18 ¹ Nau Bildad, dispela man bilong Suhait i bekim na i tok, ² "Wanem taim bai yu pasim maus long toktok bilong yu? Tingting pastaim na bihain yumi ken toktok. ³ Bilong wanem na mipela stap olsem ol animal na stap olsem man nogat save long ai bilong yu? ⁴ Yu husait i save bruk long yu yet ,long taim yu belhat, ating bai ol samting bilong graun i guria long yu o ating bai ol bikpela ston I suruk long ples bilong ol? ⁵ Yes, lait bilong ol man nogut bai ol i putim aut na lait bilong paia bilong em bai i no moa lait strong. ⁶ Na lait bilong em bai i kamap tudak long haus sel bilong em na lam stap antap long em bai go aut. ⁷ Olgeta strong bilong em bai I stap sotpela taim tasol, plen na tingting bilong em bai tromoi em yet I go daun. ⁸ Bai ol i tromoi em i go insait long umben bilong em yet na em bai wokabaut i go insait na pundaun long hul bilong graun. ⁹ wanpela trep bai i holim pasim lek bilong em na bai i holim em strong. ¹⁰ Wanpela rop i hait i stap long graun long holim em na trep i was long rot em i wokabaut. ¹¹ Bikpela hevi bai mekim em i pret long olgeta hap, ol man bai i ron bihainim em . ¹² Ol gutpela samting bilong em, bai tanim kamap olsem man i hangre long kaikai na ol hevi i sambai pinis long bungim em. ¹³ Na sampela hap bilong bodi bilong em i bagarap tru, olsem namba wan pikinini i dai bai i bagarapim sampela bodi bilong em. ¹⁴ Gutpela sindaun bilong em long haus sel, i bagarap na em i wokabaut stret i go long king bilong bagarapim ol man. ¹⁵ Ol manmeri bai i no inap i stap long hausel bilong ol taim ol i lukim olsem salfa paia i kukim olgeta hap ol i stap long en. ¹⁶ Daunbilo long as bilong em bai i drai na antap long han bilong diwai bai bai ol i katim. ¹⁷ Gutpela tingting bilong em bai i lus long graun na em bai i no gat nem long olgeta hap kona bilong biktaun. ¹⁸ Ol bai rausim em long ples lait i go long ples tudak na i go aut long dispela graun. ¹⁹ Em bai nogat ol pikinini man bilong em na tmbuna pikinini man bilong em namel long ol manmeri bilong em na tu em bai i nogat wantok lain bilong em i stap. ²⁰ Long wanpela dei bai ol man i stap long hap san i go daun bai kirap nogut long wanem samting i kamap long em na ol lain i stap long san kamap bai pret long em. ²¹ Ol kain bagarap bai i kamap long haus bilong ol manmeri nogut na tu long ples bilong ol lain manmeri i no save long God."