14
1
God Yawe i tokim Moses olsem,
2
"Dispela em lo bilong man i kamap orait taim em i gat sua sik long skin bilong em.Em i mas kam long prist.
3
Prist bai i go aut long kemp long sekim na lukim skin sua biling man i gat pinis em stap yet o nogat.
4
Nau prist bai tokim man bai orait long en lo kisim tupela pisin i gat laip yet, wantaim sida diwai, rop igat retpela kala, na isop diwai.
5
Prist bai tokim em long kilim wanpela bilong ol dispela pisin antap long wara istap pinis insait long sospen graun.
6
Prist bai kisim pisin istap laip wantaim sida diwai,na rop igat retpela kala na isop diwai,na em bai putim igo insait long blat bilong pisin ol kilim antap long sospen wara.
7
Nau prist bai putim dispela wara sevenpela taim antap long dispela man bai kamap orait, nau prist bai tokaut olsem em kamap orait. Na prist bai lusim dispela pisin igat laip flai igo.
8
Dispela man bin kamap orait long en em bai wasim kolos bilong em, na bai katim olgeta kras na em bai waswas long wara, long en em bai klin. biain long dispela em mas kam long kemp, tasol em bai stap autsait long haus sel bilong em sevenpela dei.
9
Long namba sevenpela dei em mas katim olgeta het kras, na tu katim olgeta maus kras na ai kras. Em mas katim olgeta hap kras bilong em, na em mas wasim kolos na waswas long wara, na em bai klin.
10
Long namba eit dei em mas kisim tupela gutpela man sipsip inogat bakarap long skin, wanpela meri sipsip bilong lontaim na inogat barap long en,na teti kilo ipa ol i tanim wantaim gutpela plaua ol i tanim wantaim wel olsem grein ofa, na wanpela diwai dis wel.
11
Prist usait i bin mekim em i klin em bai sanapim dispela man usait bai klin long en,wantaim ol dispela samtin, long hap ol i save igo insait na bum long en haus sel bilong God Yawe.
12
Prist bai kisim wanpela man sipsip na mekim ofa olsem ofa bilong man i asua pinis,wantaim dis wel, em bai apim na mekim gokam long God Yawe.
13
Em mas kilim man sipsip long ples we ol i save kilim ol sin ofa na ol ofa bilong kukim long paia, long hap bilong lotu haus sel, ol sin ofa em bilong ol prist, wantaim ol ofa bilong man i mekim nogut, long wanem em i holi olgeta.
14
Prist bai kisim sampela blut bilong man i mekim asua long en ofa na putim antap long han sut iau bilong em husait bai kamap klin , na bikpela han pinga bilong han sut, na bikpela leg pinga bilong han sut.
15
Nau prist bai kisim wel long diwai dis na kapsaitim long han kais han bilong em,
16
na putim han sut pinga igo insait long wel we i stap long han kais han, na tromoi i go i kam liklik 7-pela taim long God Yawe.
17
Pris bai putim ol hap wel long han bilong em antap long hap iau bilong han sut bilong man husait em bai kamap klin, antap long han pinga bilong han sut, na bikpela leg pinga bilong han sut. Em mas putim dispela wel antap long blat bilong man i mekim asua pinis ofa.
18
Taim sampela wel i stap yet long han bilong prist, em bai putim antap long het bilong man usait bai kamap klin, na prist bai mekim bilong rausim sin bilong em long kamap klin pastaim long God Yawe.
19
Long en prist bai ofarim ofa na mekim wok bilong rausim sin bilong man usait bai kamap klin, bikos long pasin nogut bilong em, na bian long dispela em bai kilim abus bilong kukim olgeta long paia.
20
Nau prist bai ofarim ofa bilong paia kukim olgeta na ol liklik pikinini bilong diwai long alta. Prist bai mekim wok bilong rausim sin bilong em, na em em bai kamap klin.
21
Sapos, man em inogat ol dispela samtin long kisim ikam, em iken kisim wanpela man sipsip olsem ofa bilong man i kamapim ron pinis long apin igo ikam, long mekim klin long em yet, na wanpela ten ipha blong plaua ol i tanim gut wantaim wel na pikinini diwai, na dis wel wantaim.
22
wantaim tupela balus pisin o narapela tupela pisin wankain olsem, inap long em bai kisim; wanpela bai sin ofa na narapela bai ofa bilong kukim long paia.
23
Long namba eit dei em mas kisim i kam long prist long klinim em yet, long dua bilong haus sel ol save bung long en long bilong ai bilong God Yawe.
24
Prist bai kisim sipsip long ofarim, na em bai kisim dis ofa bilong oliv wel wantaim, na em bai apim igo antap olsem em i givim igo long God Yawe.
25
Em bai kilim sipsip ofa bilong man i mekim asua pinis, na em bai kisim sampela blat ofa bilong man i mekim ausa pinis na putim antap long han sut iau bilong man usait bai kamap klin, na long han sut bilong bikpela han pinga, na bikpela pinga bilong han sut leg.
