8 ¹ Na Bildat em i man bilong Su i bekim na i tok, ² "Hamas taim bai yu toktok long ol dispela samting? Hamas taim ol toktok bilong maus bilong yu bai i olsem strongpela win tru? ³ Yu ting God Yawe i ken tanim gutpela samting i go long ol nogut samting? Yu ting God Yawe i gat olgeta strong i ken bagarapim ol samting em i stret olgeta tru? ⁴ Ol pikinini bilong yu i mekim sin pinis long em, mipela i save long dispela, long sin pasin bilong ol tasol em i larim ol i stap long sin pasin bilong ol. ⁵ Sapos yu i no malolo na yu wok hat tru long givim olgeta wari bilong yu i go long God yawe. ⁶ Sapos yu i stap stret na stap wantaim em, em bai i kisim ples bilong yu na tanim em yet i kam na putim yu gen long ples bilong yu stret. ⁷ Maski statim bilong yu i liklik, tasol arere bilong ol samting yu ting long en bai i kamap bikpela moa. ⁸ Plis askim ol man i bin i kamap pastaim na harim gut ol wanem ol samting ol lain tumbuna bilong mipela i bin lainim long en. ⁹ Mipela i kamap aste tasol na mipela i no save long wanpela samting long wanem dei bilong mipela long graun em i olsem sedo tasol. ¹⁰ Bai ol i no inap skulim yu na tokim yu? Bai ol i no inap toktok long ol tok i stap insait long bel bilong ol? ¹¹ Inap pepa gras i kamap em yet taim wara i no i stap? Inap gras i olsem pitpit i ken kamap taim wara i no i stap? ¹² Taim ol i stap nupela yet na ol i no katim i go daun, em ol i drai taim ol narapela ol diwai i stap yet. ¹³ Olsem tasol rot bilong ol sampla man husat i lus tingting long God Yawe, olsem na ol manmeri i no pilip long God Yawe bai i lus olgeta. ¹⁴ Strong bilong em long mekim samting bai i bruk, strongpela bilip bilong em bai lus olsem haus bilong spaida. ¹⁵ Em i pas long haus bilong em, tasol em bai i no inap strongim em, na em i holim long en, tasol em i no inap sanap strong. ¹⁶ Aninit long san em i grin na i stap na ol niupela kru bilong en i sut i go i kam long olgeta hap bilong gaden. ¹⁷ Ol rop bilong em i raunim long hap i gat planti ston, ol i painim gutpe ples antap long ol ston. ¹⁸ Tasol taim dispela man i bagarap long ples em i stap long en, na dispela ples bai i tok nogat olsem , 'Mi no save long yu.' ¹⁹ Lukim, dispela, em i "hamamas" orait long kain pasin bilong em tasol, ol narapela diwai samting bai i kamap long dispela hap tasol na kisim ples bilong em. ²⁰ Lukim, God Yawe bai i no inap rausim man i nogat asua na tu em bai i no inap helpim ol man nogut. ²¹ Em bai i mekim maus bilong yu pulap wantaim hamamas na pulapim maus bilong yu wantaim singaut. ²² Husait ol i no save laikim yu bai ol i karamapim ol yet wantaim sem pasin, haus sel bilong ol man nogut bai i no inap i stap moa."