78
1
Harim mi skulim yupela, ol manmeri bilong mi, putim yau na harim ol tok kam aut long maus bilong mi.
2
Bai mi opim maus bilong mi na tokaut insait long ol tok bokis, bai mi singsing long ol samting hait bilong bipo.
3
Dispela em ol samting mipela i bin harim na lainim ol long en, ol dispela samting ol tumbuna bilong mipela i bin tokim mipela long en.
4
Mipela bai i no inap haitim long ol tumbuna bilong ol. Bai mipela tokim ol nupela lain tumbuna bilong ol long ol gutpela pasin bilong God Yawe, ol strong bilong em na ol kain kain gutpela samting em i bin mekim.
5
Em i kamapim na strongim ol tok bilong kontrak bilong em insait long Jekop na em i makim na givim wok long wanpela lo bilong em insait long Israel. Em i givim tok strong long ol tumbuna bilong mipela long bai ol i mas lainim ol pikinini bilong ol long dispela lo.
6
Em i givim tok strong olsem bai ol tumbuna husait i kam bihain bai i save long ol tok bilong lo bilong em, ol pikinini husat i no kamap yet na ol tu long taim bilong ol bai tokim ol tumbuna bilong ol.
7
Olsem bai ol putim bilip bilong ol insait long God na bai ol i no inap long lusim ting ting long ol wok bilong em tasol bai ol holim pasim strong ol lo bilong em.
8
Em olsem na bai ol i no ken kamap olsem ol tumbuna bilong ol, husait i bin stap het strong na sakim tok lain, bel bilong ol dispela lain i no bin i stap stret na spirit bilong ol i no bin stap pas tru wantaim God.
9
Ol lain tumbuna bilong Efraim i bin kisim bunara bilong mekim pait wantaim, tasol long dei bilong pait ol i lusim na tanim bek.
10
Ol i no tingim na holim pasim kontrak bilong God wantaim ol na ol i no laik tru long bihainim ol lo bilong em.
11
Ol lus ting ting long ol wok bilong em, ol dispela gutpela gutpela samting em i bin soim ol.
12
Ol i lus ting ting long ol gutpela samting em i bin mekim long ai bilong ol lain tumbuna bilong ol long Isip, long graun bilong ol Zoan.
13
Em i bin brukim solwara i go tupela hap na kisim ol i go kamap long hap sait, em i mekim wara i bruk long tupela hap na i sanap olsem wol bilong haus.
14
Long dei taim em i go pas long ol wantaim klaut na long olgeta nait wantaim lait bilong paia.
15
Em i brukim ston insait long ples nating na em i givim planti wara long ol, ol wara inap long pulamapim mak bilong daun bilong solwara.
16
Em i mekim ol liklik wara i kam aut long ol ston na mekim ol liklik han wara i ron olsem ol bikpela wara.
17
Tasol ol i go het yet long mekim sin na kamapim birua wantaim em, sakim tok bilong Bikpela Antap Tru long ples nating.
18
Ol i traim God long bel bilong ol taim ol i askim em long kaikai long inapim bel sigirap bilong ol long kaikai tasol.
19
Ol i tok pait long God na tok olsem, " Tru tru bai God inap long redim wanpela tebol kaikai bilong mipela insait long ples nating?"
20
Lukim, taim em i paitim ston, wara i sut i kam aut na ol han wara i pulap na ron i go. Tasol bai em inap long givim yumi bret tu? Bai em inap long redim na givim mit long ol manmeri bilong em?
21
God Yawe i belhat taim em i harim dispela, olsem na paia bilong belhat bilong em i stap antap long Jekop na belhat bilong em i kirapim pait long Israel,
22
bilong wanem ol i no bilip long God na ol ino putim bel ting ting bilong ol long ol helpim bilong em.
23
Ol skai antap i harim tok bilong God Yawe na em i opim dua bilong ol skai.
24
Em i givim mana olsem ren i kam daun long ol bai i kaikai na long heven em i givim ol pikinini kaikai bilong wit.
25
Ol manmeri i kai kai ol bret bilong ol ensel. Kaikai em salim long ol i planti na pulap tru.
26
Em i mekim win bilong san kamap i ron antap long skai, long strong bilong em i givim stia long win i kirap long Saut.
27
Em i salim mit i kam daun long ol olsem ren, planti pisin olsem ol wesan bilong solwara.
28
Ol pundaun long namel bilong haus sel bilong ol, pundaun raunim ol haus sel bilong ol.
29
Olsem na ol kaikai na pulap. Em i givim ol wanem bel sigirap bilong kaikai i mekim na ol askim long en.
30
Tasol ol i no inap long pulap yet, kaikai bilong ol i stap yet long maus bilong ol.
31
Long dispela belhat bilong God Yawe i birua long ol na kilim ol strongpela man bilong ol. Em i daunim i go daun ol yangpela man bilong Israel.
32
Maski wanem i kamap long ol, ol i go het yet long wokim sin na ol i no bilipim ol gutpela gutpela pasin em i bin mekim.
33
Long dispela as tasol God Yawe i sotim ol dei bilong laip bilong ol, ol yia bilong ol i pulap wantaim bikpela poret.
34
Long ol taim God Yawe i givim pen sua long ol, ol bai i traim long painim em, bai ol tanim i kam long em na bai ol traim hat tru long painim em.
35
Bai ol i kisim ting ting gen olsem God Yawe em i ston bilong ol na dispela God Antap Tru i save helpim ol.
36
Tasol maus bilong ol i pulamapim em wantaim tok win tasol na ol i giaman long em wantaim ol tok ol i mekim.
