20 ¹ Nau olgeta man namel long ol lain Israel ikam bung na i kamap wanpela lain, Long Dan igo inap Bieseba, wantaim graun Gileat na ol i bung long ai bilong God Yawe lo Mispa. ² Ol hetman bilong ol manmeri, insait long olgeta lain bilong Israel, i kisim ples bilong ol taim ol bikpela lain bilong God Yawe - 400,000, man i save wokabaut long lek na i pait, i redi pinis long pait long bainat. ³ Nau ol lain Bensamin i harim olsem olgeta lain bilong Israel i bung antap long Misba na ol Israel i tok,'' tokim mipela dispela pasin nogut tru i kamap olsem wanem.'' ⁴ Livai, man bilong dispela meri ol bin kilim, i bekim, ''Mi kam long Gibea long graun bilong ol Bensamin, Mi na namba tu meri bilong mi, i laik slip long dispela nait. ⁵ Long dispela nait, ol hetman bilong Gibea i paitim mi, ol i raunim haus na ol i pasim tok bilong kilim mi. Na tu ol i koapim meri bilong mi na bagarapim na em i dai. ⁶ Olsem na mi kisim bodi bilong meri bilong mi na mi katim igo liklik, na mi salim igo wanwan long olgeta hap bilong Israel, long wanem ol i bin kamapim pasin nogut na nem nogut long Israel. ⁷ Nau, yupela olgeta Israel, givim gutpela tingting na helpim i kam hia.'' ⁸ Na olgeta man bilong Israel i bung pinis na i kamap wanpela, na ol i tok, ''nogat wanpela man bilong mipela bai igo bek long haus sel, na nogat wanpela bilong mipela bai igo bek long haus bilong em! ⁹ Tasol em wanem bai mipela i mekim nau long ol Gibea; Mipela bai igo pait long ol olsem God Yawe i stiaim mipela. ¹⁰ Mipela bai i kisim 10-pela man insait long 100 man long olgeta lain bilong Israel, na 100 man long ol 1000 man, na 100 man long 10,000 man, long kisim tingting bilong ol manmeri, olsem na long taim ol i kam long Gibea long Bensamin, ol i ken karim hevi long pasin nogut ol i bin mekim long Israel.'' ¹¹ Olsem na olgeta ami bilong Israel i bung pinis long pait long dispela biktaun, olgeta man i bung pinis na i kamap wanpela. ¹² Wanwan lain bilong Israel i salim ol man igo long ol lain Bensamin, na i tok ''Em wanem kain pasin yupela i bin mekim mipela? ¹³ Olsem, Givim mipela ol dispela man nogut bilong Gibea, na bai mipela i kilim ol i dai, na mipela bai i rausim dispela pasin nogut i stap insait long Israel.''Tasol ol bensamin ino laik harim tok bilong ol brata bilong ol, ol lain Israel. ¹⁴ Nau ol man bilong bensamin i lusim Gibea na ol biktaun bilong ol na i kam bung na i redi long pait long ol lain Israel. ¹⁵ Ol Bensamin i lusim ol taun bilong ol pinis na i kam bung na i redi long pait ol i kam long ol biktaun bilong ol, Namba bilong ol man i save gut long pait long bainat i kamap 26,000. Ol i bungim, 700 man ol i makim pinis em ol Gibea. ¹⁶ Namel long ol dispela lain ami ol i bin makim 700 man i save pait long han kais. Wanwan bilong ol i sut ol i no inap abrus. ¹⁷ Ol i no bin kaunim ol lain bensamin, tasol ol man long Israel ol i bin kaunim i kamap olsem 400,000 man, ol man husait i train pinis long pait long bainat. Dispela em ol man husait i save gut long pait. ¹⁸ Ol man bilong Israel i kirap na i go antap long Betel na i askim laik bilong God. Ol i askim, ''Husait bai i go pas long dispela pait bilong yumi long ol Bensamin?'' God Yawe itok, ''Juda yu go pas. ¹⁹ Ol lain Israel i kirap long monintaim tru na ol i go wokim kem klostu long Gibea. ²⁰ Ol lain Israel igo bilong pait long ol Bensamin. Ol i go redim ol yet long pait wantaim ol long ples Gibea. ²¹ Ol lain Bensamin i lusim Gibea na i kam na i pait long ol Israel na long dispela de tasol ol i kilim 22,000 man i dai. ²² Tasol ol lain Israel i strongim ol yet na i bung long lain long wankain hap ol i bin kisim ples long namba wan de. ²³ Nau ol lain Israel igo antap na i krai long God Yawe igo inap apinun na ol i askim God na painim tingting bilong God Yawe. ol i tok, ''Inap mipela igo bek na pait long ol brata, ol lain bilong Bensamin?'' God Yawe i tok, ''Pait long ol!'' ²⁴ Nau ol lain Israel i igo pait long ol ami bilong ol Bensamin long de bihain. ²⁵ Namba tu de, Ol Bensamin igo na i pait long Gibea na ol i kilim 18000 man bilong ol lain Israel. em ol lain i skul