10 ¹ Askim God Yawe long rain long gutpela taim, God Yawe husait i save mekim laitning na kilaut long pairap na em i save givim rain wara i kam daun long olgeta manmeri na olgeta samting grow long gaun. ² Long haus bilong ol giaman god ol i save mekim giaman tok tasol. ol lain i gat save long toktok wantaim spirit nogut ol i giaman, Ol toktok long ol giaman driman na giaman long mekim gut na ol go nambaut olsem sipsip na kisim bagarap bilong wanem i no gat wasman. ³ Belhat i kukim tru bel bilong mi long ol wasman bilong sipsip, ol leader olsem man memek bai mi panisim ol. God Yawe bilong olgeta samting bai kam long ol sipsip bilong em, long haus bilong Juda na mekim olsem hos bilong pait insait long ples pait. ⁴ Long Juda bai wanpela kona ston i kam na antap long em bai i gat wanpela sel haus na stik i sut i kam aut long graun na long dispela man samting bilong pait bai kam na long dispela man ol bikman bai i kam bung. ⁵ Ol bai i olsem ol man bilong pait husait i save kilim ol birua na wakabaut antap long ol long graun malo malo long ples bilong pait. Ol bai mekim pait bilong wanem God Yawe i stap wantaim ol na mekim sem stret long husait ron antap long hos bilong pait. ⁶ Bai mi givim stron long haus bilong Juda na sevim haus bilong Josep, bilong wanem bai mi kisim ol i kam bek na marimari long ol. Ol bai stap olsem mi i no bin rausim ol long en, bilong wanem mi God Yawe na bai mi harim tok bilong ol. ⁷ Na bihain Epraim bai kamap olsem wanpela man bilong pait ol bai amamas tru olsem ol i drin wain na ol pikinini bilong ol bai lukim na amamas. Bel bilong ol bai amamas long me. ⁸ Bai mi singaut long ol na bungim ol, bai mi kisim ol i kam bek na ol bai kamap olsem bikpela olsem bifo ol bin i stap long en. ⁹ Bai mi rausim ol namel long olgeta manmeri, tasol ol bai tingim mi long ples i longwe tru na ol pikinini bilong ol bai stap na kam bek. ¹⁰ Bai mi kisim ol i kam bek long graun bilong ol Isip na bai bungim ol long Asia. Bai mi kisim ol i go long graun bilong ol Giled na Lebanon, inap ol i nogat moa rum bilong ol. ¹¹ Bai mi wakabaut i go long solwara i save strong na baragap long ol, bai mi stopim solwara i brukim i kam na bai draim olgeta bikpela wara Nail. Bikman bilong Asiria bai i kam daun na strong bilong isip bai lusim ol Isip. ¹² Bai mi givim strong insait long mi yet na ol bai wokabaut long nem bilong mi. God Yawe i tok.