13 ¹ God Yawe i tokim mi olsem, yu go na baim wanpela gutpela laplap long putim. Tasol yu no ken putim dispela laplap long wara. ² Orait mi go baim laplap, olsem God Yawe i tokim mi long en na mi pasim. ³ Bihain God Yawe i kam long mi na i tokim mi namba tu taim gen olsem. ⁴ Kisim dispela laplap yu bin baim na pasim i stap long en, yu kirap na go long Paret na haitim dispela laplap long hul bilong ston. ⁵ Olsem mi go na haitim dispela laplap insait long Perat olsem Yawe i bin tokim mi. ⁶ Orait bihain planti de i go pinis, Yawe i tokim mi gen olsem, yu kirap na yu go bek long Perat na kisim dispela laplap mi bin tokim yu na yu bin haitim. ⁷ Olsem mi go bek long Perat na mi digim hul long ples mi haitim dispela laplap long en. Na mi kisim laplap na mi lukim em i bagarap pinis na i no inap long mi mekim wanpela samting long em. ⁸ Na tok bilong God Yawe i kam long mi, olsem, ⁹ God Yawe i tok olsem,bai mi daunim biket pasin bilong ol Juda na Jerusalem na bai biknem bilong ol bai bagarap olsem dispela laplap i bagarap. ¹⁰ Ol dispela manmeri bilong mekim pasin nogut ol i save pasim yau na i no laik harim tok bilong mi. Ol i save biket na bihainim tingting bilong ol yet. Na ol i kisim ol giaman god na lotuim ol. Ol dispela manmeri bai bagarap olsem dispela laplap i bagarap na i no inap long ol man i mekim wanpela gutpela samting long em. ¹¹ Pastaim mi Bikpela,mi bin mekim lain Isrel na lain Juda i pas strong long mi, olsem laplap i save pas strong long namel bilong man. Mi mekim olsem bilong ol i ken i stap ol lain manmeri bilong mi na ol i ken litimapim nem bilong mi na givim biknem long mi. Tasol ol i no laik harim tok bilong mi. ¹² Bikpela i tokim Jeremaia olsem, yu mas autim dispela tok long ol. God Yawe em God bilong Isrel i tok olsem, ol man i save pulimapim wain long ol sospen graun.Ol Jerusalem i harim dispela tok pinis, na ol bai tokim yu olsem. Yu ting mipela i no save long dispela samting? ¹³ Orait yu mas autim dispela tok long ol, God Yawe i tok olsem,Mi Bikpela mi tok olsem bai mi pulapim wain long yupela olgeta manmeri bilong dispela graun na bai yupela i spak nogut tru. Ol king bilong lain bilong Devit na ol Pris na ol Profet na olgeta manmeri bilong Jerusalem wain bilong mi bai pulap long ol olsem wain i save pulap long sospen graun. ¹⁴ Na bai mi bagarapim ol dispela manmeri olsem man i kisim ol sospen graun na paitim long ol arapela sospen graun na olgeta i bruk. Olgeta manmeri bai i bagarap na ol papamama na ol pikinini tu. Mi no ken marimari na sori long ol na larim ol i stap.Nogat tru. Bai mi bagarapim ol. Mi Bikpela mi tok pinis. ¹⁵ Yupela Juda Bikpela i tok olsem. Putim yia gut long tok bilong em.Yupela i no ken biket. ¹⁶ Givim biknem long God Bikpela bilong yupela nogut em i mekim ples bilong yupela i tudak na taim yupela i laik wokabaut long ples maunten bilong yupela bai yupela i pundaun nambaut. Yu laikim tumas bai san i lait long yupela, tasol nogut Bikpela i senisim tulait na ples bai kamap tudak. ¹⁷ Na sapos yupela i no harim tok na yupela i wok long biket i stap, orait ol birua bai i kam kisim manmeri bilong Bikpela na bringim yupela i go kalabus long narapela kantri na mi Jeremaia bai mi i stap wanpis na krai moa yet long yupela na ai wara bai kapsait long ai bilong mi olsem ran i go daun long pes bilong mi. ¹⁸ Bikpela i tokim mi olsem, yu go givim dispela tok long King wantaim mama bilong em. Yutupela i mas lusim sia king bilong yutupela, long wanem hat king bilong yutupela i kamap samting nating na yutupela i no ken bosim kantri moa. ¹⁹ Ol pasim pasim pinis ol dua bilong banis bilong ol taun bilong Distrik Nekev long hap saut bilong Juda, na i no gat man i stap long opim ol dua olgeta i go i stap long kalabus. ²⁰ Putim ai na lukluk i go long wanpela bai i kam long not.Em dispela sipsip em i givim long yu, na dispela sipsip em i givim yu em bai gutpela tru long yu. ²¹ Bai yu tok wanem sapos God i salim ol man long bosim yu bai tok wanem? Ol dispela hevi i no olsem pestaim long hevi na pen bai i kamap em bai narakain, na i no gat sais bilong en, bai pen i kamap olsem meri i laik karim pikinini? ²² Na bai yu tok olsem long bel bilong yu ,long wanem na ol dispela samting i kamap long mi.Na bai yu tok asua bilong yu tasol na ol dispela samting i kamap. ²³ Inap ol manmeri i blek skin inap ol i senisim skin kala na i kamap wait skin. O ol wel pusi bai senisim makmak kala bilong ol. Na olsem wanem long yu yet,ol man nogut i redi long mekim gut. ²⁴ Olsem bai mi mekim ol i drai olsem glas long ples nating win i karim i go. ²⁵ Dispela em i wanem em mi givim long yu,na yu lus tingting long mi bikpela na bilip long ol giaman god. ²⁶ Orait bai mi yet litimapim laplap bilong yu i go antap na haitim pes bilong yu. Na bai mi lukim sem bilong yu. ²⁷ Mi bin lukim pinis stingpela pasin bilong yu. Yu bin wok strong long bihainim ol giaman god na lotu long ol long ol maunten na long ol ples kunai.Yu olsem wanpela meri i lusim man bilong em na mekim pasin pamuk moa yet. Na yu olsem wanpela meri hos i singaut strong long ol hos man. Sori tru Jerusalem i stap doti tru na yu i no laik kamap klin.