42 ¹ Na olgeta bikpela bos bilong ami na Joanan pikinini man bilong Karea, Jesania pikinini man bilong Hosaia na olgeta manmeri long liklik i go long bikpela toktok long profet Jeremaia. ² Na ol i tokim em olsem, "Mipela daunim mipela yet na kam long yu. Prea long God Yawe long olgeta manmeri husat i stap wantaim mipela taim mipela i gat liklik namba. ³ Askim God Yawe God bilong yu long tokim mipela long rot mipela inap go na wanem mipela inap long mekim." ⁴ Olsem na Jeremaia dispela profet bilong God i tokim ol, "Mi bin harim yu. Bai mi prea long God Yawe God bilong yupela olsem yupela i bin tok. Olgeta samting God Yawe i tokim mi, Bai mi tokim yupela na mi i no inap haitim long yupela." ⁵ Ol i tokim Jeremaia, "Inap God Yawe em i trupela na gutpela i lukim stret olgeta tok bek bilong mipela, sapos mipela i no mekim olgeta samting God Yawe God bilong yu, i bin tokim mipela long mekim. ⁶ Olsem em i gutpela o sapos em i nogut, yumi bai bihainim singaut bilong God Yawe God bilong yumi, long husait mipela bai i salim yu i go, olsem em bai i kamap gutpela wantaim mipela taim mipela bihainim singaut bilong God Yawe God bilong mipela." ⁷ Tok bilong God Yawe em i bin kam long Jeremaia, bihain long 10-pela dei. ⁸ Olsem na Jeremaia i singaut i go long Jonanan pikinini man bilong Karea na olgeta bosman bilong ami wantaim em na olgeta liklik lain i go long bikpela lain. ⁹ Na em i tokim ol olsem, " Dispela em i God Yawe God bilong ol Israel, long husait yupela i bin salim mi i go long wanem mi i ken daunim mi yet long askim em na God Yawe i tok, ¹⁰ 'Sapos yupela i go bek na i stap long dispela graun, orait mi bai mekim yupela i strong na mi no inap long brukim yupela i go daun, mi bai planim yupela na mi no inap rausim yupela i kam antap na bai mi rausim dispela bagarap we mi bin givim yupela. ¹¹ Yupela i noken pret long king bilong Babilon, husait yupela i bin pret long em. Yupela i noken pretim em, dispela em God Yawe i tok, mi bai stap wantaim yupela na lukautim yupela na bai mi kisim yupela i kam aut long han bilong ol birua. ¹² Bai mi givim marimari long yupela, bai mi soim sori long yupela na bai mi kisim yupela i kam bek long graun bilong yupela. ¹³ Tasol sapos yupela i tok, "Bai mipela i no inap i stap long dispela graun" Sapos yupela i no harim singaut bilong mi, singaut bilong God Yawe God bilong yupela. ¹⁴ Sapos yupela i tok, "Nogat! mipela bai i go long graun bilong ol Isip, ples we bai mipela i no lukim pait moa na ples we bai i nogat nois bilong biugel na yupela i no inap hangre long kaikai. Mipela bai i go i stap long hap." ¹⁵ Nau yupela i harim tok bilong God Yawe, yupela ol hap lain bilong ol Juda. God Yawe bikpela i stap antap tru, God Yawe bilong ol Israel, i tok olsem, 'Sapos em trutru yupela i laik go long Isip na go i stap long en, ¹⁶ olsem na dispela bainat yupela i pret long en, em bai bagarapim yupela insait long graun bilong oI sip. Dispela bikpela hangre we yupela i bin wari long en, em bai i bihainim yupela i go long Isip na yupela bai i dai long hap. ¹⁷ Olsem na em bai i kamap long olgeta man husat i tingting long i go i stap long Isip, bai yupela i dai long bainat, bikpela hangere na ol hevi. Na bai i nogat wanpela bilong ol inap i stap laip, i nogat wanpela bai i ranawe long bagarap mi laik givim ol. ¹⁸ God Yawe bikpela antap tru, God Yawe bilong ol Israel, i tok olsem, wankain olsem tasol belhat bilong mi i bin kapsait antap long ol lain bilong Jerusalem, long wankain rot belhat bilong mi bai kam antap long yupela sapos yupela i go long Isip. Bai yupela i kamap olsem wanpela samting bilong bagarap na yupela i pret, olsem yupela i tok nogut long ol arapela. Ol samting yupela i no bilipim na yupela bai i no inap lukim gen. ¹⁹ Na Jeremaia i tok, "God Yawe i tok olsem long yu, ol liklik lain i stap long Juda. Yupela i noken i go long Isip, Yu save tru olsem mi i kamap olsem wanpela witnes nau long tok bek long yu. ²⁰ Bai mi tokim yu ansa yu bin giamanim yu yet long taim yu salim mi long God Yawe God bilong yu na i tok, 'Prea long God Yawe God bilong mipela. Olgeta samting God Yawe God bilong mipela i tok, tokim mipela na mipela bai karim i go.' ²¹ Mi bai tokim olgeta wok bilong yu nau, tasol yu no inap long harim singaut bilong God Yawe o olgeta samting long wanem em i salim mi long yu. ²² Olsem na nau,yu inap tru long tok orait na save olsem yu bai dai long bainat, bikpela hangere na ol bikpela hevi long wanem ples yu bin laikim tumas long go na i stap."