long pait long bainat. ²⁶ Na ol ami bilong Israel wantaim olgeta lain bilong ol i wokabaut i go long Betel na i krai long God Yawe, na long ai bilong God Yawe ol Israel i tambu long kaikai inap apinun na ol i kukim ofa bilong wanbel long God Yawe. ²⁷ Ol lain Israel i askim God Yawe - Long bokis kontrak bilong God Yawe i stap long hap long dispela taim, ²⁸ na Pineas, Pikinini bilong Eliesa, Pikinini bilong Aron, i wok olsem pris long dispela taim -''Inap mipela igo pait wanpela taim moa long ol Bensamin, ol brata bilong mipela, o bai mipela i lusim?'' God Yawe i tok, ''Pait, long tumoro bai mi helpim yupela na yupela bai daunim ol.'' ²⁹ Nau ol Israel i haitim ol man bilong pait i raunim Gileat. ³⁰ Na ol Israel i pait long ol lain Bensamin long namba tri de, na ol kamapim ol yet longpela lain bilong pait long ol Gileat olsem ol i bin mekim bipo. ³¹ Ol lain Bensamin i go na i pait wantaim ol lain manmeri, na ol i rausim ol igo long we long biktaun. Na ol i stat kilim sampela manmeri. Igatim 30 pela man bilong Israel i dai long ples bilong paitna long rot. Wanpela billong ol dispela rot igo auntap long Betel, na arapela igo olsem long Gibea. ³² Na ol lain bilong Bensamin i tok," Ol i lus long pait na ol ranawe long mipela, olsem ol i bin ranawe namba wan taim." Tasol ol ami bilong ol Israel i tok,"Yumi go bek na bai yumi rausim ol i go bek long biktaun. long bikpela rot." ³³ Ol lain Israel i kirap i kamaut long ples na ol i sanap long mak long pait long Bal Tama. Na ol ami bilong Israel husait ibin hait long hait ples i ron kamaut long ples bilong ol long Mare Gibea. ³⁴ Long hap ol i kam aut na pait wantim ol Gibea 10 000 man ol i bin makim long ol lain Israel, na pait igo bikpela, tasol ol Bensamen ino save olsem bagarap ikam klostu long. ³⁵ God Yawe i daunim ol Bensamin, long ai bilong ol Israel . Long dispela dai lo ami bilong Israel i kilim 25,100 man bilong Bensamen. Ol dispela i dai em ol lain usait ibin save pait long bainat. ³⁶ Nau ol ami bilong Bensamin i save olsem ol i lus long pait. Na ol lain Israel ibin givim graun igo long Bensamin, Bilong wanem ol i bin kauatim ol man ol ibin haitim autsait long Gibae. ³⁷ Na ol man husait i bin hait i stap i kirapa harip tasol na ron igo insait long Gibea, na ol i kilim olgeta manmeri long bainat. ³⁸ Ol i bin pasim ol sain namel long ol yet, long ol man i hait olsem bikpela klaut bilong sumuk i ken igo antap long biktaun. ³⁹ Long dispela taim sain i kamap namel long ami bilong ol Israel ol i ken tanim kam bek long pait. Nau Bensamin i kirapim pait na ol i kilim olsem 30 man bilong Israel,na ol i tok, em i kilia olsem ol i lus long mipela,olsem insait long namba wan pait. ⁴⁰ Tasol taim bikpela smok i stat long lusim taun na i go antap long biktaun ol Bensamin i tanim na lukim na sumk igo long antup long olgeta hap bilong biktaun. ⁴¹ Nau ol manmeri bilong Israe i givim beksait long na ol Bensamin i poret, long wanem ol lukim bagarap i kam long ol. ⁴² Tasol ol i ranawe na i lusim ol Israel, ranawe igo long ples nating tasol pait kisim ol.Na ami i kam long olgeta biktaun na kilim olgeta wanem long wanem hap ol i sanap long en. ⁴³ Ol i raunim ol Bensamin, n ronim ol na kurugutim ol igo daun long ples Noha, igo inap long ples san kamap long ples Gibea. ⁴⁴ Long lain Bensamin, 18000 man i dai, olgeta bilong usait ibin bagarap long pait. ⁴⁵ Ol i tanim na lusim dispela hap na ranawe ,igo long ples naitng bilong ston bilong Rimon.Ol Israel i kilim 5000 man i bihainim bikrot. Ol igo bihain ol yet klostu tru long rot i go long Gidom, long hap ol i kilim 2000 man na planti moa. ⁴⁶ Ol ami bilong ol Bensamin husait i dai long dispela de i kamap olsem 25,000, husait i lain long pait long bainat olgeta bilong i dai long pait. ⁴⁷ Tasol 600 man i tanim na ronawe igo long ples nating, igo olsem long ston Rimon. lo 4 pela mun ol stap long dispela hap long ston Rimon. ⁴⁸ Tasol ol ami bilong Israel i givim baksait long ol Benjamin na kilim ol wantaim bainat, Na biktaun, wantaim ol animol olgeta samting ol painim. Na tu ol i kukim olegta taun long ai bilong ol