Tokim olgeta manmeri bilong dispela graun na long ol pris na tokim ol olsem, 'Taim yupela i lusim kaikai na krai sori long namba 5-mun na long namba 7-mun inap long 70 krismas olgeta yupela tru tru lusim kaikai long mi? ⁶ Taim yupela bin kaikai na dring, yupela i no bin kaikai na dring bilong tingim yupela yet? ⁷ Ating dispela i no wankain tok em God Yawe tokaut long maus bilong ol profet i stap pastaim, taim yupela stap yet na lukautim Jerusalem na ol biktaun i stap klostu long kamap gut na ol i stap long ples wesan long Negev na ol ples maunten i go olsem long hap san i go daun?" ⁸ Tok bilong God Yawe i kam long Sekaraia, i tok, ⁹ "God Yawe bilong olgeta manmeri i tok olsem, 'Skelim ol long trupela na stretpela pasin, inapim kontrak long stap stret na marimari. Larim wanwan man i mas mekim olsem long brata bilong en. ¹⁰ Toktok bilong ol meri man bilong ol i dai pinis na long ol pikinini papamama bilong ol i dai pinis, ol man bilong narapela ples, ol rabisman, noken mekim ol i pilim pen na pasim tok long bagarapim narapela long bel bilong yupela. ¹¹ Tasol ol i les na i no harim tok na bringim ol pasin nogut antap long ol yet. Ol i pasim ia bilong ol inap ol i no ken harim. ¹² Ol i mekim bel bilong ol i strong tru olsem ston long mekim ol i no ken harim lo o tok bilong God Yawe bilong olgeta manmeri. Em i salim dispela tok i go long ol manmeri wantaim Spirit bilong em long pastaim long maus bilong ol profet. Tasol ol manmeri i les long harim, olsem na God Yawe bilong ol manmeri i belhat long ol. ¹³ Em i kamap long taim em i singaut, ol i no laik harim. Long wankain rot," God Yawe bilong olgeta manmeri i tok, "Ol bai singaut i kam long Mi, tasol Mi i no inap long harim. ¹⁴ Bai Mi rausim ol i go nambaut olsem strongpela win i go long olgeta hap kantri long ol bai i no inap lukim, na ol dispela graun bai bagarap na bihainim pasin bilong ol. Na nogat man bai i go olsem long dispela graun, o i go bek bilong wanem ol manmeri i mekim dispela gutpela graun bilong ol i kamap olsem graun bilong bungim pipia.