10 ¹ Ol brata, bel bilong mi na beten bilong mi i go long God em bilong ol, bai God i kisim bek ol. ² Long wanem, mi i tokaut long pasin bilong ol, olsem ol i gat strongpela laik long God, tasol i no long pasin bilong save. ³ Long wanem, ol i no save long stretpela pasin bilong God, tasol ol i laik kamapim stretpela pasin bilong ol yet. Ol i no daunim ol yet long stretpela pasin bilong God. ⁴ Long wanem, Krais em inapim olgeta lo bilong stretpela pasin bilong olgeta man i bilip. ⁵ Moses i rait na tokaut long stretpela pasin i kam long lo. "Man i bihainim stretpela pasin bilong lo, em bai i stap laip long dispela stretpela pasin." ⁶ Tasol stretpela pasin i kamap long pasin bilong bilip i tok olsem, " Noken tok insait long bel bilong yupela olsem, 'Husait bai igo antap long heven?' ( dispela em bilong kisim Krais i kam daun), ⁷ na noken tok olsem, 'Husait bai go daun long ples bilong man i dai?" ( em bilong kisim Krais i kam antap long ples bilong man i dai ). ⁸ Tasol dispela i tok wanem? "Tok i stap klostu long yu, insait long maus na insait long bel bilong yu." Em dispela tok bilong bilip mipela i tokaut long em. ⁹ Long wanem, sapos long maus yu tokaut olsem, Jisas em i Bikpela na bilip long bel bilong yu olsem, God i kirapim em long dai, orait God bai kisim bek yu. ¹⁰ Wantaim bel, man i bilip long stretpela pasin na wantaim maus bilong em, man i tokaut long God i kisim em bek. ¹¹ Tok bilong God i tok, "Ol man i bilip long em, bai ol i no inap long sem''. ¹² Long wanem Juda na Grik i wankain tasol. Bikpela em i wanpela na i Bikpela bilong olgeta na em i save mekim gut tru long olgeta man i singaut long em. ¹³ Olsem na olgeta man i singaut long nem bilong Bikpela, em bai kisim bek ol. ¹⁴ Sapos ol i no bilip long em, bai ol i singaut olsem wanem? Sapos ol i no bin harim, bai ol i bilip long em olsem wanem? Sapos man i no autim bai ol i harim olsem wanem? ¹⁵ Bai ol i autim tok olsem wanem, sapos ol i no salim ol i go? Olsem rait i stap long buk, ''Ol man i kam bilong autim gutnius bilong amamas lek bilong ol i naispela tru." ¹⁶ Tasol ol i no harim gutnius. Olsem Aisaia i tok, " Bikpela, husait i bilip long tok bilong mipela?" ¹⁷ Olsem na bilip i kamap taim man i harim, na harim tok bilong Kraist. ¹⁸ Tasol mi tok,'' Ol i no bin harim?'' Yes, em i tru . "Nek bilong ol i go long olgeta ples na tok bilong ol i go long olgeta hap bilong graun." ¹⁹ Mi tok moa olsem, "Ating Israil i no save?" Pastaim Moses i tok olsem, " Bai mi mekim yu i bel nogut long liklik lain i nogat nem na bai mi mekim yu i bel hat long ol lain i nogat save.'' ²⁰ Aisaia i bin tok strong olsem, "Ol lain ino bin painim mi i kam painim mi. Mi kamap ples klia long ol lain husait i no bin askim mi.'' ²¹ Tasol long Israil em i tok, " Long olgeta dei mi wok long putim han bilong mi i go long ol lain bilong sakim tok na strongpela bel."