11 ¹ God Yawe i tokim Moses na Aron olsem, ² "Tokim ol lain manmeri bilong Israel olsem, ' Dispela em ol abus yupela i ken kaikai namel long olgeta samting i gat laip i stap long dispela graun.'" ³ Yupela i ken kaikai ol abus i save kaikai gras na i gat baret namel long pinga bilong ol. ⁴ Sampela animol i gat baret long pinga, tasol ino save kaiakai grass, o ol i save kaikai gras, tasol inogat baret long pinga, em yupela ino ken kaikai. Yupela ino ken kaikai kamel, long wanem em i no klin, em i save kaikai grass, tasol i nogat baret long pinga bilong em. ⁵ Na mumut bilong wara em i no klinpela animol, long wanem em i save kaikai gras, tasol ino nogat baret namel long pinga, ⁶ na rebit tu ino klinpela animol, em i save kaikai grass, tasol inogat baret namel long pinga bilong em. ⁷ Pik i no klinpela animol , long wanem em i gat baret long pinga, tasol em ino save kaikai gras. ⁸ Yupela ino ken kaikai mit bilong em,o tasim dai bodi bilong pik. Em ino klin long kaikai. ⁹ Long olgeta abus bilong wara, bilong solwara o ol hanwara, yupela i ken kaikai ol pis na abus igat grile na hukhuk long baksait bilong ol. ¹⁰ Yupela ino ken kaikai olgeta arapela abus bilong wara i nogat grile na hukhuk long baksait, ol ino klin long kaikai. ¹¹ Ol dispela abus i doti, olsem na yupela ino ken kaikai mit bilong ol na yupela i no ken tasim dai bodi bilong ol tu. ¹² Ol abus bilong solwara na hanwara ino gat grile na hukhuk long baksait, ol i no klinpela animol na yupela ino ken kaikai ol dispela abus. ¹³ Yupela ino ken kaikai ol dispela pisin; tarangau, na ol bikpela pisin isave kaikai ol dai samting, ¹⁴ na ol pisin igat longpela wing na isave kaikai ol binatang, na ol pisin i gat longpela strongpela wing na isave flai kwik, ¹⁵ na olgeta blakpela pisin bilong nait, ¹⁶ olgeta bikpela ai pisin bilong nait, waitpela pisin bilong wara igat longpela lek na longpela wing na ol pisin i gat sotpela na raunpela wing na longpela tel. ¹⁷ Yupela ino ken kaikai ol liklik na bikpela pisin bilong nait i gat bikpela ai, na ol pisin i save painim pis, ¹⁸ na ol waitpela nait pisin i gat bikpela ai, na ol nait pisin igat bikpela ai i save kaikai rat, na longpela lekhan, nek na nus pisin, ¹⁹ na pisin igat longpela nus i tanim na rat olsem pisin isave taitim skin bilong em long flai. ²⁰ Ol binatang igat wing na i save wokabaut long 4-pela lek ino klinpela binatang long yupela i ken kaikai. ²¹ Yupela i ken kaikai ol binatang i save flai na ol binatang i gat 4-pela lek na i ken kalap kalap. ²² Yupela i ken kaikai ol kainkain grasopa tu. ²³ Tasol ol binantang igat 4-pela lek na i save flai, em ol ino klin na yupela ino ken kaikai. ²⁴ Sapos yu tasim dai bodi bilong wanpela bilong ol dispela doti animol, bai yu kamap doti inap long san igo daun. ²⁵ Wanpela man namel long yupela i kisim wanpela dai bodi bilong ol dispela doti animol, em i mas wasim klos bilong em na stap doti inap san igo daun. ²⁶ Olgeta abus i gat tupela pinga tasol i nogat bikpela baret namel na i no save kaikai gras, em ol i doti. Ol man husat i tasim ol dispela animol bai i kamap doti. ²⁷ Namel long ol animol i save wokabaut long 4pela leg, ol animol i wokabaut long 4-pela pinga, ol i no klinpela animol. ²⁸ Usait i tasim dai bodi bilong dispela