3 ¹ Sapos wanpela man i laik givim ofa long lotuim God Yawe wantaim bulmakau, man o meri, em mas givim dispela bulmakau i nogat asua long en. ² Em bai putim han bilong em long het bilong bulmakau na kilim em long dua bilong haus sel bilong bung. Na ol pikinini man bilong het pris Aron bai kapsaitim blut bilong en long sait bilong alta. ³ Man bai kukim dispela bulmakau long paia olsem ofa bilong lotuim God Yawe. Dispela gris i karamapim na istap insait, ⁴ na tupela kidni na gris istap long tupela we ipas wantaim long sem ples, na raunpela mit bilong lewa, em i mas rausim. ⁵ Ol pikinini man bilong Aron bai kukim ol wantaim mit bilong bulmakau long paia. Ofa ol i kukim long paia bai givim switpela smel igo long God Yawe . ⁶ Sapos ofa bilong man long lotuim God Yawe em i sipsip o meme man o meri, em i mas givim ofa inogat asua long en. ⁷ Sapos em i givim sipsip i olsem ofa, em i mas givim i kam long God Yawe. ⁸ Em bai putim han bilong em long het bilong sipsip o meme na kilim ol autsait long haus sel bilong bung. Ol pikinini man bilong Aron bai kapsaitim blut arere long alta. ⁹ Man bai kukim sipsip na meme antap long paia olsem ofa bilong lotuim God Yaweh. Ol gris, gris long tel ol i katim kam aut long baksait bun, gris i karamapim insait na gris arere long insait, ¹⁰ na tupela kidni wantaim gris, na gris istap long sem ples na raunpela mit long lewa ol imas rausim . ¹¹ Nau ol pris bai kukim olgeta antap long alta olsem ofa ol i kukim long paia i go long God Yawe. ¹² Sapos ofa bilong man em i meme, orait em bai givim long God Yawe. ¹³ Em mas putim han bilong em long het bilong meme na kilim autsait long haus sel bilong bung. Na ol pikinini man bilong Aron bai kapsaitim blut arere long alta. ¹⁴ Na dispela man bai givim ofa em i kukim long paia igo long God Yaweh.Em bai rausim ol gris i karamapim insait na ol gris istap arere long insait. ¹⁵ Em bai rausim 2-pela kidni wantaim gris, gris long sem ples na raunpela mit long lewa . ¹⁶ Pris bai kukim olgeta ofa antap long alta olsem ofa ol i kukim long paia long givim switpela smel. Olgeta gris em blong God Yawe. ¹⁷ Em bai kamap strongpela lo bilong ol lain manmeri bilong nau na bihain long olgeta hap ples yupela istap long em, olsem yupela ino ken kaikai gris na blut."