4 ¹ Orait Elifas bilong Teman i bekim tok na i tok olsem, ² Sapos wanpela man i traim long toktok wantaim yu inap yu stap isi? tasol husait i ken stopim em long toktok? ³ Lukim, yu i bin skulim planti lain na yu i strongim han i nogat strong. ⁴ Toktok bilong yu i givim strong long man husait i pundaun na yu i mekim skru i nogat strong i sanap strong. ⁵ Tasol nau hevi i kam long yu na yu pilim les, em i holim yu na yu stap long bikpela hevi. ⁶ I no pret bilong yu tasol bilip bilong yu na pasin bilong bung wantaim long lukim samting bai i kamap? ⁷ Tingting long dispela plis, husait i go lus long hevi taim em i nogat asua o taim ol gutpela manmeri i bagarap? ⁸ Long wanem mi bin lukim, ol man i digim graun na planim samting nogut, ol i bai kamautim samting nogut. ⁹ Long win bilong God ol i lus olgeta na long bikpela belhat bilong em ol i kisim bagarap. ¹⁰ Bikpela singaut bilong laion, toktok bilong ol strongpela laion na tit bilong ol yangpela laion, ol i bruk. ¹¹ Ol lapun laion i go lus taim ol i painim kaikai" na ol pikinini bilong ol meri laion i stap nambaut long olgeta hap. ¹² Orait ol i kisim sampela tokhait i kam long mi na isi tru yau bilong mi i harim ol toktok bilong en. ¹³ Ol tingting bilong ol driman i kam long nait taim olgeta manmeri i slip pinis. ¹⁴ Em long nait taim pret i kam long mi, na olgeta bun bilong mi i guria. ¹⁵ Orait wanpela spirit i abrusim pes bilong mi na ol gras long bodi bilong mi i sanap. ¹⁶ Dispela spirit i sanap isi tru, tasol mi i no inap long lukim em gut. Piksa bilong em i stap klostu long ai bilong mi,em i stap isi tru na mi harim em i tok, ¹⁷ Inap dispela spiritman i stap stretpela tru olsem God? Inap man i stap klinpela tru olsem man i wokim em? ¹⁸ Lukim, sapos God i no putim bilip bilong em long ol wokman bilong em na sapos em i sutim tok long ol ensel bilong em long ol asua ol i mekim, ¹⁹ Amaspela moa, em tru olsem sampela man i save stap long haus ol i wokim long graun, as bilong en i stap long das, husait bai i brukim ol i go liklik olsem ol liklik bataflai, ²⁰ Namel long moning na abinun ol i bagarapim ol, ol i go lus olgeta na i no gat wanpela man i luksave ol. ²¹ I no gat ol rop bilong selhaus i pas namel long ol? Olsem na ol i dai na dai yet wantaim i nogat gutpela tingting.