13
1
God Yawe i toktok long Moses na Aron na i tok olsem,
2
"Taim wanpela i gat solap ,o skebis o lait mak long skin bilong em, na i go bikpela na kamapim sik long bodi bilong em, orait ol i mas kisim em i go long het pris Aron, o long ol pris em ol pikinini man bilong Aron.
3
Orait pris bai sekim dispela sik long bodi bilong em, sapos gras long sua i kamap wait na sua i go bikpela insait long skin, orait dispela sua i kamap long ol binatang bilong kamapim ol sik. Bihain long pris i sekim dispela man ,em i mas tok aut olsem dispela man i doti.
4
Sapos dispela lait mak long skin bilong em i kamap wait, na ino kamap insait tumas long skin, na sapos gras klostu long sua ino kamap wait, orait, pris i mas rausim dispela man i go ausait long kem na i mas stap em yet long 7-pela days.
5
Long dei namba seven, pris i mas sekim dispela man na sapos em i lukim olsem sik ino go bikpela na karamapim arapela bodi bilong en, orait pris i mas larim em i stap ausait long narapela 7-pela dei mo.
6
Long dei namba seven pris bai i sekim em gen long lukim, sapos sua ino go bikpela na karamapim ol arapela bodi tu. Orait pris bai i tokaut olsem dispela man i klin, skin i sikirap tasol. Dispela man i mas wasim klos bilong en na em bai i kamap klin.
7
Tasol sapos bihain long lukim pris na dispela skin sikirap i go bikpela na karamapim arapela skin tu, orait em i mas go lukim pris gen.
8
Pris bai i sekim em na lukim sapos skin sikirap i kamap bikpela na karamapim ol arapela bodi tu. Sapos i olsem, orait pris bai i tok aut olsem dispela man i doti. Dispela skin sikirap i kamap long ol binatang bilong kamapim ol sik.
9
Sapos binatang i stap long bodi na i kamapim sua long skin bilong wanpela man, orait dispela man i mas i go lukim pris.
10
Pris bai i sekim em long lukim sapos waitpela solap i stap long skinbilong em, o gras i kamap wait, o nupela mit i kamap insait long dispela solap.
11
Sapos dispela ol mak istap, orait em i strongpela sua long bodi i save stap longpela taim, olsem na pris imas tok aut olsem dispela man i doti. Pris bai ino ina rausim em igo ausait long taun na stap em yet long wanem em i doti pinis.
12
Sapos pris i lukim olsem dispela sua igo bikpela tru na i karamapim skin bilong dispela man long het igo daun long lek,
13
orait pris i mas sekim dispela man long lukim sapos sua i karamapim olgeta bodi bilong em. Sapos i olsem, orait pris i mas tokaut long dispela man i gat sik olsem em i klin, sapos olgeta skin bilong em i kamap wait, orait em i kamap
14
klin.Tasol sapos nupela mit i kamap long sua bilong en, em bai i kamap doti.
15
Nupela mit i doti, olsem na pris i mas lukim nupela mit na tokaut olsem dispela man i doti. Dispela sua i kamap long binatanag bilong kamapim sik.
16
Sapos dispela nupela mit i kamap wait gen, orait dispela man i mas igo lukim pris.
17
Pris bai i sekim long lukim sapos dispela nupela mit i kamap wait. Sapos i olsem , orait pris bai i tokaut long dis pela man olsem em i klin.
18
Taim buk i kamap long skin bilong wanpela man na i dry pinis,
19
na long mak bilong dispela buk sapos waitpela solap i kamap o, dispela sua mak i go lait o, wait na ret liklik orait em i mas i go lukim pris.
20
Pris bai i sekim dispela man long lukim sapos sua i kamap insait tru long skin, na sapos gras i kamap wait. Sapos i olsem, orait pris bai i tok aut long dispela man olsem em i doti. Dispel sua i kamap long binatang bilong kamapim sik, na em i kamap long sua mak bilong buk.