animol bai i stap doti inap san igo daun, Usat i kisim bodi bilong dispela animol i mas wasim klos bilong em na istap doti inap san igo daun. ²⁹ Long olgeta abus i save wokabaut isi isi daun tru long graun, dispela ol animol ino klinpela animol, rat na ol kainkain bikpela na liklik liset ³⁰ na ol geko. ³¹ Long olgeta animol isave wokabaut isi isi daun tru long graun, dispela ol animal i doti, wanpela man namel long yupela i tasim ol taim ol i dai, em bai i kamap doti inap san i go daun. ³² Sapos wanpela bilong ol dispela doti abus i dai na pundaun antap long wanpela samting, olsem hap diwai o klos o gras bilong sipsip o hap laplap. Ol i mas putim ol dispela samting long wara na bai i stap doti inap san i go daun, na bihain bai i kamap klin. ³³ Sapos wanpela bilong ol dispela doti animol i dai na bodi bilong ol i pundaun insait long sospen, orait wanem samting i stap insait long dispela sospen bai i kamap doti, olsem na yupela i mas brukim dispela sospen na tromoi. ³⁴ Sapos wara long dispela sospen i stap antap long ol kaikai, orait dispela kaikai i kamap doti. Wara bilong dring istap insait long dispela sospen tu i kamap doti pinis. ³⁵ Sapos dai bodi bilong ol doti animol i pundaun antap long wanpela samting, orait dispela samting i kamap doti, sapos i pundaun long aven bilong wokim paia, orait yupela i mas brukim na lusim, o em mas istap doti olsem. ³⁶ Ol han wara na hul wara bai i stap klin yet, tasol man i tasim dai bodi bilong ol dispela animol tasol i kamap doti. ³⁷ Sapos dai bodi bilong ol doti animol i pundaun antp long sid bilong planim, orait dispela sid i stap klin yet. ³⁸ Tasol sapos wara i stap long sid na dai bodi bilong ol doti animol i pundaun antap long dispela sid, orait dispela sid i kamap doti. ³⁹ Sapos wanpela klinpela animol idai, man husait i tasim dai bodi bilong dispela abus bai i kamap doti inap san igo daun. ⁴⁰ Husait man i kisim dispela dai animol o kaikai dispela dai animol i mas wasim klos bilong em na stap doti inap san i go daun. ⁴¹ Yupela ino ken kaikai olgeta animol isave wokabaut isi isi daun tru long graun, ol i no klinpela animol. ⁴² Yupela ino ken kaikai ol animol isave wokabaut long bel bilong ol, o wokabaut long 4-pela lek na han wantaim na ol animol igat planti lek na ol animal isave wokabaut isi isi daun tru long graun. Dispela ol animol ino klinpela animol. ⁴³ Yupela i no ken mekim yupela i kamap doti wantaim ol animol i save wokabaut isi isi long graun. Yupela ino ken bagarapim yupela yet na mekim yupela i kamap doti wantaim ol kain animol. ⁴⁴ Mi God Bikpela bilong yupela, Yupela i mas mekim yupela yet i kamap holi, long wankain pasin olsem mi stap holi yupela tu imas i stap holi. Yupela ino ken bagarapim yupela yet na kamap doti wantaim ol kain animol i save wokabaut isi isi long graun. ⁴⁵ Mi God Bikpela bilong yupela, mi laik stap God bilong yupela na mi bin kisim yupela i kam ausait long ples Isip. Olsem na yupela imas i stap holi , long wankain pasin olsem mi istap holi. ⁴⁶ Dispela em ol lo bilong tok klia long ol animol, ol pisin na ol abus bilong wara na ol animol i save wokabaut isi isi antap long graun. ⁴⁷ Dispela lo i bilong soim ol klinpela animal na ol animol ino klin na ol animol bilong kaikai na ino bilong kaikai.