23 ¹ Bihain long planti dei, taim God Yawe i givim malolo long ol Isrel na ol i no pait moa long ol birua bilong ol we i raunim ol na Josua i go lapun na i gat planti krismas. ² Josua i singautim olgeta Isrel, ol bikman bilong ol, ol lida, ol Jas, ol ofisa bilong ol na tokim ol, "Mi lapun pinis. ³ Yu lukim pinis olgeta samting God Yawe i bin mekim pinis long olgeta kantri long yu tasol, long wanem em i God Yawe, God bilong yupela i bin pait long helpim yupela. ⁴ Lukim. Mi bin makim bilong yupela dispela ol kantri i stap yet bai yupela pait na kisim na givim long ol tumbuna bilong yupela. Wankain long ol narapela kantri mi bin bagarapim pinis, long Jodan i go inap long bikpela solwara long hap san i go daun. ⁵ God Yawe, God bilong yupela bai i kisim yupela kam aut. Em bai rausim ol aut long yupela. Em bai rausim ol long dispela graun bilong ol na bai yupela i kisim dispela graun bilong ol,em i olsem God Yawe, God bilong yu i bin tok promis long yu bipo. ⁶ Olsem na sanap strong. Na yu mas lukautim yu yet na bihainim olgeta samtin g ol i raitim pinis na stap insait long buk lo bilong Moses. Tanim i go long han sut o i go long han kais, ⁷ yupela i noken pas wantaim ol manmeri i stap namel long yupela na noken kolim nating nem bilong god bilong ol. Long taim yupela laik mekim tok tru antap, yupela i noken kolim nem bilong god bilong ol.Na brukim skru long ol na lotu long ol. ⁸ Na tasol, yupela i mas pas wantaim God Yawe na bihainim em olsem yupela i bin mekim i kam inap nau. ⁹ God Yawe i rausim pinis ol bikpela na strongpela kantri. Na i no gat wanpela inap sanap strong na sakim yupela long dispela taim. ¹⁰ Wanpela man bilong yupela inap mekim 1,000 man bilong ol i ranawe. Long wanem, God Yawe i helpim yupela long pait, olsem bipo em i bin promis long mekim. ¹¹ Orait nau yupela i mas gat wankain pasin, olsem laikim tru God Yawe, Bikpela bilong yupela. ¹² Tasol sapos yupela i lusim God bilong yumi na yupela i pas wantaim arapela lain manmeri i stap long kantri namel long yupela na yupela maritim ol na yupela i bung wantaim ol na ol i bung wantaim yupela, ¹³ orait yupela i mas save olsem, God Yawe, God bilong yupela bai i no inap rausim ol lain i stap namel long yupela na bai ol i kamap trap long yupela na ol wip long baksait na pipia long ai bilong yupela na yupela bai i bagarap long dispela gutpela graun we God Yawe i givim long yupela. ¹⁴ Nau bai mi i go long olgeta hap bilong dispela graun na yu save pinis insait long bel na tingting we i nogat wanpela tok giaman i save kam aut long olgeta gutpela samting God Yawe God bilong yu i bin tok bipo. Olgeta samting i kam long yu. Nogat wanpela i save popoia. ¹⁵ Olsem tasol olgeta tok bilong God Yawe, God bilong yupela i bin promis long en i bin kamap pinis, olsem tasol God Yawe bai larim ol samting nogut i bagarapim yupela long dispela gutpela graun God Yawe, God bilong yupela i bin givim yupela. ¹⁶ Em bai i mekim nogut long yupela sapos yupela i brukim kontrak bilong God Yawe, God bilong Yupela, em i tokim yupela long bihainim . Sapos yupela i lotu long ol narapela god orait belhat bilong God Yawe bai i kam long yupela na bai yupela i pinis hariap long dispela gutpela graun God Yawe i bin givim long yupela."