21 ¹ Nau ol wanwan hetman bilong ol Livai i kam long pris Elisa, long Josua pikinini bilong Nun na long hetman bilong ol lida bilong wanwan lain tumbuna bilong ol manmeri bilong Israel. ² Ol i mekim dispela tok long ol long Silo long graun bilong Kenan, "God Yawe i givim yupela tok em i givim Moses olsem bai em i givim ol biktaun long stap long em, wantaim ol gutpela graun bilong lukautim ol bulmakau na ol sipsip bilong yumi." ³ Olsem na long maus bilong God Yawe, ol manmeri bilong Israel i givim ol taun ol i bin kisim wantaim gutpela graun i gat gras, i go long ol lain Livai. ⁴ Ol pris bilong lain tumbuna bilong Aron i kamap long ol lain Livai. Taim ol i tromoi satu long kamapim mak bilong graun bilong ol lain bilong Kohat ol i kisim mak olsem 13-pela bik taun i kam long lain bilong Juda, Simion na Bensamin. ⁵ Long ol arapela lain bilong Kohat ol i givim ol 10-pela bik taun i kam long lain bilong Ifreim, Dan wantaim hap lain bilong Manase. ⁶ Taim ol i tromoim satu, ol manmeri husait i kam long lain tumbuna pikinini bilong Geson ol i givim 13-pela bik taun i kam long ol lain tumbuna bilong Isaka, Asa, Naptalai na hap lain bilong Manase long ples Basan. ⁷ Na ol manmeri husait i kam long lain bilong Merari, wan wan lain famili, i kisim 12-pela biktaun i kam long lain tumbuna bilong Ruben, Gad na Sebulun. ⁸ Bihain long ol i tromoim satu ol manmeri bilong Israel i givim dispela ol biktaun (i go wantaim ol graun i gat gutpela gras) i go long ol lain Livai, olsem God Yawe i bin tokim ol long han bilong Moses. ⁹ Long ol tumbuna lain bilong Juda na Simion, ol i bin makim graun i go long ol dispela bik taun na ol i raitim nem bilong ol long hia. ¹⁰ Nambawan taim ol i bin tromoi satu ol i givim ol dispela bik taun long ol lain tumbuna bilong Aron i stap namel long ol lain bilong Kohat na ol gen i kam long lain bilong ol Livai. ¹¹ Ol lain Israel i givim Kiriat Aba (Aba em papa bilong Anak), dispela ples i olsem Hebron, i stap long ples maunten bilong Juda wantaim ol gutpela graun i gat gras i raunim. ¹² Tasol ol gutpela graun bilong bik taun wantaim ol haus lain ol i bin givim pinis long han bilong Kelep bilong Jepune, olsem samting bilong em yet. ¹³ Long ol lain tumbuna bilong Aron em i pris, ol i givim Hebron na Libna wantaim ol gutpela graun i gat gutpela gras. Hebron em i biktaun bilong ol man i ken ranawe i go na hait taim wanpela man i laik kiilm narapela man i dai ¹⁴ Jatir wantain ol gutpela graun i gat gras, na Estemoa wantaim ol gutpela graun i gat gras. ¹⁵ Ol i bin givim tu Holon na Debi wantaim graun i gat gutpela gras, ¹⁶ ain, Juta, Bet Semes wantaim ol gutpela graun i gat gras. Dispela 9- pela biktaun i bin kam long dispela tupela lain i bin givim go long ol. ¹⁷ Long lain tumbuna bilong Bensamin ol i givim Gibion na Geba wantaim ol gutpela graun i gat gutpela gras, ¹⁸ Anatot wantaim ol gutpela graun i gat gras na Almon wantaim ol liklik hap ples bilong em na 4-pela biktaun bilong em. ¹⁹ Ol biktaun ol i bin givim i go long ol pris, em ol lain tumbuna pikinini bilong Aron, i kamap 13-pela biktaun olgeta, wantaim ol gutpela graun i gat gras. ²⁰ Ol arapela lain bilong Kohat ol i lain tumbuna bilong Livai. Ol i bin kisim ol biktaun long ol lain tumbuna bilong Ifreim long taim ol i bin tromoi satu. ²¹ Sekam na Gesa wantaim ol gutpela graun i gat gutpela gras ol i givim tu long ol. Sekam em dispela ples mauten bilong Ifreim, dispela biktaun ol man i save ranawe i go long em taim ol i kilim ol man i dai. ²² Kibsaim na Bet Horon i gat gutpela graun i gat gras. Insait long ol dispela 4-pela biktaun ²³ Long tumbuna lain bilong Dan i go long lain bilong Kohat ol i givim Elteke na Gibeton wantaim gutpela graun i gat gutpela gras. ²⁴ Ajalon na Gath Rimon wantaim gutpela hap graun i gat gutpela gras. Insait long ol dispela 4-pela biktaun. ²⁵ Long hap lain bilong Manase, ol lain tumbuna bilong Kohat i bin givim Taanek na Gat Rimon wantaim ol gutpela graun i gat gutpela gras. Insait long 2- pela bikpela taun bilong ol. ²⁶ Igat ol 10-pela biktaun i bilong ol arapela lain tumbuna bilong Kohat wantaim ol gutpela graun i gat gras. ²⁷ Long ol hap lain Manase na i go long ol lain tumbuna bilong Geson, dispela em ol arapela lain Livai, husait i givim Golan insait long Basan wantaim ol gutpela graun. Wantaim wanpela biktaun, taim wanpela man i aburis na kilim narapela man i mas go na hait, wantaim Be Etera na ol gutpela graun na tupela bikpela taun i stap insait long ol. ²⁸ Long ol lain bilong Geson ol i kisim Kison long han bilong ol lain tumbuna bilong Isakar na Daberat wantaim ol gutpela graun i gat gras i stap long en. ²⁹ Jamut na En Ganim wantaim ol gutpela graun i gat gutpela gras na 4-pela bikpela taun. ³⁰ Long ol lain tumbuna bilong Asa, ol i bin givim Misal na Abdon wantaim ol gutpela graun i gat gras. ³¹ Helgat na Rehop wantaim ol gutpela graun i gat gras na 4-pela bikpela taun i stap insait long ol. ³² Long ol lain bilong Naptali, ol i bin givim ol tumbuna bilong Geson Gedes long Galili em i ples hait bilong ol man taim ol i laik lilim ol i dai. Hamot Dor na katan wantaim ol gutpela graun i gat gras na 3-pela biktaun i stap insait long ol. ³³ Em i kamap olsem 13-pela biktaun olgeta i kam aut long ol lain tumbuna bilong Geson, ol i bin kisim tu ol gutpela graun i gat gras. ³⁴ Long ol arapela lain Livai long lain tumbuna bilong Merari i bin kisim long han bilong ol lain bilong Sebulun, Jokneam na Katah wantaim ol gutpela hap graun i gat gras i stap long en, ³⁵ Dimna na Nahalal i kisim ol gutpela graun i gat gras na 4-pela bikpela taun i stap insait long ol. ³⁶ Long lain Merari ol lain tumbuna bilong Ruben i givim, Beja na Jahas wantaim ol gutpela graun i gat gutpela gras, ³⁷ Kedemot na Mefat wantaim ol gutpela graun i gat gutpela gras i stap long en na tu ol i kisim 4-pela biktaun. ³⁸ Long han bilong ol tumbuna lain bilong Gat, ol i bin givim Ramot long Gileat na ol gutpela graun i gat gutpela gras na ol taun bilong i go na hait taim wanpela man i kilim wantok bilong em i dai. Manahaim i kisim tu ol gutpela graun i gat gutpela gras i stap long em. ³⁹ Ol lain tumbuna bilong Merari i kisim tu Hesbon na Jesa wantaim ol gutpela graun i gat gutpela gras i stap long 4-pela biktaun. ⁴⁰ Dispela em ol biktaun bilong ol sampela lain Merari, husait i bilong ol lain Livai, 12-pela biktaun i go long han bilong ol taim ol i bin tromoi satu. ⁴¹ Ol biktaun em ol lain Livai i bin kisim, namel long ol manmeri bilong Israel taim ol i kisim graun, em i kamap 48-pela biktaun wantaim gutpela graun i gat gutpela gras. ⁴² Olgeta dispela taun i stap insait long ol gutpela graun i gat gutpela gras, em i bin i go olsem long ol dispela biktaun. ⁴³ God Yawe i givim ol Israel ol graun em i bin promis long givim ol tumbuna bilong ol, Ol lain Israel i kisim graun pinis na sindaun long em. ⁴⁴ Na God Yawe i givim malolo i go long olgeta hap, olsem em i bin promisim ol tumbuna bilong ol. Nogat wanpela birua bilong ol bai i winim ol na daunim ol. God Yawe i givim ol birua bilong ol i go long han bilong ol. ⁴⁵ Nogat wanpela bilong ol gutpela promis God Yawe i mekim long Israel i popaia, olgeta samting i kamap olsem em i bin tok.