20 ¹ God Yawe i tokim Moses, olsem, ² "Tokim ol manmeri bilong Israel,' na long yupela ol manmeri bilong Israel, o arapela lain husait i kam na stap long Isreal, husait i givim wanpela pikinini bilong ol long Molek, mas kilim em i dai. Ol manmeri i stap long dispela graun i mas tromoi ston na kilim em. ³ Mi bai givim baksait long dispela man na rausim em long lain bilong en, long wanem em i givim pikinini bilong en long Molek, em i olsem, mekim ples holi bilong mi i bagarap na tu bagarapim holi nem bilong mi. ⁴ Sapos ol manmeri bilong dispela ples i pasim ai bilong ol long dispela man long taim em i givim wanpela pikinini i go long Molek, sapos ol i no putim em long dai, ⁵ Orait mi yet bai mi putim ai long en wantaim ol lain manmeri, na bai mi rausim em olgeta na tu ol arapela manmeri husait i mekim pasin pamuk, amamas long ol yet na pilai long halot wantaim Molek. ⁶ Wanpela man i toktok wantaim man i dai pinis, o toktok wantaim spirit bilong mekim pasin pamuk long ol yet, mi bai putim ai i go long dispela man, mi bai rausim ol olgeta long lain manmeri bilong en. ⁷ Olsem na yupela i ken stap longwe long dispela kain pasin nogut na stap holi, long wanem mi yet mi Yawe, God bilong yupela. ⁸ Yu mas holim strong tok bilong mi, na karim wantaim na raun long olgeta hap. Mi God Yawe, mi bin makim yu long stap longwe long pasin nogut na stap holi. ⁹ Manmeri husait i mekim tok bilong bagarapim bel bilong papa o mama, em ol i mas kilim ol i dai. Em i mekim tok bilong bagarapim papa o mama, em i mekim toktok nogut, olsem na em i mas dai long sin bilong en. ¹⁰ Man i mekim pasin pamuk wantaim meri bilong arapela, dispela em ol lain i mekim pasin pamuk wantaim meri bilong wantok, pamuk man na meri, tupela wantaim mas kilim ol i dai. ¹¹ Sapos wanpela man i slip wantaim meri bilong papa bilong en, em i olsem putim ples klia sem bilong papa, olsem na pikinini man, meri bilong papa bilong en mas dai. Blut bilong ol bai pas long ol. ¹² Sapos man i slip wantaim pikinini gel em i tambu bilong en, em i mas dai. Em i mekim pasin i no stret. Olsem na bai tupela dai long pasin nogut bilong tupela. ¹³ Sapos wanpela man i slip wantaim narapela man, olsem em i meri bilong en, em i mekim pasin i doti stret. Olsem na kilim tupela dai long pasin nogut. ¹⁴ Sapos man i maritim pikinini gel na bihain em i maritim mama bilong pikininni gel, dispela pasin i no stret. Kilim man na meri, kukim long paia, olsem bai i no gat pasin nogut bai stap namel long yupela. ¹⁵ Sapos man i slip wantaim animal, em yupela i mas kilim dispela man wantaim animal i dai. ¹⁶ Sapos wanpela meri i laik long holim animal long slip wantaim, yu mas kilim dispela meri wantaim animal long pasin nogut bilong bilong meri na bai em i dai. ¹⁷ Sapos wanpela man i slip wantaim sista bilong en, o sista bilong papa o sista bilong mama, na putim ples klia pasin sem, na meri i lukim sem bilong en, dispela em pasin bilong sem. Ol i mas stap longwe long ol lain manmeri bilong ol, long wanem em i slip pinis wantaim sista bilong en. Em i mas karim asua bilong em yet. ¹⁸ Sapos man i slip wantaim meri i lukim sik mun na slip wantaim em, em i putim ples klia blut bilong sik mun i save kam, em as bilong blut. Man na meri wantaim mas rausim ol long lain manmeri bilong en. ¹⁹ Yu noken slip wantaim sista bilong mama, o wantaim sista bilong papa bilong yu, long wanem yu bai bagarapim bel bilong ol famali bilong yu. Yu mas karim asua bilong yu yet. ²⁰ Sapos man i slip wantaim susa bilong papa o mama bilong en, em i bagarapim bel bilong brata bilong en. Bai tupela wantaim karim hevi bilong sin, na bai tupela i no kamapim pikininni yet na dai. ²¹ Sapos man i maritim meri bilong brata bilong en, taim brata bilong en i stap laip yet, dispela em i no stret. Em i mekim pasin i no stret long brata bilong en, na bai mi rausim samting i stap long han bilong ol pikinni, em ol samting we ol i bin kisim long han bilong papamama. ²² Olsem na yu mas holim olgeta gutpela samting na olgeta gutpela save, yu mas bihainim em inap long wanem graun bai mi kisim yu i go stap, olsem bai dispela ples i no inap long trautim yu. ²³ Yu noken wokabaut long pasin tumbuna bilong dispela lain manmeri, dispela lain bai mi rausim ol paslain long yu, long wanem ol i bin mekim dispela pasin, olsem na bai mi rausim ol. ²⁴ Mi bin tokim yu, "yu bai i go insait long graun bilong ol, mi bai givim i go long yu na bai yu kisim, dispela graun we i pulap long milk ma ani. Mi yet mi Yawe God bilong yu, mi bin skelim na makim yu long graun bilong arapela lain. ²⁵ Olsem na yu mas skelim ol klinpela animal na i no klin, na skelim klinpela pisin na i no klin.Yu noken bagarapim yu yet wantaim i no klin long en animal o pisin o wanem samting i gat laip i save krol antap long graun, em mi bin lukim na skelim ol pinis olsem i no klin long yu. ²⁶ Yu mas i stap holi, olsem mi Yawe God mi stap holi, na mi bin skelim na makim yu long arapela lain manmeri, olsem yu i bilong mi. ²⁷ Man na meri i toktok wantaim dai man o toktok wantaim spirit mas kilim ol dai. Manmeri i mas tromoi ston long ol na kilim ol i dai long pasin nogut bilong ol".