13 ¹ Ai bilong mi i lukim olgeta dispela samting pinis na ia bilong mi i harim na save pinis. Lukim. ² Wanem yu save em mi tu mi save na mi no aninit long yu. ³ Olsem tasol, bai mi toktok wantaim God i gat olgeta strong na mi tingting long pasim tok wantaim God. ⁴ Tasol yupela i rausim tok tru wantaim planti giaman bilong yupela olsem ol dokta i no inap helpim sikman. ⁵ Olsem bai yu inap stap bel isi tru! Dispela bai i stap gutpela tingting bilong yu. ⁶ Harim nau ol tingting bilong mi yet na harim ol askim i kam long maus bilong mi yet. ⁷ Bai yu mekim toktok i no stret long God na bai yu mekim toktok giaman long em? ⁸ Bai yu soim haphap laip a? Bai yu tok pait long samting bilong God? ⁹ Bai em i gutpela, taim em i skelim laip bilong yu? Inap yu giamanim em olsem yu save giamanim ol man? ¹⁰ Tru tumas em bai i stretim yu sapos long hait yu soim haphap pasin bilong yu. ¹¹ Bai bikpela bilong em i no inap pretim yu na bikpela pret bilong em i no inap daunim yu? ¹² Ol toktok bilong bipo istap long tingting bilong yu em i olsem ol asis bilong paia na ol toktok bilong banisim yu yet em i olsem ol banis ol wokim long graun malumalum. ¹³ Yu stap bel isi na larim mi wanpela tasol i stap na mi wanpela tasol i toktok na larim wanem i kam long mi i kam tasol. ¹⁴ Bai mi kaikai skin bilong mi long tit bilong mi na bai mi kisim laip bilong mi long han bilong mi. ¹⁵ Sapos em i kilim mi bai mi nogat rot moa gen istap, olsem na bai mi lukaut long wokabaut bilong mi long ai bilong em. ¹⁶ Dispela bai i kamap as bilong God i kisim bek mi, long wanem man i no bilip long God i no inap kam long ai bilong em ¹⁷ God, harim gut toktok bilong mi na larim wanem mi tok i kam gut long tupela ia bilong yu. ¹⁸ Lukim nau pasin bilong bilong mi i stret na mi save olsem mi no gat asua. ¹⁹ Husat bai i kam tok pait long mi long kot? Sapos yu kam long mekim olsem na sapos em i tru olsem mi gat asua, em bai mi pasim maus olgeta. ²⁰ God, yu wokim tupela samting tasol long mi na bai mi noken haitim mi yet long pes bilong yu, ²¹ olsem yu mas kisim bek han yu save daunim mi na bai mi noken pret long belhat bilong yu. ²² Orait yu mas singautim mi na bai mi bekim tok, o larim mi i toktok long yu na bai yu bekim tok bilong mi. ²³ Ol pasin nogut na sin mi gat i hamas olgeta? Larim mi i save long pasin nogut na sin bilong mi. ²⁴ Bilong wanem yu haitim pes bilong yu long mi na mekim mi olsem birua bilong yu? ²⁵ Bai yu givim hevi long mi olsem ol drai lip bilong diwai win i rausim i go? Bai yu bihainim drai gras? ²⁶ Yu raitim ol pasin i no gutpela long laip bilong mi. Yu mekim mi i karim ol sin mi bin mekim long taim mi yangpela. ²⁷ Yu putim lek bilong mi long ples hait na yu was long olgeta wokabaut bilong mi na wanem hap mi wokabaut, yu save skelim mi gut tru, ²⁸ maski mi olsem wanpela samting i sting na bagarap olsem laplap ol binatang i kaikai.