21 ¹ Tok bilong God Yawe i kam long Jeremaia taim king Zedekia i salim Pasu, pikinini man bilong Milkisa na Zepania pikinini man bilong Masia, em i pris bilong em na ol i tok, ² ''Kisim stia tok i kam long God Yawe bilong helpim mipela long wanem, king bilong babilon Nebukanesa i laik kirapim pait wantaim yumi. I orait God Yawe bai helpim yumi na mekim mirakol olsem em i bin mekim pinis long taim na bai king i lusim yumi.'' ³ Olsem na Jerusalem tokim ol, '' Yupela i mas tokim Zedekia olsem, ⁴ 'Yawe God bilong ol Israel i tok olsem, Lukim, nau bai mi rausim ol samting bilong pait i stap long han bilong yupela, wantaim ol samting nau yupela i laik pait wantaim king bilong babilon na ol saveman bilong pait, bai i pasim yupela autsait long banis. Bai mi bungim ol long nemel bilong dispela biktaun. ⁵ Olsem na mi yet bai mi apim han wantaim strong na belhat na kros na bai mi pait wantaim yu. ⁶ Bai mi bagarapim olgeta man na ol wel abus i stap insait long dispela biktaun. ol bai i dai long bikpela pain na wari. ⁷ Bihain long dispela, God Yawe i tok klia, king bilong ol Juda Zedekia, ol wokman bilong em, ol manmeri na husait ol lain bai i stap bek long dispela kantri bihain long dispela hevi, ol bai i kisim bagarap bilong bainat na bikpela hangere na bai mi givim ol i go long han bilong Nebukanesa, em king bilong babilon na long han bilong birua bilong ol na long han bilong ol lain i wok long painim ol. Na em bai i kilim ol wantaim nus bilong bainait. Em bai i no inap sori na bel isi long ol.' ⁸ Na long ol dispela ol manmeri yu i mas tok olsem, 'God Yawe i tok olsem. Lukim, nau mi bai kamapim ples klia rot bilong laip na rot bilong dai. ⁹ Husait ol man i stap long dispela biktaun, bai ol i dai long bainat, hangere na bikpela sot. Tasol ol man i go na brukim skru long ol saveman bilong pait wantaim yupela, ol bai i stap laip. ¹⁰ Nau mi lukluk i go long bagarapim dispela biktaun wantaim ol hevi na i no bilong kamapim ol gutpela samting, em i tok bilong God Yawe. Long wanem, mi givim pinis dispela biktaun i go long han bilong king bilong Babilon, na em bai i kukim. ¹¹ Tingim haus bilong king bilong ol Juda, putim yau long tok bilong God Yawe. ¹² Haus bilong Devit i bringim tok bilong lo i kam long dispela moning, God Yawe i tok,'Helpim ol man husait ol man nogut i bin stilim samting bilong ol, o bai belhat bilong mi bai i go olsem paia na kukim ol. Nogat wanpela man bai i stopim paia long wanem, pasin nogut bilong yupela i bikpela moa. ¹³ Lukim, ol lain i stap long ples daun. Bai mi birua long yupela ol ston bilong ples nating, em mi God Yawe i tok, bai mi birua long ol lain i askim olsem, ''Husait bai i kam long bagarapim yumi?'' o ''Husait bai i kam long ol haus bilong yumi?'' ¹⁴ Mi bin givim wok long kaikai bilong pasin bilong yupela long kamap birua bilong yupela, em mi God Yawe i tok na bai mi laitim bikpela paia tru na bai i kukim olgeta samting i stap raunim em.''