9 ¹ Nau taim Jisas i wok long wokabaut i go, em i lukim wanpela aipas man . Em i bin kamap aipas taim mama i bin karim em. ² Na ol disaipel bilong em i askim em. "Tisa, husait i bin mekim sin, papa mama bilong em, o em yet i bin mekim sin na em i bin kamap aipas?" ³ Jisas i bekim tok bilong em olsem, "I no papa mama o dispela man i mekim sin, tasol wok bilong God i mas kamap ples klia long em. ⁴ Yumi mas mekim wok bilong dispela man husait i bin salim mi i kam. Taim em i tulait yet. Nogut nait i kamap na bai yumi no inap mekim wok. ⁵ Taim mi stap long dispela graun, mi lait bilong graun." ⁶ Bihain long Jisas i mekim ol dispela tok, em i spet long graun na mekim graun i malumalum, na i putim graun malumalum long ai bilong em. ⁷ Em i tok long em. "I go waswas long hul wara bilong Siloam (tanim dispela olsem "salim")." Olsem na dispela man i go waswas na i kam bek na inap long lukluk. ⁸ Na ol wantok bilong en, na ol arapela lain i bin lukim em, i wok long askim ol man long mani long pastaim,ol i tok, " Ating em dispela man tasol i save sindaun na askim ol man long mani?" ⁹ Sampela i tok " Em tasol" na sampela i tok, "Nogat, em i luk olsem em. Tasol em i wok long tok olsem ," Em mi tasol." ¹⁰ Na ol i tok long em olsem,"Na ai bilong yu i op olsem wanem?" ¹¹ Na em i bekim tok olsem ." Dispela man ol i kolim Jisas,em i wokim graun malumalum na i putim long ai bilong mi na i tokim mi, "Go long hul wara Siloam na waswas. Olsem na mi i go waswas na mi inap lukluk gen." ¹² Na ol i tok long em olsem." Em i stap we.?" Na em i tok, "Mi ino save." ¹³ Ol i kisim dispela man husait i bin stap ai pas i go long ol Farisi. ¹⁴ Em i de Sabat taim Jisas i bin wokim graun malumalum na i opim ai bilong en. ¹⁵ Na ol Farisi i askim em gen long wanem rot em bin inap long lukluk gen. Na em i tokim ol olsem." Em i putim graun malumalum long ai bilong mi,na mi waswas na nau mi inap lukluk." ¹⁶ Sampela lain Farisi i tok. "Dispela man i no kam long God, long wanem em i no save bihainim lo bilong de Sabat." Arapela lain i tok " Olsem wanem bai sinman inap long mekim ol kain mirakel olsem?" Olsem na ol i bruk i go tupela lain. ¹⁷ Olsem na ol i askim aipas man gen." Bai yu tok wanem long dispela man, long wanem, em i bin opim ai bilong yu?" Aipas man i tok, "Em i wanpela profet." ¹⁸ Tasol ol Juda i no bilip yet long tok bilong dispela man, husait i bin stap aipas inap long taim ol i singautim papa mama bilong dispela aipas man husait i lukluk gen. ¹⁹ Na ol i askim papa mama olsem." Dispela em i pikinini bilong yutupela, olsem pastaim yutupela i tok,em i bin aipas taim mama i bin karim em? ²⁰ Olsem wanem na nau em inap long lukluk gen?" Na papa mama i tok olsem," Mitupela i save olsem dispela em i pikinini bilong mitupela na em i kamap ai pas taim mama i karim em. ²¹ Olsem wanem em inap lukluk gen, em mitupela i no save na husait i opim ai bilong en, em mitupela i no save. Askim em . Em i bikpela man. Na em i ken mekim tok bilong em yet." ²² Papa mama bilong em i tok olsem long wanem, ol i pret long ol Juda. Long wanem, ol Juda i bin pasim tok pinis olsem , sapos wanpela man i tokaut olsem Jisas em i Krais, orait bai ol i rausim em long haus lotu. ²³ Long dispela as na papa mama bilong em i tok," Em i bikpela man. Askim em." ²⁴ Olsem na long namba tu taim gen, ol i singautim dispela man husait i bin aipas na i tok long em olsem. "Litimapim nem bilong God. Mipela i save, dispela man em i sinman." ²⁵ Na dispela man i bekim tok olsem. "Em i sin man o nogat, em mi no save. Wanpela samting mi save,em i olsem. Wanpela taim mi bin aipas, tasol nau mi inap lukluk." ²⁶ Na ol i tokim em olsem, "Em i mekim wanem long yu?. Em i opim ai bilong yu olsem wanem?" ²⁷ Na em i tok, "Mi bin tokim yupela pinis na yupela i no laik harim. Bilong wanem yupela i laik harim gen? Yupela tu i laik kamap disaipel bilong em , a? ²⁸ Ol i tok nogut long em na i tok, "Yu disaipel bilong em, tasol mipela i disaipel bilong Moses. Mipela i save olsem God i bin toktok long Moses, tasol dispela man, mipela i no save em i kam long wanem hap." ²⁹ Mipela i save olsem God i bin toktok long Moses, tasol dispela man, mipela i no save em i kam long wanem hap." ³⁰ Na dispela man i bekim tok bilong ol olsem. "Dispela em i narakain tok tru. Yupela i no save em i kam we tasol em i opim ai bilong mi. ³¹ Yumi save God i no save harim tok bilong ol sinman tasol sapos wanpela man i save lotu long God, na i save bihainim laik bilong en, God i save harim em." ³² Long taim heven na graun i bin kamap, nogat man i bin harim tok bilong wanpela man i bin opim ai bilong ol man i aipas taim mama i karim ol. ³³ Sapos dispela man i no kam long God, orait em i no inap mekim wanpela samting." ³⁴ Na ol i bekim tok bilong em na i tokim em olsem. "Yu bin kamap insait long sin na nau yu laik skulim mipela?" Na ol i rausim em long haus lotu. ³⁵ Jisas i harim olsem ol i bin rausim em long haus lotu. Na em i painim em na i tokim em olsem. "Yu bilip long Pikinini bilong Man?" ³⁶ Na em i tok, "Bikpela, pikinini bilong man em i husat na bai mi i ken bilip long en." ³⁷ Na Jisas i tokim em olsem "Yu lukim em pinis na em i dispela man nau em i wok long toktok long yu.Em dispela man tasol." ³⁸ Na dispela man i tok. "Bikpela, mi bilip." Na em i lotu long em. ³⁹ Na Jisas i tok, "Mi kam long dispela graun long skelim ol manmeri husat i no inap lukluk, ol bai inap lukluk na ol manmeri inap long lukluk bai ol i kamap aipas." ⁴⁰ Na sampela ol Farisi i bin i stap wantaim em ol i harim dispela toktok na ol i askim em olsem. "Mipela tu i aipas?" ⁴¹ Na Jisas i tokim ol olsem."Sapos yupela i bin stap aipas, bai yupela i nogat sin. Tasol nau yupela i tok yupela inap lukluk, olsem na sin bilong yupela bai i stap yet."