16 ¹ Orait Job i bekim tok olsem, ² "Mi harim planti kain samting olsem yupela olgeta i no gutpela man bilong strongim ol arapela. ³ Ol dispela toktok i nogat as bilong em? Wanem samting em i rong na yupela bekim tok olsem? ⁴ Mi tu i save toktok olsem yupela, sapos yupela i stap long ples bilong mi, mi ken kisim ol toktok bilong yupela na daunim yupela na bai mi tanim het long soim olsem mi paulim yupela. ⁵ Bai mi strongim yupela long ol toktok mi mekim long maus bilong mi na mekim yupela i amamas. ⁶ Sapos mi toktok, mi bai i no inap filim gut, sapos mi no toktok husait bai i helpim mi? ⁷ Tasol nau God, yu i save mekim mi nogat strong na yu save mekim olgeta famli bilong mi i wari. ⁸ Yu mekim mi i go drai olgeta, dispela em i soim olsem yu no wanbel long mi, ol gris bilong bodi bilong mi kirap na birua long mi na tokaut olsem en i no wanbel long mi. ⁹ God i belhat nogut tru long mi na larim ol dispela hevi na pain i kamap long mi, na em i stap olsem birua bilong mi na givim baksait long mi long karim dispela hevi. ¹⁰ Ol manmeri i birua long mi na ol i tok bilas long mi na ol i kamapim ol giaman tok long mi. ¹¹ God i givim mi long han bilong ol man nogut long bagarapim mi. ¹² Mi bin stap gut tru tasol nau em i larim mi kisim bagarap. Tru tumas, em i holim nek bilong mi na brukim mi i go long dispela mak em i makim. ¹³ Ol man bilong pait long bunara i raunim mi na spia bilong God i sutim lewa bilong mi na em i no mekim mi malolo. ¹⁴ Mi stap olsem wanpela banis bilong haus na long olgeta dei God i save bagarapim mi olsem wanpela soldia i pait wantaim birua bilong em. ¹⁵ Mi putim klos sore bilong mi na mi lusim olgeta biknem bilong mi i go daun long graun. ¹⁶ Pes bilong mi em i pulap wantaim ai wara na dai i karamapim ai bilong mi. ¹⁷ Maski mi no gat asua na mi mekim stretpela prea. ¹⁸ Graun, yu noken karamapim blut bilong mi, larim krai bilong mi i nogat ples malolo. ¹⁹ Long nau tu, lukim ol man i luksave long mi ol i stap long heven, em husait i tokaut long mi i stap antap. ²⁰ Ol pren bilong mi i lap long mi, tasol ai bilong mi i kapsaitim ai wara i go long God. ²¹ Mi askim husait em i save long mi i stap long heven olsem man bilong helpim mi long tokpait wankain olsem man i helpim man i stap klostu long em. ²² Bihain long sampela yia bai mi dai na go long dispela ples ol man i no save kam bek gen.