26
Long en prist bai kapsaitim sampela wel insait long hankais han bilong em.
27
na em bai tromoi igo ikam long han sut han pinga taim wel stap yet long hankais han sevenpela taim long God Yawe.
28
Nau prist bai putim sampela wel stap yet long han antap long han sut iau bilong man usait bai kamap klin, antap long bikpela han pinga bilong han sut, na bikpela leg pinga bilong han sut leg, long sem ap tasol we em i bin putim blat ofa bilong man i mekim asua pinis.
29
Em bai putim ol ap wel stap long han antap long man usait bai kamap klin, long mekim pasin bilong rausim sin na kamap orait long ai bilong God Yawe.
30
Em i mas ofarim wanpela bilong ol balus pisin oyanpela pisin olsem balus pisin, inap long man bai painim na kisim ikam.
31
wanpela olsem sin ofa na wanpela bilong kukim ofa. Long en prist bai mekim wok bilong rausim sin bilong man usait bai kamap klin long ai bilong God Yawe.
32
Dispela em lo bilong man usait igat skin sua sik long en, we man inogat inap samtin long mekim em yet kamap klin."
33
God Yawe i toktok long Moses na long Aron, na i tok.
34
"Taim yu kam kamap long graun Kenan we mi bin givim yu long kamap papa long ol samtin, na sapoa mi putim binatan bilong bakarap igo ikam long ol haus na ol graun yu bosim,
35
na usait em papa bilong haus em mas kam tokim prist. Em mas tok, mi lukim olsem binatan bilong bakarapim ol samtin insait long haus bilong mi,'
36
Nau prist bai tokim ol long rausim olgeta samtin long haus bifo long em bai go insait long sekim na lukim dispela bakarap bilong binatan, em mas nogat samtin long haus long luk nogut. Bian long dispela prist bai go insait long lukim haus.
37
Em mas sekim na lukim gut dispela bakarap bilong binatan long haus wol, na lukim igat sampela grin o retpela samtin mekim igo daun arere long haus wol.
38
Sapos haus igat bakarap bilong binatan, nau prist bai igo autsait na pasim dua bilong dispela haus sevenpela dei.
39
Nau prist bai kam bek biain long sevenpela dei long sekim na lukim bakarap bilong binatan igo ikam long wol bilong haus.
40
Sapos em istap, nau prist bai tokim ol long rausim ol ston we em i painim ol bakarap bilong binatan stap na tromoi igo autsait long ples pipia bilong siti.
41
Em bai tokim long sekim olgeta wol insait long haus long ol bai sikirapim , na ol imas kisim ol samtin we bakarap i pas long en na sikirapim autsait long siti na tromoi lon hap ol isave tromoi pipia long en.
42
Ol mas kisim ol narapela ston na putim long ples we ol i rausim pinis long en, na ol i mas kisim nupela graun malomalo na pasim antap long haus.
43
Sapos binatan bilong bakarap kam na mekim igo insait long haus we ol ibin rausim ol ston igo na haus wol ol i sikirapim long en ol i mas pasim bek,
44
nau prist mas kam na sekim haus na lukim bakarap bilong binatan stap long haus. Sapos em istap, o.k em binatan bilong bakarapim man, na haus em ino klin.
45
Ol imas brukim haus igo daun. Ol ston. na diwai, na ol samtin ol i pasim long haus long en ol imas karim igo lusim long ples bilong pipia autsait long siti.
46
Antap long en, usait yupela igo insait long haus taim ol i pasim pinis long en em bai kamap doti inap abinun.
47
Usait silip long dispela haus mas wasim kolos bilong em, na usait kaikai long dispela haus mas wasim kolos bilong em.
48
Sapos pris igo insait long haus long sekim na lukim bakarap bilong binatan stap long haus pastaim ol i pasim long en, na, sapos binatan igo pinis, em bai tokaut olsem haus i klin.
49
Nau prist mas kisim tupela pisin bilong mekim haus kamap klin, na sida diwai,retpela rop, na isop diwai lip.
50
Em bai kilim wanpela bilong ol pisin antap long graun sospen igat gutpela wara.
51
Em bai kisim sida diwai, lip diwai isop, retpela rop, na pisin istap laip, na putim ol insait long blat bilong pisin ol i kilim, na putim igo insait long wara, na tromoi igokam long haus sevenpela taim.
52
Em bai klinim haus wantaim blat bilong pisin na nupela wara ,wantaim laip pisin, sida diwai, lip isop na retpela rop.
53
Tasol em bai larim pisin igat laip igo long ples i op long en. Long dispela pasin tasol em bai mekim haus i kamap klin, na haus bai kamap klin.
54
Dispela em lo bilong ol man igat kainkain skin sua long skin, sua olsem sua bilong sikirap,
55
na bilong ol binatan save bakarapim kolos na ol haus.
56
bilong ol buksua,na ol grele sua na bikpela ol raunsua,
57
long luksave olsem dispela ol sua samting em i deti o taim em stap klin long en. Dispela em lo bilong ol man igat pinis kainkain skin sua na binatan bilong bagarap."