8 ¹ Sapos yu olsem brata bilong mi na dringim susu bilong mama bilong mi. Inap mi bungim yu autsait na kis long yu na nogat man bai lukdaun long mi. ² Bai mi i go pas na kisim yu i go insait long haus bilong mama bilong mi, husait i bin skulim mi. Mi bai givim yu wain ol i tanim wantaim gupela paura long dring na sampela wara bilong prut pomagranet. ³ Han kais bilong em i stap aninit long het bilong mi na han sut i holim pasim mi. ⁴ Mi laik yu tok promis, ol pikinini meri bilong Jerusalem, noken mekim mitupela kirap nogut inap mitupela pinisim laik. ⁵ Husait dispela man i kam long ples nating na i stap pas klostu long meri em i laikim tumas? ⁶ Putim mi olsem mak long bel bilong yu na long han bilong yu, long wanem, laikim bilong mi i wankain olsem dai na tingting nogut bilong mi i wankain olsem matmat, lait bilong paia i save kam aut, i olsem paia i hat na i winim ol arapela paia. ⁷ Wara i pulap i no inap kilim i dai hangre bilong laikim o tait wara i no inap rausim i go. Sapos man i givim olgeta kago em gat long haus na laikim meri, orait ol dispela kago bai i kamap samting nating. ⁸ Mipela i gat liklik susa, susu bilong em i no kamap bikpela yet. Bai mipela mekim wanem long dei, taim promis mipela i mekim long susa bai marit? ⁹ Sapos em i olsem wanpela banis, mipela inap wokim taua long silva antap long em. Sapos em i olsem dua, mipela inap bilasim em wantaim plang bilong diwai sida. ¹⁰ Mi bin i stap olsem banis, tasol nau susu bilong mi i stap olsem ol strongpela taua. Mi lukim olsem em i gat bikpela laik long mi. ¹¹ Solomon i gat wain gaden long ples Bal Hamon. Em givim wain gaden i go long ol lain inap lukautim. wanwan bilong ol mas kisim 1000 sekel silva moni long wanwan prut. ¹² Wain gaden bilong mi yet i stap long ai bilong mi na 1000 sekel, em i bilong yu Solomon na 200 sekel em bilong ol lain i lukautim prut. ¹³ Yupela ol lain husait i stap long gaden, ol lain mipela i save i stap wantaim i laik harim yupela i toktok, olsem na larim mi harim. ¹⁴ Hariap, laikim bilong mi, yu kamap olsem dia i gat longpela kom o olsem yangpela dia long maunten bilong switpela samting bilong kaikai.