21
Sapos pris i sekim na lukim olsem inogat waitpela gras i kamap na sua ino go insait tru long skin na sua i go pinis, orait pris i mas salim dispela man i go ausait long taun na stap em yet inap long 7-pela dei.
22
Sapos sua i go bikpela na karamapim skin, orait pris bai i tokaut long dispela man olsem em i doti. Dispela sua i kamap long binatang bilong kamapim ol sik.
23
Sapos dispela lait skin mak i stap long wanpela hap na i no go bikpela na karamapim arapela skin, orait em mak bilong buk tasol, na pris i mas tokaut olsem em i klin.
24
Sapos faia i kukim wanpela man na nupela mit long dispela hap faia kukim i kamap ret liklik, or wait olgeta.
25
Orait pris bai i sekim long lukim sapos gras long dispela sua i kamap wait na sua i stap insait tru long skin. Sapos i olsem, orait dispela sua i kamap long binatang bilong kamapim ol sik . Dispela sua i kamap ples klia taim faia i kukim olsem na pris imas tokaut olsem dispela man i doti.
26
Tasol sapos pris i sekim na painim aut olsem inogat waitpela gras long dispela sua mak, na sua ino kamap insait tru long skin na sua i go pinis, orait pris i mas salim dispela man i go ausait long taun na stap em yet inap long 7-pela dei.
27
Orait long dei namba 7 pris imas sekim dispela man, sapos sua i go bikpela na karamapim skin, orait em i mas tokaut long dispela man olsem em i doti. Sua i kamap long binatang bilong kamapim ol sik.
28
Sapos dispela mak i stap long wanpela hap tasol na ino go bikpela tasol i pinis, orait dispela em solap tasol long faia i bin kukim. Olsem na pris i mas tokaut olsem dispela man i klin, dispela em i sua mak tasol na ino bikpela samting tumas.
29
Sapos wanpela man o meri i gat sua we binantag bilong kamapim ol sik i kamapim long het na maus bilong en,
30
orait pris i mas sekim long lukim sapos dispela sua i kamap insait tru long skin, na i gat yelopela gras i kamap long dispela hap. Sapos i olsem orait pris i mas tokaut olsem dispela man i kamap doti. Dispela sigirap long het na maus i kamap long binantang bilong kamapim ol sik.
31
Sapos pris i sekim na lukim olsem sikirap ino kamap insait tru long skin na ino gat blakpela gras long dispela hap. Orait pris i mas rausim man wantaim sik bilong sikarapim skin na em i mas stap em yet ausait long taun inap 7-pela dei.
32
Long dei namba 7 pris bai i sekim na lukim sapos sua i go bikpela, sapos yelopela gras ino stap na sua i stap antap long skin tasol,
33
orait dispela man i mas katim gras bilong en, tasol imas lusim gras long ples sua i stap long en, na pris mas putim em igo longwe long ol man na em i mas i stap em yet inap long 7-pela dei.
34
Long dei namba 7 pris bai i sekim dispela sua long lukim sapos sua i drai pinis. Sapos sua i stap antap long skin tasol, orait pris i mas tokaut long dispela man olsem em i klin. Dispela man i mas wasim klos bing em na em bai i kamap klin.
35
Tasol sapos pris i tok dispela man i klin pinis na bihain skin sikarap i go bikpela na karamapim arapela skin tu,
36
orait pris imas sekim em gen. Sapos sikirap i go bikpela na karamapim skin, pris ino inap painim yelopela gras Dispela man i doti.
37
Tasol sapos pris i lukim olsem dispela skin sikirap ino go bikpela na i pinis, na blakpela gras i gro gen, orait dispela sik i pinis, Olsem na pris i mas tokaut olsem dispela man i klin.
38
Sapos wanpela man o meri i gat waitpela mak long skin bilong en,
39
orait pris i mas sekim na lukim sapos dispela mak ino wait tumas, em i olsem em i kamap long skin tasol. Dispela man i klin.
40
Sapos olgeta gras i lus long het bilong wanpela man, na em i kamap kela, em i klin.
41
Sapos gras long het bilong dispela man i lus long front sait, na em igat kela, em i klin.
