7
1
Bihain long ol dispela, Jisas i raun insait long distrik Galili. Em i no laik i go raun long distrik Judia long wanem ol Juda i laik kilim em i dai.
2
Taim bilong Bikpela Dei bilong ol Juda bai lotu, long tingim ol Israel i bin silip kirap raun, long ol haus win i kam kolostu.
3
Ol brata bilong Jisas i tokim em, "Lusim dispela ples na go long Judia, bai ol disaipel bilong yu i ken lukim ol gutpela samting yu mekim.
4
Nogat wanpela man i save mekim samting long hait, sapos em i laik ol manmeri i save long en, em i mas mekim long ples klia.Sapos yu mekim ol dispela samting, orait yu soim yu yet long olgeta manmeri long graun."
5
Na tu al brata lain bilong Jisas, ol i no bin bilipim em.
6
Olsem tasol Jisas i tokim ol, "Taim bilong mi i no kamap yet, tasol taim bilong yupela i redi ol taim."
7
Ol manmeri bilong dispela graun bai no inap birua long yu, tasol ol i birua long mi, long wanem mi tokaut long pasin nogut bilong ol.
8
Yupela i ken go long bikpela dei bilong lotu. Bai mi no i nap go long dispela bikpela dei bilong lotu, long wanem taim bilong mi i no kamap yet."
9
Bihain long Jisas i mekim ol dispela tok long ol, em i stap bek long Galili.
10
Tasol bihain long ol brata bilong Jisas i go antap pinis, Jisas tu i go antap, tasol em i hait yet na i go.
11
Long bikpela dei bilong lotu, ol lain Juda i painim em na ol i tok, "Dispela man i stap we?"
12
I bin i gat planti toktok namel long ol manmeri long Jisas. Sampela i tok, "Em i gutpela man. Ol arapela i tok, "Nogat,em i kiamanim ol manmeri tasol."
13
Tasol, nogat wanpela man i toktok ples klia long Jesus, long wanem ol i pret long ol lain Juda.
14
Taim bikpela dei bilong lotu i go namel pinis,Jisas i go insait long tempel na stat long skulim ol manmeri.
15
Ol Juda i toktok planti na tok, "Olsem wanem dispela man i save long planti samting? Em i no bin go long skul."
16
Jisas i bekim tok bilong ol na i tok olsem, "Ol tok mi tokim yupela, em i no bilong mi, tasol em i bilong man husait i salim mi na mi kam."
17
Sapos wanpela man i laik tru, long bihainim laik bilong God, orait em i mas save long as bilong dispela tok. Em i kam long God, o, mi mekim ol dispela tok long tingting bilong mi yet.
18
Husait man i toktok long em yet, i save litimapim nem bilong em yet. Tasol husait man i litimapim nem bilong man husait i salim em, dispela man em i stretpela man na giaman pasin i no stap long en.
19
Ating Moses i no givim lo long yupela? Olsem, nogat wanpela bilong yupela i save bihainim ol dispela lo? Bilong wanem na yupela i laik kilim mi i dai?"
20
Na ol manmeri i bekim tok bilong em olsem, "Yu mas i gat spirit nogut i stap insait long yu. Husait i laik kilim yu i dai?"
21
Jisas i bekim na tokim ol, "Mi bin mekim wanpela wok, na yupela olgeta i mekim planti toktok.
22
Tasol Moses i givim yupela pasin bilong katim skin bilong ol pikinini man (dispela pasin i no kam long Moses,tasol em i bilong ol tumbuna) na long dei Sabat yupela i save katim skin bilong ol pikinini man.
23
Sapos wanpela man i katim skin long dei Sabat, na dispela i no brukim lo bilong Moses, bilong wanem yupela i belhat long mi, taim mi oraitim bek sik man long dei Sabat?
24
Yupela i noken skelim man long lukluk, tasol yupela i mas skelim man long stretpela pasin."
25
Sampela manmeri bilong Jerusalem i tok, "Aiting em dispela man tasol, ol i painim long kilim em i dai,a?
