24 ¹ Bilong wanem Bikpela i gat olgeta strong i no putim taim bilong skelim ol manmeri nogut na i no stretim ol wantaim bikpela strong? Bilong wanem ol lain husait i bilip tru long God i lukim dispela ol dei bilong skelim ol man kam? ² I gat ol manmeri nogut husat i save rausim ol mak bilong graun, i gat ol manmeri nogut husat i strong na kisim ol sipsip bilong ol narapela na putim long banis bilong ol yet. ³ Ol i karim ol dongki bilong husat i no gat papa, Ol i kisim ol bulmakau bilong ol meri man bilong ol i dai pinis na mekim i kamap olsem samting bilong was long ol. ⁴ Ol i strong tumas long ol manmeri i nogat samting na rausim ol long rot bilong ol na ol rabis manmeri i haitim ol yet long ol dispela lain. ⁵ Lukim, dispela ol rabis manmeri i go aut long wok bilong ol yet olsem ol wel donki insait long ples nating, lukluk gut tru long kaikai, Ating god Araba bai i redim kaikai bilong ol pikinini bilong ol. ⁶ Ol rabis manmeri i bungim planti kaikai long nait insait long gaden bilong ol arapela manmeri. Ol i kisim ol frut long givim i go long dispela ol manmeri nogut. ⁷ Ol i no putim klos na slip skin nating long nait, ol i no gat samting bilong karamapim ol yet insait long kol. ⁸ Ol i wet long wara bilong nait bilong ol maunten, ol i slip klostu long ol bikpela ston long wanem ol i nogat haus win bilong slip. ⁹ I gat ol manmeri nogut i rausim ol pikinini papa mama i dai pinis na ol i no inap kisim susu bilong mama na ol manmeri nogut i lukautim ol pikinini na ol rabis manmeri i kamap olsem wasman bilong ol. ¹⁰ Tasol ol rabis manmeri i go skin nating i no gat klos,na ol i hangre, ol i karim planti nekpas bilong rais bilong ol arapela manmeri. ¹¹ Ol rabis manmeri i wokim wel namel long banis long dispela ol man nogut, ol i krungutim wain bilong ol man nogut tasol ol yet i hangre long dring. ¹² Long autsait long biktaun nois bilong pein i stap na i no gat bel isi na nek bilong ol man i stap long pen i singaut long kisim helpim. Tasol God i no as bilong dispela hevi na em bai i kisim dispela sem tok. ¹³ Sampela bilong ol dispela manmeri nogut i no wanbel long lait, ol i no save long rot bilong en, o ol i no stap insait long rot bilong en. ¹⁴ Pastaim long tulait i kamap, man bilong kilim arapela man i save kirap hariap na kilim ol rabis manmeri na long nait em i kamap olsem stilman. ¹⁵ Na tu, ai bilong pamuk man i wet long lukim lait bilong tulait em i tok, Nogat wanpela ai bai i lukim mi, Em i haitim pes bilong em. ¹⁶ Insait long tudak ol manmeri nogut i save brukim ol haus na i go insait, tasol long san ol i no save go raun, ol i no save wari long lait. ¹⁷ Olsem long olgeta bilong ol, bikpela tudak tru i olsem moning bilong ol,ol i pren wantaim bikpela tudak. ¹⁸ Kuik tru ol i go pinis, olsem ol babols antap long pes bilong wara, Ol ples long graun bilong ol i bin bagarap, nogat man i save go wok long gaden wain bilong ol. ¹⁹ Olsem bikpela san tru na hot bilong en i wasim sno i go long wara, olsem tasol ples bilong ol man i dai pinis i kisim ol husait i bin mekim sin i go insait. ²⁰ Dispela bilum i bin karim em long en bai i lus tingting long em, dispela liklik snek bai i kaikai gut long em, long dispela rot ol manmeri ino inap tingim em moa ,pasin nogut bai i bruk olsem diwai. ²¹ Na man nogut i save daunim ol meri i no save karim ol pikinini. Em i save mekim nogut long meri man bilong em i dai pinis. ²² Na yet God i save rausim ol strongpela lain long strong bilong em , em i kirap na i no strongim ol long kisim laip. ²³ God i larim ol na ol i ting ol i orait na ol i amamas long dispela, tasol ai bilong em i stap long pasin bilong ol. ²⁴ Dispela ol manmeri i gat nem, insait long liklik taim tasol, ol bai i go pinis tru, na ol bai i daunim ol na bai ol i kamap olsem ol arapela, ol bai katim ol olsem wei bilong katim yau bilong wit. ²⁵ Sapos em i no olsem, husat i ken tokim mi stret olsem mi wanpela giaman man, husat i ken mekim tok bilong mi i kamap samting nating?