18 ¹ Olgeta manmeri bilong Isrel ol i kam bung wantaim long Silo. ol i wokim haus sel bilong bung na toktok long winim ol graun em i stap pinis. ² Ol 7-pela hap lain manmeri bilong Isrel ol i no kisim graun yet. ³ Josua i tokim ol manmeri bilong Isrel olsem, "Long wanem taim yupela bai i wokabaut i go long graun God Yawe, God bilong tumbuna lain bilong yupela i bin givim long yupela? ⁴ Makim yupela yet tripela man long wanwan femeli lain na bai mi salim ol i go aut. Ol bai i go aut na sekim graun i go antap na kam daun. Ol bai raitim ol samting ol bin lukim na kisim na ol bai kam bek long mi. ⁵ Ol bai skelim long 7-pela hap. Juda bai stap yet long saut lain mak bilong em na ol lain manmeri bilong Josep bai i go yet long hap not long graun mak bilong ol. ⁶ Yupela bai raitim long 7-pela hap, ol ripot bilong graun na kisim ol pepa i kam long mi na long ai bilong God Yawe bai mi pilai laki long tilim i go long yupela. ⁷ Ol livai i no gat graun bilong ol, ol i kisim wok pris bilong God Yawe tasol. Gat, Ruben na hap lain manmeri bilong lain tumbuna bilong Manase i kisim pinis hap bilong ol long wara Jodan. Dispela em Moses wokman bilong God Yawe i givim long ol." ⁸ Na ol man i kirap na go. Na Josua i tokim ol man husait i go long raitim ol ripot bilong graun na i tok, "Go antap na i kam daun na raitm ol ripot bilong graun na kisim kam long mi. Na long ai bilong God Yawe long Silo bai mi pilai laki bilong yupela." ⁹ Ol man i lusim na i go antap kam daun na raitim ol ripot bilong graun long bikpela pepa long 7-pela hap na raitim ol namba bilong biktaun. Bihain ol i go bek gen long Josua long kem Silo. ¹⁰ Long ai bilong God Yawe Josua i pilai laki long Silo. Long em Josua i skelim ol graun i go long ol manmeri bilong Isrel, long wanwan bilong ol em i givim graun mak wantaim. ¹¹ Long tumbuna lain bilong Bensamin em i givim graun long tumbuna i go long tumbuna. Em i skelim graun namel long ol lain tumbuna bilong Juda na lain tumbuna bilong Josep. ¹² Long sait bilong hap not, boda mak bilong ol i stat long wara Jodan. Mak bilong en i go antap arere tru bilong hap not bilong Jeriko na i go antap long maunten ples bilong hap san i go daun. Long hap em kamap long ples nating bilong Bet Aven. ¹³ Long en boda mak i go pas long hap saut na makim i go long Lus (wankain ples olsem Betel). Mak i go daun gen long Atarot Ada klostu long maunten long hap saut bilong Bet Horon. ¹⁴ Mak i go long narapela hap. Long hap san i go daun em i tanim i go long hap saut na bihainim i go long maunten na abrusim i go long Bet Horon. Dispela mak i kam pinis long Kiriat Bal (em i Kiriat Yiarim) em biktaun bilong lain tumbuna bilong Juda. Dispela i mekim mak bilong hap san i go daun. ¹⁵ Long hap saut em i stat long autsait bilong Kiriat Jeram. Mak i go long Efron na i go long ol liklik wara bilong Neptoa. ¹⁶ Mak bilong en i go daun long maunten long narapela sait bilong stretpela ples daun bilong Ben Inom. Em i stap long hap not long pinis bilong stretpela ples daun bilong Refaim. Em i go daun gen long stretpela ples daun bilong Hinom, long hap saut i go daun long jebus na i go daun moa yet long En Rogel. ¹⁷ Em i tanim i go long hap not na i go stret long En Semes na long em i go aut long Gelirot. Em narapela sait bilong Adumim. Bihain i go daun long ples Ston bilong Bohan pikinini bilong Ruben. ¹⁸ Em i go olgeta long hap not bilong liklik maunten Bet Araba na i go daun long Araba. ¹⁹ Mak i go olgeta long hap not bilong liklik maunten bilong Bet Hokla. Arere bilong mak i kam inap long hap bilong not bilong Detsi long arere bilong hap saut bilong wara Jodan. Dispela em i mak bilong hap saut. ²⁰ Wara Jodan i stap olsem mak bilong graun long hap sankamap.Dispela em graun bilong lain Bensamin na ol i tilim igo long wanwan lain famili. ²¹ Nau ol biktaun bilong tumbuna lain bilong Bensamen, long tumbuna lain i go long tumbuna lain, wantaim ol dispela biktaun em Jeriko, Bet Hokla na Emek Kesis, ²² Bet Araba, Semaraim, Betel, ²³ Avim, Para, Ofra, ²⁴ Kepa Amoni, Opni na Geba. Igat 12pela biktaun, wantaim ol liklik ples bilong ol. ²⁵ Na tu ol i gat biktaun bilong Gibeon, Rama, Berot, ²⁶ Mispa, Kefira, Mosa, ²⁷ Rekem, Irpel, Tarala, ²⁸ Sela, Aelef, Jebu(wankain olsem Jerusalem), Kibia na Kiriat. Em ol 14-pela biktaun wantaim ol ples bilong ol. Dispela ol biktaun na ples em bilong ol lain tumbuna bilong Bensamin.