42
Tasol sapos wanpela mak i wait na ret liklik i stap antap long kela bilong en, orait dispela em i sua, na i kamap long ol binatang bilong kamapim ol sik.
43
Orait pris imas sekim long lukim sapos dispela solap long kela i wait na ret liklik, olsem mak blong sua long skin we binatang bilong kamapim sik i kamapim.
44
Sapos i olsem, orait dispela man i gat sik i kamap long binatang bilong kamapim ol sik, olsem na em i doti. Pris i mas tok aut long em olsem em ino klin long wanem em i gat sua long het bilong em.
45
Man i gat dispela kain sik imas werim bruk bruk klos, na inoken stretim gras bilong em, na i mas haitim pes bilong en i kam mak long nus, na em i mas singaut olsem, " Mi no klinpela man, mi no klinpela man.'
46
Long taim dispela sik i stap, dispela man i ino stap klin. Dispela man i doti long wanem em i gat sik inap kalap long ol arapela lain tu, olsem na em i mas stap em yet. Em i mas stap ausait long taun.
47
Wanpela hap laplap i stap longpela taim ausait na i bagarap wantaim samting bilong bagarapim laplap,
48
ol i mekim dispela laplap, long rop o hap skin blong animal o arapela laplap samting.
49
Sapos grinpela o retpela samting i bagarapim laplap o hap skin bilong animal,o ol samting ol i wokim long rop o arapela laplap samting. Em dispela samting bilong bagarapim laplap i go bikpela, na ol i mas karim igo long pris bai lukim.
50
Pris imas sekim dispela hap laplap long samting bilong bagarapim laplap, na sapos i stap em i mas putim dispela samting longwe long ol man na imas i stap em yet long 7-pela dei.
51
Long dei namba 7 em i mas sekim gen, sapos dispela samting i go bikpela na bagarapim laplap o skin bilong abus o ol samting ol i wokim long laplap o skin bilong abus o ol arapela laplap samting, orait dispela samting inap kamapim bikpela bagarap olsem na dispela laplap i kamap doti.
52
Em i mas kukim dispela laplap, o ol samting ol i wokim long rop o, skin bilong ol abus, o ol arapela laplap samting we samting bilong bagarapim laplap i stap long em. Long wanem dispela samting inap kamapim sik. Olsem na ol i mas kukim ol dispela bagarap laplap samting.
53
Sapos pris i lukim olsem samting bilong bagarapim laplap ino go bikpela na karamapim dispela hap laplap , o laplap ol i mekim long rop , o samting ol i mekim wantaim skin bilong ol abus, o ol arapela laplap samting,
54
orait pris bai i tokim ol long wasim dispela hap laplap we i bagarap long em na larim i stap longwe, long ol man long 7-pela dei gen.
55
Taim ol i wasim bagarap laplap pinis pris bai i sekim gen. Sapos samting bilong bagarapim laplap ino go bikpela tasol kala bilong em i stap wankain yet, em ino klin. Yu mas kukim dispela lapalap.
56
Bihain long wasim dispela laplap, sapos pris i painim olsem samting bilong bagarapim laplap i pinis , orait em i mas brukim dispela hap laplap o skin bilong abus o ol laplap samting we bagarap i stap long en tasol na trome igo.
57
Sapos samting bilong bagarapim laplap i stap yet long dispela hap laplap o ol samting ol i wokim long rop o skin bilong abus o ol arapela laplap samting na i go bikpela. Yu mas kukim olgeta laplap samting i gat dispela bagarap i stap long em.
58
Sapos yupela i wasim dispela laplap, o skin bilong abus o samting ol i wokim long rop na skin bilong abus o ol arapela laplap samting na dispela samting bilong bagarapim laplap i pinis, orait yupela i mas was namba tu taim na laplap bai i kamap klin.
59
Dispela em lo bilong samting i save bagarapim laplap ,o ol samting ol i wokim long rop or skin bilong abus o ol arapela laplap samting, inap long yupela i ken tokaut olsem em i klin o doti.