26
Lukim, em i toktok ples klia na ol man i no mekim wanpela tok long em. Ating ol bikman i save olsem dispela man,em i mas Kraist?
27
Yet, mipela i save long ples em i kam long en, tasol taim Kraist i kam, nogat man bai i save em i kam long wanem hap."
28
Jisas i singaut na skulim ol manmeri insait long tempel na i tok, "Yes, yupela i save long asples bilong mi. Olsem tasol mi no kam long laik bilong mi. Man husait i salim mi, pasin bilong en i tru. Na yupela i no save long em.
29
Tasol mi save long en, long wanem, mi kam long en, na em i salim mi na mi kam."
30
Long dispela tok tasol ol man i laik holim pasim em, tasol nogat wanpela man i putim han long en long wanem, taim bilong en i no yet.
31
Planti manmeri bin bilip long en, na ol i tok, "Ating taim Krais i kam, bai em i mekim planti mirakel bai winim dispela man?"
32
Ol Farisi i harim ol manmeri i mekim dispela tok long Jisas, na ol Hetpris wantaim ol Farisi i salim ol ofisa bilong tempel, i go long holim pasim em.
33
Na Jisas i tok olsem, "Liklik taim tasol bai mi stap wantaim yupela, na bai mi go long en, husait i bin salim mi i kam.
34
Yupela bai i painim mi tasol yupela bai no i nap lukim mi, na wanem ap mi go long en, bai yupela i no i nap kam."
35
Ol Juda i toktok namel long ol yet olsem, "Dispela man bai i go we na bai mipela i no i nap long lukim em? Ating em bai i go stap wantaim ol Grik na skulim ol long ap?
36
"Wanem as bilong dispela tok, 'Yupela bai painim mi tasol yupela bai i no i nap lukim mi? Ples mi go long en, bai yupela no i nap kam?"
37
Na long laspela na bikpela dei stret bilong lotu, Jisas i sanap na singaut strong na i tok, "Sapos wanpela man i nek drai long dring wara, larim em i kam long mi na em i ken dring wara.
38
Husait man i bilip long mi, olsem tok bilong God i tok, "wara bilong givim laip bai i kam aut long bel bilong en."
39
Long dispela, Jisas i tok long Holi Spirit, we husait manmeri i bilip long God bai i kisim. Holi Spirit i no kam yet long wanem Jisas i no kisim biknem yet.
40
Taim ol i harim ol dispela tok Jisas i mekim, sampela manmeri ol i tok, "Tru tumas dispela em i wanpela propfet."
41
Arapela lain i tok, "Dispela man em i Kraist." Tasol sampela i tok moa olsem, "Olsem wanem bai em i kam long Galili?
42
Tok bilong God i no tok aut klia olsem Kraist bai kamap long lain tumbuna bilong Devit, long ples Betlehem, taun bilong Devit?"
43
Olsem na ol manmeri i bruklain namel long ol yet, long Jisas tasol.
44
Sampela bilong ol i laik holim pasim Jisas, tasol nogat wanpela man i putim han antap long em.
45
Nau ol ofisa i kam long ol hetprist na ol Farasi, na ol i askim ol, "Bilong wanem na yupela i no kisim em i kam?"
46
Na ol ofisa i bekim tok bilong ol olsem, "I nogat wanpela i save toktok olsem dispela man."
47
Na ol Farasi i bekim tok bilong ol olsem, "Nau yupela tu i pundaun pinis long giaman bilong em?
48
" Tasol i gat sampela bilong ol hetman na ol Farasi i bilip long en tu?"
49
Tasol ol dispela lain manmeri husait i no save long lo, ol i stap wantaim bagarap."
50
Nikodemas (wanpela bilong ol husait i bin kam lukim Jisas long bipotaim) em i tokim ol,
51
"Na, tasol lo bilong yumi i tok olsem, yumi ken kotim wanpela man, yumi save yet long wanem wok em mekim?"
52
Na ol i bekim tok bilong en olsem, "Yu bilong Galili, a? Ritim gut tok bilong God, na bai yu save olsem no gat wanpela profet i kam long Galili."
53
Na long dispela taim olgeta man i go i kam long haus bilong ol.