17 ¹ I gat wanpela man stap long maunten ples Efreim, nem bilong em i Maika. ² Em i tokim mama bilong em," dispela moni 1,100 silva mi bin kisim long yu, yu bin bagarapim mi na mi harim, lukim, mi gat silva mi bin stilim, i stap", na mama bilong em i tok," Bai God Yawe i ken blesim yu, pikinini bilong mi" ³ Em i givim dispela 1,100 silva moni long mama bilong en na mama bilong em i tok, "Mi bin putim dispela silva long God Yawe, long katim ain na wokim piksa, nau mi tok orait long yu" ⁴ Taim em givim dispela moni bek long mama bilong en, na mama bilong em i kisim 200 silva moni na givim long wanpela man i save wokim ain piksa na ol i bin putim long haus bilong Maika. ⁵ Dispela man Maika i gat haus bilong ol piksa bilong giaman god na em i putim ol hap klos long haus bilong en, na em i kisim pikinini man bilong en long kamap pris. ⁶ Long dispela taim i nogat wanpela king i stap long Israel, na olgeta man i mekim wanem em i stret long ai bilong ol yet ⁷ Nau i gat wanpela yangpela man bilong Betlehem long Juda, em wanlain bilong Juda ,em wanpela bilong ol Livai. Em i bin stap long inapim ol wok bilong en. ⁸ Na yangpela man i lusim Betlehem long Juda long painim ples long stap.Taim em i wokabaut, em i kam long haus bilong Maika long ples maunten bilong Efraim. ⁹ Maika i askim yangpela man, "Yu kam long wanem hap?" Dispela man i bekim tok olsem, "Mi man Livai bilong Betlehem long Juda, na mi wokabaut i kam long painim ples mi ken i stap." ¹⁰ Maika i tokim em, "Yu stap wantaim mi,na bai mi lukautim yu na bai yu stap pris, na bai mi givim yu 10 pela silva moni long wanpela yia na kolos wantaim ol kaikai." Yangpela Livai i wanbel na i go insait long haus bilong en. ¹¹ Olsem na dispela Livai i bel isi long stap wantaim dispela man, na yangpela man stap wantaim Maika olsem pikinini bilong em stret. ¹² Maika i redim wok holi bilong God long yangpela Livai na em i kamap pris bilong en na em i stap long haus bilong Maika. ¹³ Na Maika i tok," Nau mi save God Yawe bai mekim gut long mi, long wanem dispela Livai stap pris bilong mi."