37
Bilong wanem bel bilong ol i no pas strong long em na ol i no i stap tru lo ol kontrak bilong em.
38
Tasol, em i bin marimari na lusim sin bilong bel hait bilong ol na i no bagarapim ol. Yes, planti taim em holim bek belhat bilong em na i no kirapim birua bilong em long ol.
39
Em i skelim gen tingting bilong em na luksave olsem ol i kamap long bodi tasol, wanpela win em i save kam i go tasol na i no inap long kam bek.
40
Hamas pela taim ol i bin sakim tok na bikhet long em insait long ples nating na ol i mekim bel bilong em i pen tru long hap ples i no gat samting long en.
41
Gen na gen ol traim God Yawe na bagarapim bel bilong dispela Holi pela man bilong ol lain Israel
42
Ol i no bin tingim pawa bilong em, long olsem wanem em i bin helpim ol long han bilong ol birua,
43
dispela taim em i kamapim ol kain kain samting insait long Isip na ol gutpela samting long ol hap graun bilong Zoan.
44
Em i tanim ol wara bilong Isip i go kamap blut olsem bai ol i no ken dring long han wara bilong ol.
45
Em i salim ol planti na planti moa lang husait i daunim ol na ol rokrok i pulap na karamapim olgeta graun bilong ol.
46
Kaikai bilong gaden bilong ol em i givim ol binatan grashopa long kaikai na kai kai bilong hatwok bilong ol i go long ol bikpela grashopa.
47
Em i bagarapim ol vain gaden bilong ol long ais ren na ol sikamo diwai bilong ol wantaim planti ais ren.
48
Em i salim ais ren antap long ol bulmakau bilong ol na tromoi ol hap paia bilong klaut i pairap antap long olgeta abus ol i save lukautim.
49
Ol hat pela paia bilong belhat bilong em i larim i kam antap long ol. Em i salim hevi, belhat na kain kain trabel olsem ol wokman bilong em long kamapim bagarap.
50
Em i stretim wanpela rot bilong belhat bilong em, em i no pasim ol long dai tasol em i salim ol i go insait long ol kain kain hevi olsem long Isip.
51
Em kilim olgeta nambawan pikinini man insait long Isip, nambawan pikinini husait i strong bilong ol insait long haus sel bilong Hem.
52
Em i go paslain na kisim ol manmeri bilong em i go aut olsem ol sipsip na em i stiaim ol long wokabaut abrusim ples nating olsem wanpela lain sipsip.
53
Ol i wokabaut gut wantaim nogat pret bilong wanem em yet i go paslain long ol, tasol solwara i daunim ol birua bilong ol.
54
Na em i bringim ol i kam kamap long boda mak bilong graun holi bilong em, long dispela maunten holi bilong em we em i bin winim wantaim han sut bilong em.
55
Em i rausim ol narapela manmeri husat i stap pas long ol rot bai ol i go na em i makim na givim graun bilong ol wanwan bai i kamap bilong ol olgeta. Em i sindaunim ol lain Israel long wan wan famili bilong ol yet insait long haus sel bilong ol yet.
56
Tasol ol i traim em na sakim tok bilong God Yawe Antap Olgeta na ol i no holim pasim strongpela ol tok tambu bilong em.
57
Tasol ol i no i stap stret na ol i mekim pasin bilong man i giaman olsem ol papa bilong ol. Ol i olsem bunara we man i no inap putim ting ting long en long mekim wanpela samting.
58
Bilong wanem ol i mekim em belhat wantaim ol ples antap bilong lotu long god giaman bilong ol na ol kirapim em long belhat long ol wantaim god giaman bilong ol.
59
Taim God Yawe i harim dispela, em i belhat na givim beksait olgeta long Israel.
60
Bikpela i lusim na givim beksait olgeta long Sailo ples bilong bung lotu, dispela haus sel we em i bin i stap insait namel long ol manmeri.
61
Em larim strong bilong em bai narapela i kalabusim na givim biknem bilong em i go long han bilong ol birua.
62
Em i givim ol manmeri bilong em i go long bainat na em i belhat long ol dispela lain husat em i bin makim ol bilong em yet.
63
Ol yangpela man bilong ol paia i kaikai, ol yangpela pikinini meri nogat singsing bilong marit.
64
Bainat i daunim ol pris bilong ol na ol meri man bilong ol i dai pinis i no inap long krai.
65
Bikpela em i kirap olsem wanpela ol i kirapim nau tasol long slip, olsem man bilong mekim pait husat i bikmaus bihain long dring wain.
66
Em i raunim ol birua bilong em i go bek na em putim ol long i stap insait long dispela sem i no gat pinis bilong en.
67
Em i givim beksait long haus sel bilong Josep na em i no makim ol lain famili tumbuna bilong Efraim.
68
Em i makim ol lain tumbuna bilong Juda na maunten bilong em Saion em save laikim tru.
69
Em i wokim ples stap bilong em olsem ol heven antap na olsem graun em i bin kamapim bai i stap oltaim oltaim.
70
Em yet i makim David, wokman bilong em, em i bin kisim aut long namel long ol sipsip.
71
Em i kisim em kam aut taim em wok long bihainim na putim was long ol mama sispsip na ol yangpela bebi sipsip, em i kisim em long kamap wasman bilong Jekop, ol manmeri pikinini bilong em na bilong Israel, husat em i makim bilong em yet.
72
Devit i bin wasman bilong ol wantaim stretpela pasin long bel bilong em na em i bin lukautim ol long han bilong em gut tru.