33
1
Amamas long God Yawe, yupela ol stretpela manmeri na givim biknem long em.
2
Preisim God Yawe wantaim musik na singim ol song bilong amamas wantaim gita.
3
Singim ol nupela song i go long em, mekim ol gutpela musik na singim song wantaim amamas.
4
Long wanem tok bilong God Yawe i tru olgeta na olgeta samting em i mekim i stretpela tasol.
5
Em i save laikim ol gutpela na stretpela pasin. Dispela graun i pulap wantaim strongpela tok promis bilong God Yawe.
6
Long tok bilong God Yawe ol skai i kamap na olgeta sta i kamap long tok long maus bilong em.
7
Em i bungim wara long wanpela hap olsem bikpela hip na em i putim solwara long wanpela hap olsem bakstua.
8
Larim ol manmeri bilong olgeta hap graun i mas pret long God Yawe, larim olgeta husait i stap long dispela graun i sanap na soim pasin bilong aninit long em.
9
Em i tok na graun i kamap, em i givim strongpela tok na graun i sanap long ples bilong em.
10
God Yawe i save belhat long ol manmeri i save bung wantaim ol narapela manmeri nogut na em i save lukautim ol hait tingting bilong ol gutpela manmeri.
11
Ol hait tingting bilong God Yawe save i stap oltaim na ol hait tingting i stap long bel bilong en, em bilong olgeta lain manmeri bai i kamap bihain.
12
Amamas, ol manmeri bilong God Bikpela em God Yawe, ol manmeri husait em i makim olsem manmeri bilong em yet.
13
God Yawe i stap long heven na i save lukluk i kam daun na lukim olgeta manmeri.
14
Antap long ples em i stap long en, em i save lukluk i kam daun long olgeta manmeri husait i stap long graun.
15
Em tasol i save stretim bel na tingting bilong ol man na em i save lukim olgeta samting yumi save mekim.
16
Nogat wanpela king i stap gut wantaim soldia bilong em na man bilong pait i no stap gut wantaim strong bilong em yet.
17
Hos em i olsem giaman bilip bilong win, long dispela tingting bilong em olsem em i gat bikpela strong, tasol em i no inap helpim wanpela man.
18
Lukim, ai bilong God Yawe i stap antap long ol lain husait i gat pret long em na ol lain husait i gat bilip long strongpela tok promise bilong em
19
long kisim bek ol long ples bilong dai na lukautim ol long taim bilong bikpela hangre.
20
Mipela wet long God Yawe, em i helpim bilong mipela na hap plang bilong mipela.
21
Bel bilong mipela i amamas long em, long wanem mipela i bilip long holi nem bilong em.
22
Larim strongpela tok promise bilong yu, God Yawe, i ken i stap wantaim mipela taim mipela putim bilip bilong mipela long yu.